Sanak Sur, mamak sarato dusana kasadonyo Sajak awal ambo yo lah tiarap sajo, sabab lah tabayang di ambo bareknyo karajo nan ka dikakok. Jan dianggap ringan dalam urusan iko. Ambo sabuik sajo nan balaku di kaum ambo, salah baju sajo diganjuan turun. Aratinyo ndak bisa dicampua nan balain baju do. Tapi Kok disabuik bana nan tasabuik sabananyo dalam pandapek ambo bukan kelangkapan adat datuak nan batujuah sarato khatik, malin jo dubalang dalam kesatuan rumah gadang sambilan ruang tapi ambiaklah mukasuik nan tasirek dalam ratok nan sapanjang hari didendangkan niniak ambo tantang apo nan lah tajadi di rumah gadang sambilan ruang. Dendangko sepanjang sanjo ambo danga 25 th nan lalu.
Rumahgadang sambilan ruang Salajang kudo balari Boto pacah minyak tatuang Busuak baserak kanagari Indak dapek dikatokan lai, bundo kanduang bana nan maratok macam itu. Namun dek niniak mamak ambo kebanggaan indak kurang seketek juo. Dima latangnyo sadabciang nan bak basi saciok nan bak ayam. Lah baserak anak keponakan mamak namun nan di ati ajaran mamak lai dikana juo. Tapi anta ba'ala ko mak, balain jo nan mamak pakai. Kok ajaran adat nan ambo tarimo, yo ndak dapek dibantahkan saketek juo. Baitu banyak pepatah petitih nan sabana santiang menggambarkan urang minang pembentukan budi elok kok manyauak di bawah-bawah, harimau bana dalam paruik kambiang juo di kaluakan tapi kok disigi apo nan sabananyo. Ma lo ado rang minang ka manyauak dibawah. Banyak nan tajadi kok mangecek harimau sajo nan kalua. Nan balaku tabujuah lalu tabalintang patah iko nan dipakai pamarentah orba. Dari Minang juo asanyo mak. Dalam keadaan nan sarupo itu, ambo hanyo dapek berharap untuk adonyo pembenahan namun kalau ka maungkai ndak karajo nan dikakok tu mah. Cubolah malatakan katampeknyo. ba'a bana cadiaknyo awak dirantau jan la dicubo manggisia tampek tagaknyo niniak mamak. Alamaik cilako badan diri. Baru sajo tabaco di ambo pantun rahe koto, Batusangka balantai batu Parak jua labuah basilang Sadang di kapa nan indak lalu baalah jo rakik batang pisang Lah panjang sejarahnyo adat Minangkabau, bukan hanyo sekedar bacakak badusanak tapi lah baparang bagai. Namun bersyukur juo lah kito niniak moyang kito mampu menciptakan adat minang kabau walau salingka nagari. Itulah mufakat nan dapek dibuek. tapi disitu pulo lataknyo kehebatan niniak moyang urang Minang nan harus kito syukuri walau bagalau namun kito tetap bangga jadi Urang Minang. Itu juo nan dipakai dalam NKRI Bhineka Tunggal Ika. Kito ndak pernah maraso lebih rendah dari etnis manapun walau lah terjadi kemerosotan moral yang begitu jauh. Dari pado itu, untuak SC KKM ambo usulkan mundurlah selangkah untuak maju lebih jauh. Silahkan jalan taruih untuak topik 2 - 4 dengan urungkan niaik untuak membahas topik ABS-SBK dan diganti dengan pembahasan masalah peningkatan pendidikan agamo. Disampiang itu, berharap ka niniak mamak untuak mengambil alih dan melanjutkan gagasan ABS-SBK dan membahas dalam lembaga yang memang sudah ada dengan tidak beranggapan bahwa masalah iko lah salasai. Kok ndak bisa sajalan jo KKM abiak wakatu sasudah KKM. Lah banyak ponakan mamak nan tasasek nan dimamak cuma dibilang bukan urang minang lai. ----- Original Message ----- From: Lies Suryadi To: [email protected] Sent: Monday, August 16, 2010 7:14 PM Subject: Bls: [...@ntau-net] aliansi Sanak di lapau, Mako e rancak kiro2 kalau Pemda (melalui LKAAM atau lembaga apopun nan bakompeten) mambangun BALAIRUANG nan agak gadang dan representatif di Kiktenggi ten atau di tampek nan disatujui lah. Di situ silang salisiah sarupo pro-kontra KKM ko kito pabincangkan. Jaleh kalau di BALAIRUANG tu kito bisa duduak barapak tagak bapusu. Bisa sajo sambah manyambah mode lamo dikaokan, tapi bisa juo jo caro praktis. KAN ALAH UNDANG2 NAN TUO2 KITO DULU: "DAULU KATO BASITINAH, KUDIAN KATO BASICAPEK". Soal pakaian jan dikaji bana, bisa sajo nan tibo pakai pantalon jo jas barantai di dado atau basarawa galembong jo babaju bauba. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
