Batanyo ciek ka Mamak Sutan Sampono
Masih tentang wilayah adat atau budaya Minangkabau. Babarapo bulan nan lewat ambo pernah makan di rumah makan urang Bangkinang nan atalase nyo mirip bana jo umumnyo rumah makan Padang. Rumah makan tu banamo "Ocu Deyen" Dek mancaliak kato "deyen" ko ambo langsung mahubuangkan jo ka "deen", "aden" atau "deyen" di kampuang ambo atau kampuang2 Minang nan lain. Satahu ambo (dari berbagai bacaan ttg Minangkabau), wilayah Bangkinang ko kan tamasuak kadalam wilayah adat Minangkabau. Lalu ambo batanyo ka urang nan punyo rumah makan tu, inyo mangaku barasa dari Bangkinang. Lalu ambo batanyo "apakah ibuk masih keturunan Minang ?" Dijawabnyo " bukan, kami orang Bangkinang asli, orang melayu" Padahal ambo alah pernah mananyoan suku keteknyo sabalum itu tapi kini ambo lupo sukunyo. Kasus kaduo, Ado mahasiswa Teknik Mesin sebuah universitas swasta di Batam nan kebetulan wakatu itu ambo jadi pengajarnyo, mato kuliah "Pengukuran Teknik". Apak ko bakarajo di sebuah dinas di pemerintahan Batam Bacarito punyo carito, apak ko mangaku urang Pakanbaru, satalah ambo tanyo sukunyo Piliang "berarti urang Minang juo tu?" kecek ambo "Bukan kecek apak tu, kami urang Melayu asli, urang Melayu pun matrilineal (menurut ibu) dan kami juo basuku-suku" sanggah apak tu. "memang di Pakanbaru banyak urang Minang/Padang" lanjuiknyo. Dari kaduo kejadian tu ambo heran dan ternyato terbukti kecek Pak Bot Sasani Piliang bahaso sebagian urang (keturunan) Minang di lua Sumbar misalnyo Riau ko banyak nan indak sadar bahaso mereka sabananyo secara keturunan masih urang Minangkabau. Pertanyaan ambo, apokoh di luar wilayah SumBar ado juo Lembaga semacam LKAAM/KAN nan bisa mewadahi kepentingan adat Minang? Yang ambo tahu misalnyo di Riau itu kan ado Lembaga Adat Melayu, nan jaleh tujuannyo utk melestarikan budaya Melayu tapi baa dengan adat Minang di luar Sumbar apo lembaga nan bisa melestarikannyo? Tarimo kasih Salam s.malin marajo -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
