Kok baitu yo sudahlah, Sanak Zulidamel. Ambo kan menawarkan seminar karano banyak di RN ko nan masih ado uweh-uwehnyo tantang PRRI ko. Kok samo-samo maraso manang, rancak tumah. Kito pikiakan nan lain. Baa kok masalah 'orgen tunggal' nan alah mawabah tu kito sigi ? ------Original Message------ From: Zulidamel Sender: Rantau Net To: Rantau Net ReplyTo: Rantau Net Subject: Re: [...@ntau-net] Seminar Nasional ttg PRRI. Sent: Sep 10, 2010 02:50
Pak Saaf, Jo Buyuang, Ajo duta sarato dunsanak di Palanta RN. Ambo lahia sasudah PRRI, namun maso ketek ambo bagalimang jo sindrom PRRI karano umumnyo bekas pejuang nan ado disekitar ambo tamasuak ayah, mamak ambo sendiri (alm) indak maraso kalah dalam parang. Pernah ambo pagarahan "Kalau lah kalah yo ngaju sajolah, kecek ambo", alang kapalang mangka atinyo. Nan labiah serunyo kebetulan salah sorang mamak ambo juo tagak di subarang. samo jo pak saaf. Mamak ambo nan tatatara pusek-ko yo ndak bisa banyak mangecek, karano fakta dilapangan satu2nyo nan mambuek PPRI mundur hanyo kapa tabang. Jadi mereka ba griya maadok-i kapa tabang bukan madoki tentara darek. Dari segi persenjataan nan di Pihak PRRI jauh lebih canggih. Lai ado sanjato anti pesawat namun karano mamakainyo nan kurang canggih jadi indak pernah kanai. Kesimpulan akhirnyo dalam pertempuran PRRI nan ado di nagari ambo badampiangan jo nagarinyo pak Abrahan Ilyas indak mengalami kekalahan. Bahkan gudang sanjato, tamasuak pesawat nan siap dirakit barado ditangah kampuang bukan di braknyo nan ado di bukik godang jo di bukik selo. Disitulah permasalahnyo mereka maraso dikhianati oleh ahmad husein yang judul indak manyarah tapi lembali kepangkuan ibu pertiwi. Sasudah parang usai barulah mereka menjadi pejuang yang terlupakan dan terjajah. th 61 - 65 hari2 nan sangat menyakitkan. Banyak mereka harus maninggakan kampuang. Pak saaf, tantunyo bukan ambo sajo nan mandapek carito bahasonyo di dalam hal iko ado nan maraso dikhianati dan sabaliaknyo tantu ado pembelaan. Labiah elok bapak, indak usah cukia masalah iko suai jo pandapek ajo duta. Yo samo mancukia puncak kada nan ampia cegak. Nan ambo yakini pihak nan kalah ko indak maraso kalah dan manuruik pemahaman ambo dari carito nan ambo danga itu sangek masuak aka. tantu anak2 beliau meyakini juo baso bapak, mamak beliau indak kalah dimedan parang tapi kalah karano dikhianati. Kemudian konsep kembali ke pangkuan ibu pertiwi cuma akhmad husen jo kawan2nyo nan kembali kepangkuan ibu pertiwi nan lain diperlakukan sebagai pasukan kalah parang, manyarah tanpa syarat. Jadi bisa bisa runyam urusannyo pak. Walau ahmad husen jo kawan2nyo ditahan sampai tahun 65 namun sasudah itu mereka mandapek fasilitas dari negara. Manuruik ambo masalah iko sangek sensitif apolagi bilo seminar nan bapak gagas diadokan di darerah sentra perlawanan. Diliek dari segi positifnyo, manuruik ambo indak ado juo keuntunganyo. Bialah masalah tu manjadi sejarah kalam perjuangan yang terjadi di ranah Minang. Ambo labiah cameh dari pado penolakan KKM yang ambo yakini hanyo sekedar masalah teknis. Kalau nan iko manyangkuik masalah psikis. Dan jaleh akan muncul duo pihak yang kan berlawanan yaitu nan maraso dikhianati dan sabaliaknyo. Tambah ciek lai pak disitu ado anak2 PKI. Kasimpulan ambo, kalo iko bapak cubo juo aratinyo ndak ado naik elok bapak selain mampantuak2an paham dan babeda tadi. ado tigo pihak pak bukan pro kontra sajo. Wassalam, Zulidamel jkt, lh 48 ----- Original Message ----- From: "Dr Saafroedin Bahar" <[email protected]> To: "Rantau Net" <[email protected]> Sent: Thursday, September 09, 2010 11:19 PM Subject: Re: [...@ntau-net] Seminar Nasional ttg PRRI. Dinda Ajoduta, daripado manggarutok di balakang sajo, ambo raso ado gunonyo dibahas bana abih-abih. Nan bana dikukuhkan, nan salah dikoreksi. Sasudah tu rekonsiliasi, masalahny salasai, sarupo nan dibuek Mandela di Afrika Selatan. Sabalun dibatalkan MK, dahulu alah ado UU Komisi Kebenaran dan Rekonsiliasi nan memang dimukasuikkan utk manyalasaikan masalah-masalah nan tagaiang-gaiang sarupo PRRI iko. UU nan baru sadang disiapkan (? ). Jadi, para sanak nan masih punyo uweh-uweh soal PRRI ko, ambo ajak baiyo bana. Ambo bisa menghubungi Komnas HAM nan bisa jadi mediator. Dahulu, alah dikaji dek Komnas HAM ko soal PKI. Baa Ajo Buyuang, pak Abraham, lai ka baiyo bana koh ? Saafroedin Bahar. Taqdir di tangan Allah swt, nasib di tangan kita. -----Original Messag Saafroedin Bahar Taqdir di tangan Allah, nasib di tangan kita. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
