Assalamualaikum w.w. Sanak Taufiq dan para sanak sapalanta,
Tarimo kasih ateh pertanyaan Sanak tantangg Gebu Minang. Ambo cubo manjawabnyo
ciek-ciek, sapanjang nan dapek ambo jawab. Kakurangannyo bisa ditambah dek
penguruih lain.
1. Apo masalah budaya iko tamasuak 'core business' Gebu Minang ?
Jawab: Sejak tahun 2001, wakatu ketua Gebu Minang dijabat dek pak Fasli
Jalal, istilah 'Gebu Minang' nan mulo-mu;o marupokan singkatan dari 'Gerakan
Seribu Rupiah Minang', diubah manjadi 'Gerakan Ekonomi dan Budaya Minang'.
Singkatannyo tetap Gebu Minang .
Baa mako diubah ? Karano tahap mangumpuakan pitih saribu-saribu tu indak cocok
lai. Apolagi sagalo pitih nan takumpua saribu-saribu tu alah disalurkan ka bank
perkreditan rakyat di tingkek kecamatan, nan pembentukannyo difasilitasi deg
Gebu Minang, tautamo dalam penguruan izin ka Dekkeh dan Bank Indonesia. Sasudah
tabantuaknyo kl 40 bank-bank perkreditan rakyat tu, pamasukan dari para sanak
kito alah mulai seret, apolagi sasudah krismon 1997, dimano banyak pengusaha
urang awak nan tajilapak.
Alah ducubo mangumpuakan pitih saribu-saribu tu, tapi tanyato ongkos
mangumpuakan pitik saribu tu -- misalnyo untuak mancetak kupon -- labiah dari
saribu. Karano itu indak dilanjuikkan.
Apo missi Gebu Minang memberantas kemiskinan di Sumatera Barat ? Niaiknyo
baitu,
tapi kan indak mungkin dilakukan dek organisasi sukarelawan indak bagaji daan
indak bamodal sarupo Gebu Minang. Lagi pulo, indak mudah mancari bantuak nan
tapek. Pak Harto manyarankan mengumpuakan pitih saribu-saribu tu tahun 1982 di
Aripan, Singkarak.
Di ateh karateh tantu gampang. Masalah timbua wakatu ka dilaksanakan. Indak
surangpun nan tahu baa caronyo. Gagasan mambuek bank perkreditan rakyat ko baru
timbua sekitar tahun 1988, disarankan dek bp Drs Abdulgani Dt Sidubalang, Dirut
Bank Duta. Gagasan baliau tu nan dilaksanakan, alah sampai bajumlah kl 40 buah,
nan hiduik sampai kini. Tamasuak dalam usaho mambuek bank perkreditan rakyat ko
adolah mandidik calon direksi dan staf bank, tampeknyo di INS Kayutanam.
Apo paralu masuak ka bidang budaya ? Tantu sajo paralu, karano nan mambedakan
kito jo suku-suku lain kan bidang budaya ko ?
Baa mako Gebu Minang mambuek surang bidang budaya ko ? Kan alah ado budayawan
Sumbar nan cukuik kondang dan alah ado pulo Dewan Kesenian Sumatera Barat ?
Alasannyo sederhana sajo, yaitu karano di Rantau kan juo banyak budayawan nan
piawai, dan lagi pulo para budayawan kondang urang awak nan bamukim di Sumbar
itu kan alun manjangkau kito-kito nan di Rantau ko. [Apolagi karano para
budayawan kondang di Sumbar tu -- antah apolah kolah sababnyo -- lumayan banyak
nan sinis ka kito urang Rantau ko. Nampak kan dalam panulakan taradok KKM nan
riuh rendah tu ?].
2. Bantuan wakatu bencana di Sumatera Barat.
Basamo jo organisasi para perantau lain, Gebu Minang juo tagalenjek,
capek-capek
mambuek Posko Gebu Minang, dan tigo kali mengirim bantuan obat-obatan, langkok
jo dokter, langsuang ka daerah bencana, khususnyo di daerah Pariaman [iko
kampuang ninik muyang ambo, he he.]. Sampai kini masih ado stock obat-obat di
rumah gadang Bp Ir Ermansyah Jamin di Bukit Tinggi, nan siap digerakkan
sakironyo -- jan sampai tajadi handaknyo -- ado bencana.
Mancaliak indak -- atau alun -- ado karajo samo antaro sasamo warga masyarakat
kito wakatu bencana tu, tampak dari kagiatan malapehkan untuang surang-surang
sajo, mako tim Gebu Minang menyarankan supayo dibantuak`samacam sekretariat
bersama penanggulangan bencana daerah , disingkek Sekber PBD, nan tadiri dari
kapamimpinan masyarakat Sumbar. Alah diadokan rapek di Sasana Karya Korem 032
Wirabraja, Padang, disatujui, tapi alun banyak bisa babuek lai sampai kini.
Untuang kini alah ado Badan Penanggulangan Bencana Daerah (BPBD) sebagai
instansi resmi Pemerintah nan batangguang jawab soal mitigasi bencana ko.
Isinyo
iyo pejabat-pejabat. Untuak masyarakat nampaknyo iyo paralu juo. Masalah ko
kami
angkek juo sabagai salah satu tema dalam KKM 2010.
3. Ma nan paralu: mameloki musajik, TPA jo fasilitasnyo, atau mambuek KKM.
Dalam jangka pendek, mameloki musajik jo TPA jaleh paralu, dan iko alah mulai
dikajokan, sabagian jo bantuan dari Pemarentah dan organisasi parantau lain.
Dalam jangka panjang, KKM -- nan antaro lain mangusuang tema ABS SBK -- jaleh
juo paralu, karano sampai kini alun jaleh bana apo pangaratiannyo dan baa pulo
caro malaksanakannyo dalam hiduik sahari-hari.
Karano ABS SBK juo marupakan dasar organisasi Gebu Minang, samantaro alun ado
lai nan manangani masalah iko, kami ambiaklah insiatif/prakarsa, sambia maajak
para dunsanak kito di Ranah untuak mameloki dan manyamparonokannyo. Eeee, di
luar dugaan, baliau-baliau tu bukannyo batarimo kasih Gebu Minang mangarajokan
apo nan sabananyo karajo baliau-baliau tu, malah rami-rami manulak KKM. Heran
ndak tuh ?
Jujur kito mangecek, kalau Gebu Minang indak maambiak prakarsa maadokan KKM,
lai
yakin kito bahaso LKAAM jo DKSB akan maambiak prakarsa maadokan KKM dalam
satahun duo ko, untuak manyusun pedoman pengamalan ABS SBK ? Ambo samo sakali
indak yakin, karano manuruik baliau-baliau tu indak ado apo-apo di Ranah. [Jadi
indak ado HIV/AIDS, indak ado narkoba, indak ado pelacuran, indak ado orgen
tunggal nan seronok tu, pokoknyo adaik tagak, agamo sehat wal afiat.]
4. Tantang dana umat nan diamanahkan ka Gebu Minang.
Seluruh dana masyarakat nan panah disalurkan liwat Gebu Minang alah ditaruihkan
ka bank-bank perkreditan rakyat nan ado di Ranah. Sisa dana nan ado di Yayasan
Gebu Minang -- bukan di Lembaga Gebu Minang -- basumber dari dana nan dicari
surang dek pengurus, antaro lain dahulu malalui pertandingan golf.
Saluruah dana itu diaudit dek akuntan publik dan dilaporkan kapado seluruh
peserta Mubes Gebu Minang tiok limo tahun.
Bulan Desember muko, paling lambek, akan ado Mubes Gebu Minang, nan acaranyo
mamiliah pengurus baru.
Baa kok Sanak Taufiq sato dalam kapangurusan baru, malanjuikkan kiprah Gebu
Minang ko ? Kok kurang, peloki. Nan rancak silakan taruihkan.
5. Tambahan: apo ciri khas Gebu Minang ?
Gebu Minang indak manggantikan IKM-IKM nan alah ado, nan umumnyo bagarak pado
tingkek kanagarian, kota, atau kabupaten, sarupo BK3AM di Jakarta atau IKMR di
Riau.
Gebu Minang labiah banyak marupokan samacam 'sekretariat bersama' kito urang
Minang di tingkek nasional, tampek kito mambahas masalah-masalah basamo sabagai
urang Minang. Baitulah, dalam kapangurusan paratamo dulu, antaro lain
ditabikkan
buku foto "Minangkabau" dalam duo edisi lux, dikoordinasikan dek bung Azwan
Hamir dan Ed Zulverdi, bahaso Indonesia dan Inggeris, untuak mandukuang
kepariwisataan di Sumbar. Waktu pak Fasli Jalal dahulu banyak ditabikkan
buku-buku tantang budaya.
Ciek pasan ambo untuak calon panguruih Gebu Minang nan akan datang.
Siap-siaplah diumpek urang. Urang awak ko ceke bana jo ucapan tarimo kasih dan
penghargaan. Anggap sajo amal jariah.
Wassalam,
-----Original Message-----
From: [email protected]
Date: Sun, 12 Sep 2010 10:12:45
To: <[email protected]>
Reply-To: [email protected]
Subject: Re: [...@ntau-net] Kegagalan KKM atau Belum? ---> Aaa Juo Lai....????
Pak Saaf, maaf ambo alun memahami sepenuhnya Visi-MIsi Gebu Minang iko
Dek lah tasabuik bahaso LKAAM ado menggunakan APBD samantaro Gebu Minang iko
indak
Cuma nan maragu dek ambo, apo masalah Budaya iko memang tamasuak Core Business
Gebu Minang ?
Sabab rasonyo dulu pencanangan iko dek Pak Harto adolah salah satunyo untuak
pengentasan kemiskinan bagi urang Minang.
Jadi kok ado minimal saribu sabulan masing2 perantau Minang menyisihkan
untuak
kampuang. Dengan demikian banyaknyo perantau Minang cukuik banyak nan bisa
dibuek untuak mambantu kampuang
Apo lai dengan timbulnya berbagai bencana di Ranah Minang
Mungkin pengurus Gebu Minang bisa menginformasikan apo sajo pencapaian salamo
iko
Dengan kondisi kini, mano nan labiah mendesak mambantu kampuang. Misalnyo
rehabilitasi Mesjid sehingga layak pakai. Tamasuak membangun kembali TPA sarato
berbagai fasilitas maupun keperluan masing2 santrinyo
Atau melaksanakan KKM
Apolai maaf..., rasonyo itu dana umat nan dipacayokan mengelolanyo ka Pengurus
Lembaga iko...
Kok indak sampai sasuai jo harapan urang nan manyumbang, sesuai banyaknyo
keperluan untuak pengentasan kemiskinan dan fasilitas umum
Tantu taraso agak senjang jadinyo
Sakali lai maaf, ambo indak tau performance sarato skala prioritas Gebu Minang
itu
Wass
TR(55)
Sent from my BlackBerry®
powered by Sinyal Kuat INDOSAT
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
