Mamanda Ajo Buyuang, adinda Reni sarato adidunsanak lapau,
Tarimo kasih apresiasi Mamak untuak tulisan rina tu Peran urang tuo memang sangaik mawarnai apo nan rina lakukan di keluarga rina kini ko Tantunyo rina juo manilai dan mamilah apo nan ka maranjaui Tapi iyo kadang teori memang agak susah manerapkan di kekenyataan dek rambui nan samo itam nyo Rina memang manyukoi halnyo masak mamasak ko Mak Dimuloi wakatu ketek-ketek suko main alek-alek di balakang rumah, mambuek masak2an dari sagalo macam tumbuhan nan tumbuah di parak. Takana ukatu dinasehati Mama saisuak ukatu mamasak nan sabananyo, kalo dikana maso tu iyo karitiang talingo ko mandanga dek awak masih sangaik mudo nan pangana main ka main sajo. Kato pamungkas baiak dari nenek atau mama ukatu tu, nan masih tangiang-ngiang juo.cubolah gau isuak..taraso di gau ajaran kami ko gau paralukan. Ha .itu bana nan basobok kini Mamanda. Alhamdulillah sampai kini Mama masih sehat sahinggo masih bisa dimintai patunjuak Liau. Ciek laih nan mambuek nasiaik sacaro indak lansuang nan rina dapek ukatu dulu adolah mangupiang pembicaraan seorang Bapak nan datang ka rumah ampia tiok minggu, takadang 2 hari sakali. Baliau ko bukan sambarang urang, tapi seorang bekas pejabat di PA Sumbar. Tapi walaupun baliau adolah nan salalu manasehati rumah tango urang lain nan berkasus di pengadilan agama, tapi baliau sendiri ampia salalu datang mangaluah ka rumah jo mama jo papa. Bukan pulo masalah rumik dan mustahak nan dikaluahkan, tapi kaluahan tantang nan Mamak sabuik tu, baa onggoknyo nasi katiko baliau nak kamakan katiko baru pulang karajo. Kibasuah tangan nan alah kumuah dek paja-paja daulu lo mambasuah tangan. Baa indak lamaknyo mancaliak laman katiko oto masuak ka laman. Baa indak respeknyo katiko sipatu baliau ko indak dianjakkan atau indak disalamaikkan katiko nak ka dipakai. Walau itu alah belasan tahun nan lalu rina simak ampia tiok baliau ko batandang ka rumah. Tapi sangaik ironis bagi Rina, sebab rina tau keluarga baliau ko adolah keluarga teladan, anak2 baliau acok dapek penghargaan dari sakolah mereka. Ciek li, baliau ko juo adolah nan sangaik tau tentang keperdataan tarutamo hubungan dalam barumah tangga, tapi baa dek salalu sajo mangaluahan rumah tangga baliau. Nan jadi pikiran Rina, harus sasempurna apokah lai keluarga baliau ko, supayo baliau ko maraso nyaman di rumah liau sandiri. Sebuah gambar nan mengerikan rasonyo bagi rina ukatu tu. Nah Mamak mudah2an kito sadonyo nan barado di palanta ko bisa saketek-saketek baraja jo hal-hal sepele dan ringan-ringan tu sahinggo katiko ado nan barek, nan ringan ko indak mangganja awak. Ah teori lo lik hehehe. Banyak maaf, Wassalam Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
