Mamak, bundo, jo sanak sapalanta.. Nompang bacarito ambo saenek... Carito tantang baluik nan lah acok dipapeh sanak Mbo Fajri di Batam ko.
Baluik adolah sejenis lauak nan babadan panjang, bakulik lincia, kapalo luncuang. Baluik hiduik didalam lunau ataupun dibawah urek urek rumpuik ditapi tabek. Jadi mungkin kalo dari segi tampek iduik baluik ko ado babarapo macam ; baluik sawah, baluik tabek, baluik bancah dan lain lain.... Kalo urusan baluik mambaluik sacaro ilmiah bialah ahlinyo nan mambahas. Kiniko ambo nak saketek mancaritoan kulikaik baluik. Baluik sangaik suko mandaok dibawah bawah. Baiak dibawah lunau ataupun dibawah urek urek rumpuik. Kalo baluik diagiah umpan, inyo indak akan sagan sagan manyemba kalua. Tapi jan diarok badan baluik ko ka nampak sado alah e. Paliang paliang saureh jari nan kalua. Sudah tu nyo bae mancilam basisuruik baliak. Maelo baluik nan alah mamakan papeh untuak kalua dari sarang pun bukan lah hal nan mudah. Harus punyo trik tersendiri pulo supayo badan nan panjang tu bisa dielo, dan takampai dilua. Kok lai katantu jantan batino nyo... Lah tibo baluik dilua , kini tingga caro mamacik baluik ko. Paralu juo caro caro nyo. Kalo salah salah, dipacik kapalo, nyo lari kabalakang. Dipacik ikua, nyo maluncua kamuko. Supayo baluik ko ndak lapeh ado bamacam caro nan panah diajakan kawan sasamo pamanciang baluik ka ambo. > Nan partamo caronyo : tangan dilampihi jo daun nan kasek, lalu dirameh an ka > badan baluik ko, dijamin baluik ko ndak manggarik > Nan kaduo : baluik dimasuk an disalo jari dengan posisi diateh tunjuak, > masuak kabawah jari malang, dilaluan baliak ka ateh jari manih. Lalu di > rameh. mako badaruak daruak lah tulang baluik ko. Iko bisa juo manjamin > baluik indak lapeh. Cuma kini nan alun dapek dek ambo, baa caro nyo mamacik urang nan sarupo baluik ko...yo antahlah.... Salam, tamudo, btm 36 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
