Ola la la padiah lagu "since I been loving you" led zep Labiah poadiah lo guguah dendang sutan ko, talambuang badan jo pangana nan mancabiah hari pulang awak kakampuang liak
Alahhh tu Sutan Mancayo..antian lah sampai disiko sajo dendang tu..raso kararak tulang ambo, raso ka ramuak hati jo jantuang mangana kampuang jo lamak iduik badunsanak di ranah minang Ampunnn Salam-Jepe Sent from my AXIS Worry Free BlackBerry® smartphone -----Original Message----- From: andiko <[email protected]> Sender: [email protected] Date: Thu, 7 Oct 2010 15:11:22 To: <[email protected]> Reply-To: [email protected] Subject: Re: [...@ntau-net] (Seni Kuliner Ranah Minang) Rendang Belut Mamak Zalmahdi jo sanak palanta Iyo malayang pangana jo kenangan ka Sumaniak kota ko. Salanja dari balai Raba'a Sungai Tarab, di belokkan bendi ka suok maminteh di Sumaniak ladang, mandanguih bunyi masin bendi, malakik simpang ka Kumango Utara, di sambuik dek pintu Balai Okoak, disinanlah talatak nagari Sumaniak, nan bamusajik nan kubahnyo bisa baputa. Dulu ado bendinyo almarhum Pak Sari nan barumah di Tangah Sawah di sampiang balai Okoak Sumaniak, bendinyo ko oto Cevrolet lamo, masih pakai pamuta masin di muncuang otonyo, di puta mangko oto ko iduik, itulah bendi dulu nan manambang ka Sumaniak kota. Kalau hari Rabaa tibo, tadanga bana kalason oto pak Sari ko di simpang bendang di mungko rumah gadang Angku titah. Ramilah urang dari Sumaniak kota, maloncek turun. Salah satunyo nan ka di bao pulang yo itu baluik nan sajarek. Balai nan mandanguang bak cando labah, dantiang badantiang bunyi tukang titik, abihlah basi nyo bantuak, batingkah jo bunyi sorak tukang ubek, manawarkan ubek sagalo macam panyakik, disuduik alah babunyi pulo, pakiak parau kalason tukang es. Dilayangkan pandangan ka tangah, balirik kadai nan manggaleh gulai kambiang jo kowa daun, manyimpang ka urang manggaleh karupuak tampa, badampiang jo urang manggaleh dadiah, dimungko basusun urang manggaleh gulai, langkok sarato jo pangek ombilin, batimbo jo urang manggaleh tulang, putiah-putiah rautan tulang kariang kaki jawi, baungguak mananti urang mambali. Disampiang tagak tukang karambia, ba tetangga jo urang manggaleh lado, alah sato pulo nan manggaleh jariang jo patai. Indak langkok kalau ndak mancaliak urang manggaleh maco, maco arai, maco itam, sapek binguang jo maco bilalang, badampiang jo urang manggaleh ikan padang. Batingkah pulo jo nan manjua ikan rayo jo ameh, disinan kito batamu pulo jo limbek dan baluik iduik. Nan baluik ko sanak, dek licin alahurabi, yo tapaso makalinca jo sakam padi. Baru disinan rila badan di atua jo saga. Nan Sumaniak sanak, disinanlah dewo dewi manjajak kaki, disinan salendang kabasaran di tinggakan, iyo tarambau mancaliak galak manih. Di sinan Mangkudum basumayam sanak, urang pilihan basa ampek balai. Sawah bajanjang kuniang gadiang, ladang nan panuah jo cangkeh mandak, iko ka jalan naiak haji. Kok ka mancari urang kayo, yo datanglah ka sumaniak sangkek itu, jo limun urang mambasuah tangan. Kok alah tatumbuak sanak jo simpang tigo balai Okoak, sasimpang jalan ka Sungayang. Sungayang mangkonyo Tanjuang, tanjuang mandaki ka puncak Pato. Sasimpang jalan ka Situmbuak, Situmbuak mangko Supayang, disinan tacogok Mandahiliang Lawang, duduak badampiang jo Tabek Patah. Luhak limo puluah tahampa mampatamukan. Di Sumaniak sanak, tagak basusun si rumah gadang, tando kabasaran anak nagari. Puncak nan manjangkau awan, bakilek-kilek manantang mato ari. Baitu bana sanak, kalau Sumaniak nan kadi baco, yo ingin balari ka bandara segera mancari tiket pulang...he.,.he...mancari randang baluiknyo. Salam Andiko Sutan Mancayo ----- Original Message ----- From: [email protected] To: [email protected] Sent: Thursday, October 7, 2010 11:21:38 AM GMT +07:00 Bangkok, Hanoi, Jakarta Subject: Re: [...@ntau-net] (Seni Kuliner Ranah Minang) Rendang Belut Karano sanak Andiko manyabuik randang baluik Sumaniak, nompang satolah lah ambo agak sakaki jo carito randang baluikko. Dek kami di Sumaniak namonya Samba Baluik. Babeda jo randang baluik Gurun (mungkin juo jo nan dibuek Etek sanak Jepe). Memang randang ko kayo jo bumbu, namun nan dinagari ambo miskin daun2an (biasonyo dipakai daun surian disampiang daun2 bumbu randang lazimnyo), tambahan lainnyo patai. Baluiknyo nan lamak baluik sawah. Baluik taranak jo baluik banda indak lamak. Mambueknyo butuah waktu nan labiah lamo dan tanago labiah dibandiangkan randang dagiang/hati/limpo. Mancaliak urang tuo kito mambuek randang baluik ko, tampak bana karajo karehnyo. Mulai dari mambarasiahkan baluik, mempersiapkan bumbu, maracik bumbu, mengolah baluik sabalun dicampua jo bumbu sabalun dimasak (adokalanya baluik ko di baka dulu kemudian dipotong dan dicampua jo bumbu), dilanjutkan mamasaknyo dalam kuali gadang diateh tungku api dari kayu dan sacaro berkala diaduak taruih sampai jadi randang. Bisa awak bayangkan barado cukuik lamo dihadapan hawo tungku nan cukuik angek/paneh, kato urang kini ko bisa marusak kulik muko/wajah. Dek prosesnyo cukuik rumik dan butuah waktu labiah lamo, di kampuang ambo kiniko lah jarang nan bisa mambuek randang baluikko. Kebanyakan anak mudo kini indak tertarik lai baraja/mewarisi. Alhamdulillah diateh rumah keluarga kami lai ado nan mawarisi keahlian randang baluikko. Adiak pas di bawah ambo, guru di SMA 1 Batusangka nan mawarisinyo. Dari sebagai karajo sambilan disampiang untuak makanan keluarga kami, kiniko dek banyak pasanan (baik dari urang kampuang di rantau maupun dari nagari tetangga) lah buliah dikatokan manjadi usaho sampiangan. Bilo lai takarajoan dek adiak ko, bisa2 manjadi produk andalan usaho rumah mambao namo nagari. Nan lamak makan randang baluik, bak kato pak Prof. Hilman, iyo jo lado tulang. Apolai kalo ado dadiah, lah manjadi tigo sarangkai (randang baluik, lado tulang & dadiah). Sanak Andiko, Ambo waktu ketek lai mengalami maso keemasan cangkehko. Sebagai pemungut cangkeh rareh sajo lah bapiti awak sangkek itu. Belakangan sejak cangkeh mati, katanya Sumaniak sempat dikategorikan sebagai nagari tertinggal/terpuruk secara ekonomi, walaupun perantaunya banyak sukses dalam usahonyo sebagai pedagang (manggaleh). Salam Zalmahdi Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
