Da Zal Rato2 kenagarian di tanah data kampuang awak raso2nyo ndak asiang lai jo randang (samba) baluik ko
Dikampuang ambo memang kayo bumbu (sarok2 istilahnyo) sarupo nanditarang etek ambo tu Nan paliang ahli dan dingin bana lakek tangan mambuek randang baluik ko di dunsanak saparuik kami yo mak tuo ambo (kakak ibu ambo) kini lai dikampuang yo dek faktor usia lah sakit2an ndak talok lai mambuek randang baluik nan paralu waktu sarato tanago sarupo nan daZal caritokan tu Sadangkan etek2 nan lai..lai pandai juo tapi nan maestro yo mak tuo ambo dikampuang ko (inyo ndak bisa hadir ka pekanbaru baralek anak etek (adiak bungsu ibu ambo) dek faktor usia dan sakik2 tadi kok ndak ambo ka bacarito lamak jo beliau seputar kuliner terutama aneka samba ladonyo nan memang jujur sajo dek dingin tangannyo mamasak apo sajo mode samba lado dibueknyo sabana lahap kami makan kalau lah baumpua dikampuang duu2nyo Salah satu padu serasi dek mak tuo kami tu jo randang baluik adolah samba lado dompak (putiak ambacang) baminyak tanak..ondee bergaya "klasik" bana makan cando iko mah :-) Kini lai turun ka anaknyo nan guru juo di SMA 1 Sangka ambo mamanggia Uni Wati (santiang juo mamasak samba2 buruak uni ambo ko) Kok baluik itu lah pasti harus baluik sawah nan alami bana, di panggang jo sabuik dulu, baabu-abukan badan baluik tu baru beko siap di buek randang yo mamakan waktu mulai di gulai jo api gak gadang sampai disangai2 jo baro sampai tabik minyak dan manghitam Hasilnyo jaan disabuik Dahhhhsyaaattt !!! Wass-Jepe Sent from my AXIS Worry Free BlackBerry® smartphone -----Original Message----- From: "[email protected]" <[email protected]> Sender: [email protected] Date: Thu, 7 Oct 2010 04:21:38 To: <[email protected]> Reply-To: [email protected] Subject: Re: [...@ntau-net] (Seni Kuliner Ranah Minang) Rendang Belut Karano sanak Andiko manyabuik randang baluik Sumaniak, nompang satolah lah ambo agak sakaki jo carito randang baluikko. Dek kami di Sumaniak namonya Samba Baluik. Babeda jo randang baluik Gurun (mungkin juo jo nan dibuek Etek sanak Jepe). Memang randang ko kayo jo bumbu, namun nan dinagari ambo miskin daun2an (biasonyo dipakai daun surian disampiang daun2 bumbu randang lazimnyo), tambahan lainnyo patai. Baluiknyo nan lamak baluik sawah. Baluik taranak jo baluik banda indak lamak. Mambueknyo butuah waktu nan labiah lamo dan tanago labiah dibandiangkan randang dagiang/hati/limpo. Mancaliak urang tuo kito mambuek randang baluik ko, tampak bana karajo karehnyo. Mulai dari mambarasiahkan baluik, mempersiapkan bumbu, maracik bumbu, mengolah baluik sabalun dicampua jo bumbu sabalun dimasak (adokalanya baluik ko di baka dulu kemudian dipotong dan dicampua jo bumbu), dilanjutkan mamasaknyo dalam kuali gadang diateh tungku api dari kayu dan sacaro berkala diaduak taruih sampai jadi randang. Bisa awak bayangkan barado cukuik lamo dihadapan hawo tungku nan cukuik angek/paneh, kato urang kini ko bisa marusak kulik muko/wajah. Dek prosesnyo cukuik rumik dan butuah waktu labiah lamo, di kampuang ambo kiniko lah jarang nan bisa mambuek randang baluikko. Kebanyakan anak mudo kini indak tertarik lai baraja/mewarisi. Alhamdulillah diateh rumah keluarga kami lai ado nan mawarisi keahlian randang baluikko. Adiak pas di bawah ambo, guru di SMA 1 Batusangka nan mawarisinyo. Dari sebagai karajo sambilan disampiang untuak makanan keluarga kami, kiniko dek banyak pasanan (baik dari urang kampuang di rantau maupun dari nagari tetangga) lah buliah dikatokan manjadi usaho sampiangan. Bilo lai takarajoan dek adiak ko, bisa2 manjadi produk andalan usaho rumah mambao namo nagari. Nan lamak makan randang baluik, bak kato pak Prof. Hilman, iyo jo lado tulang. Apolai kalo ado dadiah, lah manjadi tigo sarangkai (randang baluik, lado tulang & dadiah). Sanak Andiko, Ambo waktu ketek lai mengalami maso keemasan cangkehko. Sebagai pemungut cangkeh rareh sajo lah bapiti awak sangkek itu. Belakangan sejak cangkeh mati, katanya Sumaniak sempat dikategorikan sebagai nagari tertinggal/terpuruk secara ekonomi, walaupun perantaunya banyak sukses dalam usahonyo sebagai pedagang (manggaleh). Salam Zalmahdi Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
