Sanak Rita dan sanak lain sapalanta yang ambo hormati, Tarimokasih atas foto papan peringatan masuak kelok 44. Ambo sangaik familiar jo kawasan ko sebab kampuang ambo cuman beberapa km sabalun Ambun Pagi. Peraturan atau 'tata tertib' masuak kelok 44 ko bagi ambo sangat menarik, sebab sekaligus merefleksikan 'kemunduran' urang awak dalam bertertib lalu lintas. Satau ambo peraturan poin 1, 2, 3, 4, 5, 7 zaman saisuak (sampai tahun 70an) indak paralu disurekkan disesuatu papan peringaturan di nagari awak, sebab poin-poin penting tu alah harus malakek di memory hampia satiok sopir di Sumatera Barat. Kalau istilah komputer, ko lah marupokan 'nilai default' di utak para sopir tersebut. Cubolah tanyokan kebenarannyo ka sopir-sopir lamo, atau urang-urang nan alah mambaok oto dari jaman saisuak.
Aturan ko amat sangat dipatuhi sebab alah marupokan etika standar untuak sopir di Sumbar, Riau, dan Sumut. Malahan ado kode etik sopir nan lain, cando saling maagiah kode klakson kalau berpapasan jo oto nan nomor platnyo samo( cando BA jo BA, BM jo BM dst). Atau baranti kalau ado oto nan mogok di tapi jalan. Minimal sekadar batanyo untuak menunjuakkan simpati. Iko berlaku khususnyo untuak perjalanan luar kota. Dulu, bagi ambo etika nan dicaritokan diateh tu merupakan kebanggaan kalau bacarito ka kawan urang bukan Minang nan samo-samo bertugas di Sumbar, sebab etika ko indak ado do di seluruh tanah Jawa. Ambopun sampai kini sacaro instinktif masih mamakai etika ko kalau manyetir oto di jalan pegunungan nan sampik di Jawa atau di lua Jawa. Etika berkendaraan ikolah nan alah ilang kini, sahinggo lah paralu disurekkan di suatu papan peringatan cando masuak ka kelok 44 ko. Selain etika nan lah ilang, timbul pulo sagalo sipaik egoistis dan arogansi kalau lah mambaok oto di jalan raya. Zaman lah barubah, Minangkabaupun barubah, ikuik-ikuik mancontoh sagalo kebiasaan urang lain nan sabananyo indak sesuai jo tatanan iduik lamo nan alah elok dan sesuai jo situasi dan kondisi nagari ko. Maaf & wassalam, Epy Buchari L-67, Ciputat Timur On 15 Okt, 18:17, Rita Desfitri Lukman <[email protected]> wrote: > Peraturan memasuki kelok 44 itu sendiri di buek per poin, > Poin pertamo nyo justru aturan bahwa oto nan di ateh harus maagiah prioritas > ka oto nan dari bawah. > Poin kaduo: oto harus mambunyikan klakson di satiok tikungan/kelok > Poin katigo: oto manggunokan porseneling satu > Poin kaampek: sopir harus istirahat kalau mangantuak, jan ditaruihkan juo > manyetir > Poin kalimo: sopir indak buliah mamarkir kendaraan di jalan nan indak rato > atau di jalan sampik > Poin kaanam: Oto nan ba bobot di ateh 8 ton dilarang malewati kelok 44 > Poin katujuah: Harus maagiah tando-tando kalau oto rusak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
