Kalau awak nio salamaik & sukses di dunia dan akhiraik ijan takuik mati, dan pahami jo sungguah-2 AQ basarato Hadis Nabi
Sanakmbo 'Sutan" Marindo jo 'Sutan' Ridha, basarato Dunsanak komunitas r...@ntau-net nan ambo horomaik-i. Kalau sajo dokumentasi tatulih nan ambo punyoi indak "abih kanai aie dan dimakan anai-anai" kutiko Papa maajak kami (keluarganyo) pindah dari Jl. Sawahlunto, Mentengwadas, Jakarta Selatan ka Jl. Delima VI/I Klender Jakarta Timur (1979), mungkin kasado nan dipatanyokan Sanak, ambo baok datiak ko juo ka "Kedubes SumBar" di Matraman, Jakarta. Masih untuang awak, Si Google lai bisa mambantu sacaro sederhana salingka ketidakpercayaan samantaro urang ateh kekayaan (rakhmat lil alamin) bumi Minangkabau nan sampai datiek ko alun sempat diolah untuak keberkahan anak manusia (nan barasa) dan mahuni ranah Minangkabau. Kalau sajo saksi hiduik Ir. Yanuar Muin dan Ir.Azwar Anas amuah bakato jujur bake ganarasi panaruih di Minangkabau, ambo raso apo nan ditulih Wisran Hadi (di Singgalang) atau si m.m (di r...@ntau-net) tu, bukanlah gigauan atau impian. Sakali lai ambo garis bawahi, bumi Minangkabau kayo jo sumber daya mineral bukan koyok ala Mantari Ugamo era Megawati nan ampiang maluluahlantakkan istana Bogor untuak manggali harato Karun di sakitar situ. Kutiko berita uranium banyak dikanduang bukik-bukik sakitar PLTA Mininjau (bukik nan masih perawan sampai hari ko di Muko-muko), Pak Yanuar (nan panah dipangku Ir. Sutami di pungguangnyo, kutiko lubang PLTA nan dibor sacaro sistemik tambuih hanyo maleset sekitar 0,013%, dari alfa nan dibuliahkan 0,05%) sakali-sakali mato Insiyur luruih tabuang ko maliek ka bukik-bukik di sampiangnyo (karano wanyo tahu banyak rusio Allah nan disimpan dalam paruik bukik-buki di bumi Minangkabau). Sabagai panambah barito dan info dari si m.m bake Sanak, di tahun 70-an awal, kutiko turih-turih (balagak bansaik)nan bakulik sarupo kabau putiah, boom bakunjuang ka Maninjau, Bayua, Matua, dan manyewo rumah-2 tuo di sekitar Maninjau (USD 6.00,- s/d 9.00,-/day), acok turih nan purak-purak mambuek dokumentasi pribadi tu, diam-diam malakukan survei seismik saputa bana atau indaknyo kandungan mineral/ uranium di sekitar Muko-muko tu. Kalau sajo Dinas Pariwisata SumBar (era 1970-1975) masih mampunyoi dukomentasi hari ko, pasti jumlah turih (nan balagak mularaik) masuak Minangkabau kutiko tu paliang banyak barasa dari Jerman dan sekitarnyo (Eropa). Kini a jou lai? Hanyo jo caro "manyogok" nan punyo rumah di pinggia danau (Maninjau) 6 sampai 9 dolar seo manumpang lalok, sagalo macam data nagari awak alah digungguang turih brilian tu masuak ka nagarinyo. Kini, si Kapitalis nan alah punyo "blue print" saputa harato nan dikanduang tanah Minangkabau, manunggu sajo ukatu bilo inyo dibuliahkan masuak ka Minangkabau untuak mengekploitasi rakhmat lil alamain nan dibarikan Allah SWT buek kejayaan dan kemakmuran umaik Minangkabau asa sabana-bana manjalankan ABS-SBK sacaro konsisten. (Paradokskah ? Nah, ikolah tantangan dan kanyataan nan haruih dipacahkan "tungko tigo sajarangan" di Minangkabau..!!!!===>mm) Jadi, babaliak ka tulisan Sanakmbo Wisran (dan mungkin juo tulisan si m.m), soal ikolah tampaknyo nan kurang diantisipasi atau kurang disadari dek Dunsanakmbo "penggagas KKM-2010". Bapikielah baliek ka balakang (bukan barati si m.m ko manyuruah Dunsnak untuak malakekan "baju sampik". Bukan..!!). Picayolah, Sanak. baitu "paga saliangka adaik" nan kito katahui salamoko "indak lakang dek paneh indak lapuak dek ujan" alah dipalungga di bidang investasi, jo caro "mampamodern perlakuan Tanah Ulayat" di Minangkabau, tunggulah KEHANCURAN RANAH MINANGKABAU NAN LABIAH PARAH LAI....!!!! (Cukuiklah tanah ulayaik di bumi Papua nan alah disarahkan Kapalo Sukunyo --nan bodoh-bodoh. Maaf Nyiak Obahorok, maaf Bruer Yoris Rewenyai..!!!-- untuak diekploitasi habih-habihan mampakayo kekuatan "konspirasi dahsyat", tapi tataok sajo mamiskinkan anak manusia nan dibari "Tuhannyo" untuak dinikmatinyo sacaro alami. Tantu sanakmbo nan barasa dari Minangkabau indak ka sampai hati pulo maniru "kebijakan pemangku adaik di Papua nan alah dibodohi urang Pusek", supayo ranah Minangkabau juo porak poranda urang dan isi buminyo dimakan keserakahan anak manusia modern nan mampadewakan demokrasi (suaro nan tabanyak adolah soaro kebenaran? Puuiihhh!!! Astaghfirullah al azim===>mm) Langkah utamo konspirasi dahsyat (nan diutaki salamo ko dek si Yahudi laknatullah malalui tangan "Si Padang" sandiri, nan namuah baengko jo George Soros, dkk) adolah mampatipih iman generasi baru Minangkabau jo soal budaya malu. Dulu, kutiko ambo tingga & sikola di Piaman (1960-1968), ambo liek Ajo-ajo nan sadang duduak main dumino atau maruok di Lapau Dakek Kuburan Bulando, atau lapau-lapau di Lohoang atau lapau-lapau di dakek pinjaro Pasa Piaman malu-malu kuciang karano masih juo main dumino, kutiko tadanga azan limo ukatu. Ukatu tu kami bagudu-gudu malangkahkan kaki datang ka musajik raya Kampuangperak. Baitu juo kutiko ambo pindah ka "dakek rumah bako" di Tilkam Bukiktinggi (1968-1970. Bagi kami (anak-2 karano dicontohkan dek nan tuo-tuo) salalu manjadi "kewajiban" untuak sumbayang ka surau/ musajik dakek rumah. Kini??? Kini? Kutiko ambo maajak keluarga sacaro rutin pulang kampuang (di limo tahun balakangan ko), nan ambo tamui di kampuang halamanmbo adolah sabana manyadiahkan. Kutiko ambo datang sumbayang ka musajik Mualimin di Cubadak Lubuakbsuang, musajik raya Psa Lubuakbasuang, musajik raya Tanjuangmutiara, Tiku; musajik Djamiak di Sungailimau, atau surau gadang di Sungaisariak; atau musajik Djamiak di Ipuah Djangkak, Mandiangin Bukiktinggi, di musajik raya Kapuangperak Piaman, atau musajik raya V Koto Aiepampan, Subarang Piaman, ambo liek shaf-shaf sumbayang limo ukatu langang dari kunjunangan jamaah. "Zaman alah barubah, 'Yuang!!!" , mungkin iko komentar Dunsanak ateh "sololikui" si m.m ko. Tapi, dari suduik konspirasi nan maacu ka firman Allah dalam surek Al Baqarah ayat 120 (tolong Sanakmbo Ridha palewakan bunyi surek tu), nan tajadi salamoko, dan hari ko di Minangkabau adolah karano kito "Si Padang" alah lupo jo asa usua. Kini ko awak alah banyak nan "cadiak" dan "cadiak buruak". Karano bahasia dibuek " Si Pambaok Konspirasi Dahsyat" mampadewakan keberhasilan di kulik, keberhasilan topeng, tapi hati sanubari kosong, sumangaik "sadantiang bak basi saciok bak ayam" alah mulai abih kukuih dari kahidupan banagari dan bamasayarakaik, mako jadilah Minangkabau sarupo hari ko. Satiok "Si Padang" nan maraso "cadiek" di bidangnyo, mancibo mamakai kaco mato hitam untuak mancaliek kambiang putiah di Minangkabau. Kalau sajo potensi nan dipunyoi "Si Padang" (konon 4,3 juta ado di ranah minang, dan 4,3 juta ado di bumi parantauan DN/LN) bisa SOLID, saiyo sakato dan namuah saliang danga mandanga..., insya Allah kito bisa jaya. Ijan ka mambangun anak nagari di Minangkabau, kalau sajo kito KOMPAK (dalam pangaratian nan lueh), Tugu Monas di muko kantuambo di Jakarta, bisa dibali "Si Padang" jo harato nan barasa dari bumi ranah minang. Cuma ciek tanyo dari ambo sandiri nan sulik mancari jawaoknyo, "Sia wanyo Si Padang hari ko nan bisa manjadi sarupo Nelson Mandela nan bahasia maangkek anak bangsanyo nan dihino paham apartheit, manjadi sebuah bangsa Afsel tapandang dalam perdominoa hiduik di dunia"??? Antahlah Yuang....!!! Talabiah jo takurang ---sabaleh jo kapalo-- maafkan si m.m. Salam....................., mm*** Lk-2; >50th; Bks ________________________________ From: Marindo Palar <[email protected]> To: [email protected] Sent: Tue, October 19, 2010 7:57:06 AM Subject: URANIUM-->Re: [...@ntau-net] KKM Ditolak Oleh Wisran Hadi Karano Manunggu Siklus 100 Tahun Lai...Ha ha ha ha???? Iyo batua sanak Ridha, duo dokumen itu nan ambo maksud. Ambo kapatang tangah malam tu sadang di jalan, di peristirahatan jalan tol Jkt-Merak. Jadi indak sempat mancari baliak link ka dokumen ko. Iya itu memang dokumen mengenai explorasi. Mengenai hasil explorasi nyo, indak basuo dek ambo di internet doh. Dan, ambo pikia kalau indak basuo di internet, bukan berarti barang ko indak ado samo sekali. Salam, Marindo Palar --- Pada Sel, 19/10/10, Ahmad Ridha <[email protected]> menulis: >Dari: Ahmad Ridha <[email protected]> >Judul: Re: [...@ntau-net] KKM Ditolak Oleh Wisran Hadi Karano Manunggu Siklus >100 >Tahun Lai...Ha ha ha ha???? >Kepada: [email protected] >Tanggal: Selasa, 19 Oktober, 2010, 2:44 AM > > > > >2010/10/19 Marindo Palar <[email protected]> > >Mengenai Uranium di Prop. Sumbar, ambo puyo salinan Kepres nya dan Perjanjian >Kerjasamanya, dapat dari mbah Kakung Google. Silah cari di sinan.... >> Tidak ada salahnya kan berbagi tautannya di sini, Pak. Apakah yang dimaksud dua ini? Agreement concerning co-operation on the general survey and exploration of uranium minerals in West Sumatra (with exchange of letters). Signed at Jakarta on 14 June 1976 http://untreaty.un.org/unts/60001_120000/9/21/00017014.pdf KEPUTUSAN PRESIDEN REPUBLIK INDONESIA (KEPPRES) NOMOR <COMP NAME=nomor>49 TAHUN 1976 (49/1976)TENTANG MENGESAHKAN PERSETUJUAN ANTARA PEMERINTAH REPUBLIK INDONESIA DAN PEMERINTAH REPUBLIK FEDERAL JERMAN TENTANGKERJASAMA DIBIDANG PENYELIDIKAN UMUM DAN EKSPLORASIBAHAN GALIAN URANIUM DI SUMATERA BARAT</COMP> http://www.bphn.go.id/jdih/index.php?action=download&file=76kp048.doc > >Akan tetapi keduanya tentang eksplorasi. Pertamyaannya, apakah hasilnya >memang >menemukan uranium di Sumatera Barat? Mungkin Bapak menemukan dokumen yang >lain. > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
