Tarimo kasih banyak Angku Asmardi Arbi jo Angku Abraham Ilyas. Dari indak tahu samo sakali bantua aa skunk tu kini manjadi panasaran (ingintahu, curious) tantng binatang ko. Apolai sasudah maraso badoso, awak ka pai sumbayang subuah, hari kalam-kalam agak hujan karinaian, awak manggiliang makhluk ciptaan Allah nan indak ado dosonyo. Taibo hati MakNgah sasudah mangucap Astagfirullah. Baun nan busuak tu saroman dianggap hukuman langsuang dari Allah.
Karano indak tahu tu, sasudah pulang dari musajik MakNgah caliak google nan sakileh tabaco Skunk ko khusus daerahnyo dari Amerika. Tapi kini sasudah mambaco katanrangan Angku Asmardi baru tahu ado di Indonesia dan banyak pulo macamnyo. Tapasolah MakNgah baraja Skunk sapagi ko: Sudah dicaliak kamus Echols Shadily,, "skunk" tu diterjemahkannyo jo "sigung" [Mydaus meliceps], sarupo nan dikatangahkan Angku Abraham tu. Sasuai bunyi jo ucapan Urang Banjar nan dikatangahkan Angku Asmardi tu "Senggung". Kamungkinan di Kampuang Awak ado juo binatang ko. Bulan Juni 1958 MakNgah baliak dari Palembang. Sumatera Barat baru sao ddiduduki Tentera Pusek. Manjalang Sijunjuang, barangkali dakek-dakek Daerah Kamang/TanjuangGadang, kami tabaun busuak, sabana busuak. Kecek urang di ateh oto, itu baun kantuik ...[binatang, antah apo namonyo MakNgah lupo]. Wakatu ketek-ketek, kalau ado kantuik kawan nan sabana busuak, kami kecekan "baun kantuik Taligu". Tapi antah aa nan taligu tu, awak indak tahu; kantuik taligu kecek urang, taligu lo kecek awak. Sudah agak baraka saketek, Telegu tu ruponyo satu namo Bahasa. Indak mungkin istilah ketek-ketek tu diambiak dari Kantuik Telegu. Kok ado adidunsanak nan dari Sijunjung antaro Sungai Dareh jo Sijunjung tolong kanakan namo binatang nan kantuiknyo sabusuak tu bana. Sakadar Joke untuak kenangan. Karano Makngah wakatu itu masuak Sumatera Barat dari Palembang, dan oto kami baru dipareso partamu kali dek Tantara Pandudukan di perbatasan. Indak ado nan mamareso KTP doh, tapi batanyo kareh-kareh ka supir kalau lai mambawo Tarasi. Supir turun, pai ka bulakang oto, antah maagiahkan tarasi antah aa indak tahu awak, oto buliah jalan. Mungkin isilah "tarasi" ko satui kato kode untuak arati lain. MakNgah maraso aman. Tapi sasudah pangalaman "baun busuak" tu, kami manyangko baun tu: "Baun Kantuik Tantara Sukarno" ...:) Sasudh mancari kato-kato "Mydaus meliceps" di web, iko antaro lain-lain bahan bacoan rancak untuak pangatahaun kito jo "Skunk", "Sigung", atau "Senggung" tu: http://www.badgers.org.uk/badgerpages/stink-badgers-02.html http://en.wikipedia.org/wiki/Skunk http://www.pleasebekind.com/skunk.html Salam, -- MakNgah Sjamsir Sjarif --- In [email protected], "Asmardi Arbi" <asmardi.a...@...> wrote: > > Mak Ngah jo sanak AI, > Assalamu'alaikum wr.wb. > Wakatu ambo batugeh di Martapura , Kabupaten Banjar, Kalsel, ado binatang nan > sarupo Mak Ngah caritoan. Urang Banjar manyabuik binatang tu SENGGUNG. Di > Kalimantan iyo indak ado binatang buas nan babahayo. Tapi binatang nan > banamo Senggung ko dimasuakkan kategori binatang nan babahayo, bukan karano > buas tapi karano baunnyo, persis sarupo nan mak Ngah caritoan. > > Binatang ko iyo sarupo jo gambar nan dikirim sanak AI. Biasonyo kalua malam > hari, kalau takajuik binatangko takantuik-kantuik kecek supir ambo. Apo lai > kalau tagiliang! Tanyato binatang ko indak monopoli Amerika Utara sajo > sasuai jo carito mak Ngah tu, di Kalimantan lai ado pulo. > > Wassalam, > Asmardi Arbi ( Lk,69, Kampai, Tangsel ) > > > From: Abraham Ilyas > Sent: Sunday, October 24, 2010 3:03 PM > To: [email protected] > Subject: Re: [...@ntau-net] Re: Apakah iklan "mamamia" dari nagari Itali > > Apokoh nan Mak Ngah giliang jo oto itu sarupo gambar di bawah iko nan namonyo > SIGUNG. > Kalau Sigung iko baunnyo iyo busuak bana. > Tapi kalau Musang (Luak) lai harum sarupo daun Pandan baunnyo. > > Salam > > AI -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
