Bung Dedi, Pak Abraham, dkk lainnyo, Salam, Masalah tanah ulayat awak ko ado duo onggoknyo. Satu onggok ka dalam, dan satu lai onggok kalua. Ka dalam, awak samo awak, dalam sakaum, sasuku, sanagari dan basabalahan nagari. Ka lua, awak jo urang lua nan masuak, nan manarobos masuak dengan kendaraan pembangunan nan digerakkan oleh pemerintah, tarutama pamarentah pusek, melalui program pembukaan perkebunan besar, terutamo kiniko sawit, di samping juo pertambangan dan perkayuan/kehutanan, dsb. Onggok ka dalam sebahagian besar tajadi di Luhak Nan Tigo. Onggok ka lua di daerah lingkaran lua di kawasan rantau Pasaman, Darmasyraya, Solok Selatan, Pasisia Selatan dsb sampai ka Riau, Jambi, Bangkahulu, dan bahkan seluruh wilayah Indonesia ko. Di onggok ka dalam, penyebab utamanyo, seperti nan ambo sampaikan, adolah masalah "disekuilibrium," yaitu hilangnyo atau lah talampauinyo keseimbangan antaro jumlah panduduak nan bakakambangan taruih dan jumlah tanah nan konstan ndak batambah; malah bakurang taruih, sebagai akibat dari perluasan kota, kampuang jo nagari, pembangunan perumahan, jalan-jalan dan prasarana lain2 dalam manuju masyarakat dan dunia moderen. Nan tajadi adolah sisalak adat antaro awak samo awak, nan imbasannyo sampai ka pangadilan, dsb tu. Lalu diparunciang lagi oleh adonyo proyek Prona. Namun jiko dibandiang jo onggok kalua, betapapun intens dan kompleksnyo masalah sisalak awak samo awak, iko cuma riak dalam galeh. Babeda jo onggok kalua di kawasan rantau tu nan malibatkan jutaan hektar, dari Sabang sampai Merauke, sahingga awak io bana baliak tajajah baliak dan awak baliak manjadi rakyat kuli baliak. Sayangnyo ndak banyak awak nan sadar tentang kenyataan ko. Malah di antaro para ekonom nan gandrung dengan pembangunan ekonomi bercorak makro. Jalan nan nampak terutamo membukakan lahan dan peluang kepado investor asiang seperti salamo ko. Awak ndak baraja baa Cino mambangun nagari mereka, seperti juo Japang, Singapura, Malaysia, Vietnam, dsb tu, nan mambangun ekonomi kerakyatan dalam rangka penyejahteraan seluruh lapisan rakyat. Ambo alun mandapekkan makalah hasil penelitian kawan2 di Fekon Unand tu. Kalau ado nan punyo, sanang ambo kalau bisa diagiah ambo kopynyo. Juo kalau ado nan punyo emailnyo Pak Syafruddin Karimi, ambo ingin nak bakomunikasi langsuang jo baliau. Ambo lah manawarkan sabalunnyo ka baliau kalau juo diangkekkan masalah pembangunan Nagari. Ambo malalui Pembantu Dekan Fekon, lupo ambo namonyo, lah maagiahkan pulo makalah ambo mengenai pembangunan Nagari dengan melakukan penginkorporasian Nagari sebagai Nagari incorporated. Mari kito angkekkan topik ko ka parmukaan sacaro basamo. Teririang salam ambo ka awak sadonyo, Mochtar Naim 251010
--- On Sun, 10/24/10, Dedi Nofersi <[email protected]> wrote: From: Dedi Nofersi <[email protected]> Subject: Re: [...@ntau-net] SENGKETA TANAH ULAYAT DITINJAU KEMBALI To: [email protected] Date: Sunday, October 24, 2010, 7:27 PM Pak Mochtar, Alhamdulillah dan Tarimo Kasih Pak jo penjelasan Apak. Iyo lai lah sanang kini kiro-kiro. Tapi walaupun baitu Pak, izin baliak ambo manyolo Pak. Baraso masalah/sangketa nan tajadi ditanah ulayatko adolah timbua dari kaum tu sandiri sasuai jo hasia penelitian Pak Syafruddin Karimi dkk (ambo quote dibaruah dari file Apak 101020). Sayangnyo 70% penyebab sengketa nan dari dalam tu, kito indak dapek perinciannyo, apo latar belakang masalahnyo. PENELITIAN yang dilakukan oleh Prof Syafruddin Karimi dkk di Fakultas Ekonomi Unand mengenai soal tanah ulayat, yang digelar dalam sebuah diskusi tgl 18 Okt 2010 yl di Padang, memperlihatkan bahwa tanah ulayat tidaklah menjadi penghambat bagi investasi. Melalui pendekatan kuantitatif diperlihatkan bahwa bagian besar dari sengketa tanah ulayat (69,27 %) justeru terjadi antara sesama anggota masyarakat dalam Nagari, sementara dengan swasta hanya 7,81 % dan dengan pemerintah 2,08 %. Tapi hasil penelitian tu manyimpulkan baraso tanah ulayat indak mahambek investasi. Jadi kalau baitu baa kok investasi indak baitu semarak di Sumbar? Tantu iko paralu di teliti labiah jauah lo ndak Pak. Syukur-syukur kalau hasil survey dari BKPM Sumbar bisa dikatangahkan lo sahinggo warga palanta bisa mancaliak, oo iko masalahnyo. Disiko bukan artinyo ambo indak satuju jo kesimpulan samantaro dari Apak, dimano masalah tanah ulayatko gara-gara peraturan Agraria dan masalah tuntutan pembangunan dari zaman Orba dan Or-ref, sahinggo sahinggo status tanah ulayatko manjadi konsumsi politik ekonomi (keserakahan Penguasa dan Pengusaha) nan mengenyampingkan hak rakyat, adat dan nagari. Namun paralu, sakali lai, di katangahkan panyabab tajadinyo. Jan-jan kebijakan Pemerintah (penguasa) nan bantuak tu dek karano rumiknyo masalah tanah ulayat dek karano nanpunyo "unidentified" dan banyak, sarato babagai kepentingan di dalam kaum dan nagari, alias susah disatukan. Untuak tu paralu dicarikan jalan kaluanyo, (misalnyo) Paralu adonyo Perda (mudah-mudahan lah ado) tentang status tanah ulayat/adat; kepemilikan, penggunaan, batas-batasnyo dlsb. Kau indak, misalnyo batehnyo nan indak jaleh, bisa-bisa misalnyo urang Nagari Sungai batang mengklaim kelok 44 tamasuak tanah ulayat mereka, atau urang Sungai Puar mangatokan bateh tanah ulayat kami sampai ka puncak gunuang marapi, atau akan terjadi silang salisiah antar nagari mengklaim suatu lokasi. Mudah-mudahan dugaan ambo nan naif masalah tanah ulayat dan adat ko bisa salah, untuak itu ambo mohon maaf. Harapan ambo, kironyo masalah ko bisa capek janiah handaknyo. Wassalam, Dedi N From: Mochtar Naim <[email protected]> To: [email protected]; Dedi Nofersi <[email protected]> Cc: Mochtar Naim <[email protected]> Sent: Mon, October 25, 2010 5:29:07 AM Subject: [...@ntau-net] Re: BLS UTK DEDI NOFERSI DARI MOCHTAR NAIM: SENGKETA TANAH ULAYAT DITINJAU KEMBALI Sanak Dedi Nofersi, Tanah Adat jo Tanah Ulayat, itu juo barangnyo. Kalau nyo tanah adat, nyo tanah ulayat. Dan sabaliaknyo. Nan pokok nyo bukan milik per orangan (eigendom), tapi milik kolektif basamo, baik dalam kaum, suku ataupun nagari. Karanonyo tanah adat atau ulayat ko ndak pulo bisa dibagi-bagi sacaro faraidh, karano anyo ndak punyo si nan mati. Kalau dibagi-bagi sacaro hukum faraidh malah salah jadinyo. Tanah ulayat adat bisa diperlakukan sebagai tanah waqaf kaum, suku ataupun nagari. Nan dimanfaatkan adolah hak pakainyo. Silahkan manfaatkan untuak hal-hal nan bermanfaat apopun untuak kapantingan basamo. Karano anyo punyo basamo, nyo ndak dimakan bali ataupun jua. Dan ndak pulo bisa disertifikatkan ateh namo per orangan atau kelompok urang sahinggo malalui itu bisa dialihkan manjadi hak pribadi. Iko nan tajadi jo pat-gulipat Prona salamo ko. Sebagai konsekuensinyo, mestinyo juo ndak bisa diagiahkan ka sia-sia, tamasuak pamarentah sendiri untuak diagiahkan pulo hak guna usahanyo ka swasta konglo atau multinasional lainnya kendati ateh namo "pembangunan" sekalipun. Kecuali kalau kelompok kolektif kaum, suku atau nagari itu sato bersaham nyo di sinan, minimal senilai harago seo tanah tu per tahun. Tapi iko kan indak. Awak lah dikacadiaki dek pamarentah awak sandiri, nan bedonyo juo didukuang dek niniak-mamak awak sendiri, dek karano di ujuangnyo ado uang siliah jariah. Atau niniak mamak awak ko malalui organisasi niniak mamak awak tu lah dihalau masuak ka partai nan mamarentah. Kalau salamo maso Orde Baru io Golkar namonyo. Baa tu sanak. Kalau alun jaleh, co lah tanyo a nan alun jaleh lai. Kalau ado versi lain, co lah tanyo pulo ka nan lain. Mochtar Naim 251010 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
