Assalamu'alaikum Warahmatullahi Wabarakaatuh, Adidunsanak nan sadang manyanda di lapau,
Iko adolah sekedar mengingek-ingekkan kito ka panganan jadul kito waktu ambo masih iduik di nagari dingin di kampuang tacinto. Sungguah banyak panganan waktu masih 'ingusan' tu nan bisa mambaliakkan kito ka kenangan-kenangan jaman saisuak kala tu. Di antaronyo adolah Kalamai Gegek jo Lompong Sagu. Ambo mancubo mampacaliak an bedanyo dari hal proses pembuatannyo. Silahkan dibedakan . Kalamai Gegek Bahan : 1. Tapuang sagu sagaleh 2. Gulo anau 2 kapiang 3. Aia 3 galeh 4. Dauan pandan jo garam 5. Karambie baparudan Caronyo : 1. Tapuang dicampua jo aia sagaleh 2. Gulo anau diabuih jo 2 galeh aia 3. Sariang aia gulo sambia dicampua jo adonan tapuang nan encer tadi 4. Masak jo api ketek sambia taruih dikacauan 5. Lah manggagak, matian kompor 6. Latak di Loyang petak 7. Dinginan trus potong kotak-kotak 8. Diguliangan di ateh karambie paruik tadi 9. Siap dihidangkan jo kopi O atau teh O Sedangkan Lompong Sagu : Bahan : 1. 2 galeh tapuang sagu 2. Pisang abu satangah sikek dialuihkan jo tangan 3. Ampek kapiang saka dirauik jo pisau 4. Karambie paruik nan mangka 5. Daun pisang Caronyo : Campuan sadonyo bahan sambia diagiah aia garam saketek-saketek Bungkuih jo daun pisang cando lapek trus dipanggang Siap dihidangkan jo kopi O atau teh O Mode itulah caritonyo Kalamai Gegek jo Lompong sagu ko. Ke khasan dari Kalamai Gegek ko bagi ambo, adolah kesimpelannyo dan gegek annyo nan khas. Ringan dalam proses dan ringan dalam menikmatinyo. Beda jo Lompong Sagu nan agak rumik diproses nan harus mambaka lo jo baro tampuruang juo rumik katiko alah masuak di bait-bait lagu nan bisa di download di http://www.4shared.com/audio/Mb9tMtW0/ Atau sekedar manengok liriknyo di http://laguminanglamo.wordpress.com/2007/07/31/lompong-sagu/ Selamat menikmati Salam 'Life on a plate' Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
