Assalamulaikum wr wb Nyiak Sunguik sarato angku, mamak, bundo jo dunsanak sapalanta RN nan ambo hormati,
Kabatulan bako ambo ado di nagari Canduang Koto Laweh, indak jauah dari surau tuo Bingkudu. Dari ketek ambo iyo acok pulang ka kampuang walau dari umua 4 tahun larek dirantau salamo 19 tahun. Sajak SMP kelas 2 alah mulai pulang ka kampuang surang-surang sajo, dek karano itu mungkin dakek ka atuak jo enek (imbauan di mudiak 50 Koto) sarato antan jo nenek (imbauan di ampek angkek) sabab ambo cucu nan partamo dari keduo pihak keluarga ambo. Ditambah lai sajak umua 1.5 tahun hinggo ka pai marantau ambo iyo labiah acok di Kubang jo Canduang daripado di Padang tampek rang gaek tingga. Pabilo pulang, wakatu nan ado selalu babagi duo, kok saminggu di Kubang, saminggu pulo di Canduang. Antan ambo nan di Canduang ko guru mangaji di surau, wakatu mudo baliau ko panggaleh santo, dek karano itu banyak karek-an jo dunsanak nan dari nagari lain. Ambo pernah ka Kumanih 2 kali dibao antan, kalau indak salah ado makam zaman saisuak nan menhirnya cukuik tenggi disinan. Itu saketek nan ambo tau Nyiak. wasalam AZ - 32 th Padang ________________________________ Dari: sjamsir_sjarif <[email protected]> Kepada: [email protected] Terkirim: Kam, 11 November, 2010 22:26:22 Judul: Re: [...@ntau-net] Desa Pagaruyung di Jawa Tengah Maa Rang Lapau nan Basamo, Samantaro tamaknyo ado namo-namo kampuang nan mirik jo Pagaruyung di Indonesia, di Minangkabau sandiri Pagaruyuang tu ado duo, nan ambo sabuik "Pagaruyuang Lamo" atau Pagaruyuang Tuo" di Kumanih. Sadangkan "Pagaruyuang Baru" di dakek Batusangka nan kini ko. Mungkin ado nilai sejarahnyo dalam "Ayam Den Lapeh" [Elly Kasim: Pagaruyuang Batu Sangka, Sasimpang jalan ka Biaro" Nah, Biaro nan kito katahui kini ko (kamaouang kami di Ampek Angkek, jauah dan indak sasismpang jo Pagaruyang Batusangka doh. Rasonyo di Kumanih, ado tamoek nan dinamokanyo dakek "Ustano Pagaruyuang" tu, nan banamo "Biaro". Jadi mungkinnan dimukasuik dalam pantun Ayam Den Lapeh tu, kaliru, adolah Pagaruyuang nan di Kumanih tu; indak Pagaruyuang Bausangka nan dikenal kini ko. Itulah sakadar ancar-ancar Cungkilan Sejarah MakNgah tantang Duo Pagaruyuang ko. Peneliti dan pemerhati Sejarah dimaso datang rancak mamparatikan cungkilan katarangan MakNgah ko. Ruyuang, (Mkb), Ruyung (Ind) memang Batang Anau kayu kareh nan bagian luanyo sqadangkan bagian dalam nanlunak, namonyo sagu (baiak Mkb, Ind. atu Melayu). Anau (Mkb, [SS]) Enau (Ind, Mly) , n. aren, kebung. Arenga pinnata, Arenga saccharifera. (KBBI, KBBM). Ado papatah: "Awak nan payah mambalah ruyuang, urng nan dapek sagunyo". Ado kato-kato pamainan patah-patah lidah (tongue twister: "RUYUANG LURUIH LULUIH". Cubo ulang-ulang ungkapan ko capek-capek, pasti teloh-telh dibuaknyo licah tu. Salam, --MakNgh Sjamsir Sjarif -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
