Maa Rang Lapau nan Basamo, Mambaco masalah namo RUYUANG dengan interpretsi macam-macam tu nan ambo caliak dalam Ota Lapau katu tasintak lalok parak siang ko, ambo takana jo Nyiak Pi'i (Muhammad Sjafei Kayutanam, alm.). Wakatu tu kami baduo sajo di Rimbo Gadang. Pertengahan Agustus 1958. Perjalanan kami nan panjang tu di saat-saat mencengkamkan pado Awal Perang Saudara, 1958-61.
Ambo surang pai ka satu surau ketek di tapi rimbo di suatu Kampuang tampek kami ijok. Wakatu sudah bauluak, ambo masuak surau tu (buliah dikatoan pondok ketek sederhana di Tapi Rimbo, Ambo caliak ado urang sumbayang surang. Kironyo baliau adolah Inyiak Pi'i (baitu panggilan kami dalam rombongan pajalanan nan ambo ikuti). Baliau lah sumbayang labiah dahulu, rakaat terakhir, duduak basimpuah mandoa. Sudah tu ambo sumbayang pulo surang. Sudah sumbayang sudah mandoa, alhamdulillah ambo punyo kasampatan batamu muko baduo sajo jo Bapak Muhammad Sjafei Kayutanam, Tokoh Pendidik Nasional nan lah lamo ambo baco parajai wakatu di SGA-Negeri Payokumbuah salamo ko, 1952-55. Dapek maota saketek baduo sajo sambia mangunggu hujan labek taduah. Panjang carito, Ambo cuma mangatangahkan jo masalah namo macam-macam kayu sasuai jo postiang ko. Sasudah hujan labek baranti, maota-ota sasudah sumbayang luhua tu, kami bajalan pulang agak santai ka tampek kami, manginap di Kampuang tu. Dalam pajalanan pulang sasudah hujan di Rimbo tu, salah satu komentar baliau sambia mancaliak dan manunjuak ka kayu-kayu gadang nan banyak tu. "Aa," kecek baliau, "Cubo tanyo ka Urang Awak apo namo Kayu ko" sambia manunjua salah satu batang kau tu. "Jawabnyo, MADANG," kecek baliau. Sudah tu baliau tunjuak lo kayu lain ciek lai. "Apo namo Kayu tu?" Jawabnyo Madang" kecek baliau. Sudah tu baliau tunjuak pulo kayu gadang nan ciek lai.. "Apo namo Kayu tu?" Jawabnyo Madang" kecek baliau.... "Jadi," kecek baliau manjalehkan point baliau ka ambo, "Urang Awak paralu baraja macam-macam nan paralau dalam hiduik ko." Saroman namo-namo kayu nan banyak ko, jan nan tahu cuma MADANG ka MADANG sajo." Sakitu lah dahulu sakadar sakalumik kisah saisuak sintak lalok parak siang ko jauah dari Rimbo Gadang, di Rantau Jauah, di Subarang Lauik Basa, jauah pulo dari jarak waktu, labiah dari satangah abad nan lalu, 1958-2010. Pangana ambo pun jauah ka rombongan pajalanan tu mangikuti Tokoh-tokoh, Pemimpin Agung, Pak Imam (M. Natsir), Inyiak Pi'i (Muhammad Sjafei), Buya Uki (Duski Samad). Sadonyo lah lamo Almarhum. Doa ambo untuak ketenteraman arwah baliau-baliau di Kampuang Akhirat. Salam, --MakNgah Sjamsir Sjarif Di Tapi Riak nan Badabua Santa Cruz, California, USA Jumat, 12 November 2010 On Nov 11, 7:31 am, "Asmardi Arbi" <[email protected]> wrote: > Asatano nan dihuni dek keturunan Mande Rubiah di Lunang Pessel, juo bapaga jo > ruyuang. Antah apo pulo hubungannyo jo keberadaan kuburan Cindua Mato disinan. > > Wassalam, > AsmardiArbi ( 69+, Kampai, Tangsel ) > > From: Armen Zulkarnain > Sent: Thursday, November 11, 2010 8:03 PM > To: [email protected] > Subject: Bls: [...@ntau-net] Desa Pagaruyung di Jawa Tengah > > Sanak Khairil, sanak Nofend Sutan Mudo sarato angku, mamak, bundo jo dunsanak > sapalanta RN nan ambo hormati. > > Kalau ambo indak salah, namo nagari Pagaruyuang ko berasa dari namo nagari > nan bapaga jo tanaman Ruyuang. Ruyuang ko kalau ambo indak salah adalah > tanaman Tusam (Pinus mercusii). > > wasalam > > AZ - 32 th > Padang > > -------------------------------------------------------------------------------- > Dari: khairil khairil <[email protected]> > Kepada: [email protected] > Terkirim: Kam, 11 November, 2010 16:51:30 > Judul: Re: [...@ntau-net] Desa Pagaruyung di Jawa Tengah > > Pak Nofend, > > Ternyato banyak juo yo daerah2 yang ba namo "samo". > > wassalam, > > khairil/32/Jkt -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
