Walaikumsalam Wr Wb,
Dunsanak Sudirman Yan basarato komunitas r...@ntau-net nan ambo cintoi.
Izinkanlah ambo untuak mangomentari tanyo nan dipalewakan Sanak sarupo nan ambo
stabilo warna kuniang di bawah.
1)Apokoh awak masih bangga (maraso mampunyoi raso "chauvinisme positip")
disabuik urang sabagai "Si Padang" (bengkok), atau alah malu pulo dalam
masyarakaik katahuan awak sabagi urang Minang?
2)Apokoh awak masih bangga dikatokan urang sabagai "Si Padang" (urang
Minangkabau) hinggo datiek ko? Atau alah mulai malu --tarutamo di kalangan
generasi mudo-- mamakai bahaso minang dalam kahidupan sahari-hari di rumah, di
lua kelas atau dalam satiok kesempatan berkomunikasi antar masyarakait di
Minangkabau?
3)Apokoh awak bangga dipanggie dek cucu awak (bagi generasi nan alah saumua jo
si m.m. Kapalo limo) jo sabutan Opa dan Oma, atau tataok mampatahankan ciri/
spesifik/ kalabihan awak urang minang jo sebutan Anduang, Ande, Iyak, Inyiak,
Ungku nan lazim dipakai dek pandahulu kito di tahun-tahun saisuak?
4)Sajalan jo tigo poin diateh, nan ambo dului jo kato APOKOH (?), kunci utamo
kasadoalahe nan sadang diadoki "Si Padang" di kampuang halaman adolah bapulang
baliak ka diri masiang-masiang.
{Sabagai masukan, ambo (si mm) nan alah 40 tahun larek di rantau, dan kini
manjadi "Ketua dari Klan kami Saniniak Moyang di Jabodatabek, nan baanggotakan
--anak minantu cucu cicit-- 147 kapalo", tetap mampatahankan panggilan ka
Grand-great Mother/ Father : Iyak atau Inyiak. Kami, mampatrikan kesepakatan
duo
bulan sakali saluruah anak, cucu, minantu di Jabodetabek WAJIB DATANG
BASILATURRAHMI dari rumah ka rumah sacaro bagiliran.
Panah suatu kutiko, anak minantu kami nan kawin kalua, mancibo mambiasokan
mamanggie Grand-great Mother/ Father manjadi Oma atau Opa ka Inyiak atau
Iyaknyo. Ambo sabagai Mamak rumah di paarantaun jo tegas manegor kamanakan kami
tu jo sindia haluih. Dan, insya Alllah hinggo hari ko indak surang pun dari
kaum
kami nan mamanggie Anduang, Iyak, Inyiak, Ungkunyo jo panggilan modern Oma atau
Oma....!!! Padohal, babarapo urang diantaro kamunakan/ minantu/ rang sumando
kami tu adolah "kalangan elite" nan tingga pun di perumahan elite..!
5)Kutiko suatu hari ambo jalan-jalan ka Mall Metropolitan (MM) di Bekasi, ambo
mandanga di balakang ambo suami istri mangecek jo anak-anaknyo nan alah remaja
pakai bahaso Betawi, atau bahaso gaul. Tapi...., karano logat bahaso Jakarta
nan
dipakainyo sabana kental dan mirip jo Bahaso Jakarta nan dipakai Dunsanak kito
di Pasa Tanahabang, atau di Terminal Rawamangun, atau di sapanjang emperan
toko-toko di Proyek Senen, ambo malah galak tasengeang. Kalau alah sarupo
Dunsanak awak nan ambo tamui di MM Bekasi kolah kasado alahe kalakuan "Si
Padang" di kampuang halaman atau di parantauan, indak paralu awak manyalahan
urang lain. Awak sandirilah nan --sadar indak sadar-- mangikih kultur
Minangkabau dari lingkuangan kito sahari-hari.
6)Untuak mangatasinyo sabana gampang. Pemda setempat haruih turun tangan,
mangaluakan SK untuak anak-anak sakola di wilayah Padang-Pariaman :
"Biasokanlah
mamakai bahaso awak jo panggilan awak dalam sagalo kahidupan awak di
masyarakaik".
Kalau Bali, hinggo hari ko --meski alah banyak juo nan takikih-- masih bangga
jo
kultur dan gaya hiduiknyo sahari-hari, manga Dunsanak ambo di Piaman sarupo Cik
Ajo atau Cik Uniang maraso malu dipanggie adiak, atau cucunyo jo imbauan
spesifik Minang : Ajo Manih, Ajo Elok, Anduang, Ungku????
7)Tarakhie, maliek umua nan ditulih Sanak Sudirman Yan di bawah, tampaknyo kito
sagenerasi, izinkanlah ambo batanyo : "Di ma Angku Dirman tingga di Piaman?
Apokoh tamasuak "klan" urang rumah gadang di Pasa? (a.l. Ajo Manih Zainal nan
panah jadi BA-1) atautamasuak "klan" urang rumah gadangElok Sara jo Pak Puak
di
Subarang???. Ambo, meski asli urang Darek (Agam), karano panah 8 tahun tingga
di
Piaman, agak lupo-lupo ingek jo permasalahan Cik Uniang atau Cik Ajonyo. Ambo
tamatan SR/SDN-I Benteng Piaman.
Tarimo kasi ateh kasapahaman Dunsanak dalam mambaco pandangan si m.m ko.
Salam........................,
mm***
Lk-2; >50; Bks
Suku : Koto Datuak Tumangguang
Gala : Sutan Rangkayo Kaciek
HP : +62812 80 33925
________________________________
From: Sudirman Yan <[email protected]>
To: [email protected]
Sent: Mon, November 22, 2010 7:12:57 AM
Subject: [...@ntau-net] Ajo jo Anduang alah mulai ilang di Piaman
Ass.Wr.Wb
Tanggal 12-18 November nan lalu ambo pulang kakampuang di Pariaman.
Salamo di Kampuang anak-anak ketek indak tandanga di ambo maimbau
dunsanak laki-lakinyo panggilan Ajo, nan tandanga di ambo adalah panggilan
ABANG.
Baitu juo panggalan untuak anduangnyo dan Ungkunyo nan tandanga adolah
panggilan
OMA jo Opa.
Dahulu ambo wakatu ketek-ketek maimbau dunsanak laki-laki di Piaman Ajo manih,
Ajo elok, Ajo kuniang dll. Tapi kini alah indak tadanga lai do.
Cucu ambo sandiri, ambo suruah maimbau ambo UNGKU sasuai panggilan nan ado
di Piaman supayo inyo nanti tau barasa dari Piaman,bukan panggilan Opa.
Apo iko nan dinamokan pengikisan Budaya ? Baa to Mak uniang2 nan ado di
Palanta
ko.
Wassalam
Sudirman Yan,
54 th, suku Mandahiliang
Asa Kampuang Perak, Pasa Piaman.
Kini tingga di Condet Jkt.
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
