Wa'alaikum Salam, Kalau manuruik 'ilmu kesehatan caro kampuang' nan ambo tahu dari rang tuo-tuo, galigato ko ado 2 jenis. Nan pertamo ko memang galigato nan timbua karano perlawanan badan ka dingin nan tibo, nan kaduo karano darah dalam tubuah tu bana nan sadang indak barasiah, (atau mungkin juo karano gabungan kaduonyo) sahinggo cenderung dikatokan alergi.
Ambo dulu waktu ketek-ketek, acok bana kanai galigato jenis nan pertamo ko. Kalau pulang dari sikolah mangaji di Madrasah Ibtidaiyah sore hari, ambo jo kawan-kawan samo gadang, 'segerombolan' anak-anak padusi nan 'gadih alun - ketek talampau' tu langsung barandam se mandi di dalam danau sampai manjalang maghrib. Biasonyo kami mamanjek batang jawi-jawi atau batang karambia condong nan manjorok jauah arah ka tangah lalu malompek-lompek di sinan tajun ka danau. Kami biasonyo kalua danau menjelang maghrib katiko ibuk kami masing-masing lah datang manggaragak jo lidi, haha... Nah, sudah tu beko badan ambo lah bangkak-bangkak merah jo gata nan indak tatangguangkan. Tapi tatap sajo indak jaran-jaran, bisuaknyo kami lah barandam pulo di danau baliak sampai tibo pulo induak-induak mambaokan lidi baliak manjalang mugharik dan galigato ambo kembali pulo datang menjelang. :( Kalau lah ndak tahankan bana lai, galigato ambo tu biasonyo dikusuak nenek jo tangguak bada punyo abak atau punyo uda ambo nan baunnyo masih agak 'anyia-anyia' habis dipakai managguak samalam atau duo malam sabalumnyo. Kalau dipikia-pikia untuak zaman kini, antah kama pai logikanyo, tapi wakatu tu, antah dek sugersi atau picayo ka urang tuo-tuo, iyo taraso agak bakurang gata galigati tu kalau lah dikusuak jo tangguak. Mungkin juo dek banang-banang tangguak tu kasek, sahinggo dikusuakkan ka galigaro, raso digusuak jo gunda sajo :) Galigato jenis kaduo kato urang tuo kami saisuak memang karano darah dalam tubuah sadang indak barasiah (apo ko lah istilah medisnyo). Untuak mempertahankan daya tahan tubuah jo mambarasiahkan darah dalam tubuah tu (katonyo), urang gaek-gaek saisuak biasonyo kalau ado kami nan kanai galigato, apopun panyababnyo, kami disuruah makan ubek nan paik-paik. Tarutamo maminum aie rebusan daun sambiloto :) Kalau penyebab galigato ka dikaji secara formal, kito tanyo sajolah ka para ahlinyo, dokter-dokter awak di palanta ko... :) Wassalam, Murai ---- mantan galigatoist :)) Pada 9 Desember 2010 09.53, Datuak Arifz <[email protected]> menulis: > Assallamualaikum, > > Mohon dibaritahu, apo sababnyo kito kanai galigato, badan sirah > sambok, mandingin... > dulu banyak ambo caliak urang kanai galigato, bilo dingin tibo, > manggauik gata galigato.. > > wassallam, > azdra > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
