Waalaikumussalam ww. Dulu ambo paranah kanai galigato ko, nyo ubek dek Gaek jo Sauak2.(nan panangkok ikantu lah) Sauak2ko nan alah bapakai, kutiko miang sadang naiak, kutiko bangkak tangah pirau (pirauko biasa rang sabuik ka karambia nan lah manjalang masak)
Bagosokkan banang sauak2 tadi katampek nan bangkaktu, gata tangah naiak dilosoh jo sauak2 ondeh mak oooooooii... seronyo ndak dapek nak dibayangkan... Kutiko itu rasonyo labiah lamak dari dikaca induak2 lai. Salero mailia ndak taraso lai doh. Salapeh digonyoh jo sauak2 tadi, pakaian nan alah batanggai tadi ndak buliah taruih dipakai baliakdoh, bajamua dulu kamato ari garang. Biasonyo 1/2 jam lapehtu nyo mulo mailang, tapi walaupun nyo lah mailang alun cegak lai, sahabat sauak2 alun buliah ditinggakan lai. Tibo2nyo serbu pulo baliak, capek ulangi caro nan diateh. Dengan Izin Allah lah satangah abaek lo umua kini ndak ado dicigoknyo lai doh. Mudah2an bermamfaat kapado sidang pambaco. Wallahu aklam. Wassalam, Gani KL Assalaamu'alaikum wa rahmatullaahi wa barakaatuhu Di sampiang galigato nan mungkin dek alergi sarupo carito Rita, dulu ado pulo ciek lai panyakik katiko kanak-kanak, nan di kampuang kami disabuik urang 'mandi-mandi'. Timbua bintiak-bintiak sirah di kulik. Ikopun saolah-olah ado duo pulo macamno, ado nan taruih jadi caca ayia, ado nan capek cegak. Biasono disaratoi jo damam. Apo mungkin nan sadang dialami Datuak Arif ko sarupo nan ambo urai-anko? Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi From: Rita Desfitri Lukman <[email protected]> To: [email protected] Cc: Sent: Thursday, December 9, 2010 6:06:10 PM Subject: Re: [...@ntau-net] galigato Wa'alaikum Salam, Kalau manuruik 'ilmu kesehatan caro kampuang' nan ambo tahu dari rang tuo-tuo, galigato ko ado 2 jenis. Nan pertamo ko memang galigato nan timbua karano perlawanan badan ka dingin nan tibo, nan kaduo karano darah dalam tubuah tu bana nan sadang indak barasiah, (atau mungkin juo karano gabungan kaduonyo) sahinggo cenderung dikatokan alergi. Ambo dulu waktu ketek-ketek, acok bana kanai galigato jenis nan pertamo ko. Kalau pulang dari sikolah mangaji di Madrasah Ibtidaiyah sore hari, ambo jo kawan-kawan samo gadang, 'segerombolan' anak-anak padusi nan 'gadih alun - ketek talampau' tu langsung barandam se mandi di dalam danau sampai manjalang maghrib. Biasonyo kami mamanjek batang jawi-jawi atau batang karambia condong nan manjorok jauah arah ka tangah lalu malompek-lompek di sinan tajun ka danau. Kami biasonyo kalua danau menjelang maghrib katiko ibuk kami masing-masing lah datang manggaragak jo lidi, haha... Nah, sudah tu beko badan ambo lah bangkak-bangkak merah jo gata nan indak tatangguangkan. Tapi tatap sajo indak jaran-jaran, bisuaknyo kami lah barandam pulo di danau baliak sampai tibo pulo induak-induak mambaokan lidi baliak manjalang mugharik dan galigato ambo kembali pulo datang menjelang. :( -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
