Asw, dunsanak Palanta RN nan berbahagia, ambo ingin manyampaikan pangalaman ambo pulo saketek ttg nan mode iko, tap pangalaman ambo indak SMS do tapi telpon gelap.
Bantuakko carotonyo : Kajadiannyo sekitar sabulan nan lalu, salah seorang kawan ambo ditampek karajo nan banamo Achyar S (kawan Pak JP juo nan sa alumni) nan tugasnyo koordinator Humas wilayah sumbar datang tergesa2 karuangan ambo mangabakan inyo ditelpon dek ajudan Gubernur Sumbar nan mamintak untuak mangecek jo pimpinan perusahaan karano ado nan mandasak bana katonyo, setelah itu ambo suruah kawanko manelpon nan mangaku ajudan gubernurko dan mangecek jo ambo, dari hasil pembicaraan ambo jo nan katonyo ajudanko dikatokannyo pak gubernur ingin mangecek jo pimpinan perusahaan nan kebetulan salah satu perusahaan group tampek kami jo Pak JP karajo ko ado di Solok Selatan. Setelah itu ambo mintak manyo pak Irwan Prayitno tu, lalu nan mangaku ajudanko maagiahan nomor tlp seluler nan katonyo itu nomor Gubernur Sumbar dan sadang manunggu untuak ditelpon. Setelah ambo catat nomornyo lalu ambo telpon ka nomortu, bagitu ambo telpon lsg diangkeknyo halo siapa ini katonyo, ambo jawab saya Afrijon Pak dari PT BRM kato ambo, lalu dijawabnyo ooo pak Afrijon katonyo baliak mayapo bagai mana kabar perusahaan di Solok Selatan katonyo, alhamdulillah lancar pak kato ambo manjaoknyo, baa layanan Bupati disitu katonyo baliak, alhamdulillah bagus Pak kato ambo , kalau kurang layanan kasih tau saya biar saya tegur mereka katonyo pulo Sasudahtu dilanjuikannyo mangecek kaambo, begini pak afrijon saya kebetulan sdg ada perlu uang krn ada tamu dari jakarta namun APBD kita belum cair jadi tolong bantu dulu pinjamkan saya duit nanti kalau APBD sdh cair saya ganti katonyo. Mandanga katonyo bantuaktu naluri ambo bapikia ndak mungkin gubernur sabodoh iko minjam pitih apo lagi lewat HP, pasti iko panipuan dalam hati ambo spontan. Lalu ambo tanyo berapa bapak perlu uang, ndak banyak hanya 250 juta saja jawabnyo, dek ambo ndak tahan geli jo emosilai lalu ambo jawek kok sebodoh ini bapak sebagai Gubernur kato ambo, gubernur apa kau ini, penipu kau kato ambo agak saketek emosi. Diujuang tlp urangko jadi kikuk kalua dari muluikny 'a 'a 'a 'o 'o 'o dan kemudian taputuih. Lalu kawan ambo nan magiah tau taditu nan masih duduak dimuko ambo pucek dan mangecek ka ambo Pak itu Gubernur tu tu Pak kok Bapak maki-maki jangan sembarangan Pak katonyo. Lalu ambo jalehan kakawanko ndak kamungkinlah seorang Gubernur akan berani mamintak2 pitih apo lagi melalui telpon, oh ia pak ya katonyo sambia kalua anatro picayo jo indak. Namun selang babarapo hari sasudah itu ado kawan maimpormasikan bahwa ado perusahaan lain nan kanai 150 juta, Lalau kawan abo nan maagih tlp ajudan gadungan kaambo tu maagih kaba kaambo untung bapak jeli kalu tidak sudah kenak pula kita 250 juta katonyo. Kajadian sarupo iku acok bana ambo alami salamo bakarajo di perusahaan tampek ambo bakarajo. Semoga. Manjadi pangalaman dan kitu bahati2 dg SMS dan Telpon nan indak jaleh. Afrijon Ponggok 43/ kini sdg di Bkt. Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
