Askumww.
Didik nanbiaso aratinyo Aja, tapi didk di bahaso kampuang ambo adolah (LAH
KURANG)
didik ko biasonyo terkait jo Urang nan alah gaek.
Samaso mudonyo normal tapi bilolah gaek keceknyo lah batabua2 lah payah nak
difahami apo nan nyo mukasuik.
Sampai manjadi istilah di nan mudo2 LAH DIDIK ANG KO.
Kok curitotu ndak masuak aka eh.
Jadi.. baa mangko tajadi nan bak kian???
Dima kanainyo mangko ado urang nan jadi mantun??
Padohal maso mudonyo inyo seorang Guru, urang nan mampunyoi budi bahaso nan
elok2
tapi bilo lah gaek, ndak samereh lai??
Ciek lai LATAH (apo kolah namonyo dalam bahaso Minang)
Latah ko ndak kiro tuo atau mudo, Induak2 atau Apak2
Latahko tibo katiko takajuik sajo.
Apabilo nyo takajuik inyo respon sacaro spontan.
Ado nan respon jo suaro se ado pulo nan basarato body language.
Ado nan berbentuk Positif. ado pulo nan babantuak negatif, tapi nan bababtuak
negatifko nan paliang banyak.
Contohnyo : bilo takajuik se nyo baco :
Nan Positif ; Ayat2 suci. Allahuakbar, Ya Allah. Astaga dsb.
Nan biaso : Amak ang, Anduang ang, galancik, kalera, cilako.
Nan Negatif : Iko nan agak payah nak ditarangkan siko, sabutannyo nan
tasuruak2 tu
dibaconyo, biasonyo nan induak2 punyo juo nan
dibaconyo,
masotu indak paduli dapan siapo, walaupun dekek mituo
atau minantu.
1/2 bahayo : Sambia bacaruik bungkang nyo bae basilek, kok dakek kainyo
bisa Inggok kaki kakapalo.
Nan babahayo : Kalau nan iko, kalau nak mangajuik an nyo elok pakameh tarompa
dulu,
Caliak jalan bakeh lari sabalun mangajuik an nyo,
jenisko memang bahayo
Bilo takajuik respon nyo, sambia bacaruik bungkang nyo taruih mangaja,apo nan
ado ditangannyo nyo ampok kan.
Kok nyo ampok jo paraweh ndak baa doh, kok kanai kapalo dek paraweh lacak
mungkin bangkak agak sajam se, paraweh bisa dimakan,ado juo untuangnyo, tapi
kok jo batu dibaenyo karumah sakik badan tapi kok masotu ladiang ditangannyo
???.
Itu iyo lah nak mancari jalan pulang tu,,, maagiah rang kampuang gotong
royong.. manyuruah urang mangaji... Innalillah..
Sanak Sudar Sidang pambaco nan ambo hormati, pastinyo ado diantaro kita nan ado
pangalaman menyaksikan kajadian2 malatahko, biasonyo kajadianko dijadikan
hiburan untuak bagalak2. Sebahagian si pelatah indak berang doh, tapi ado
silatah nan naiak angin kapado sipelaku khususnyo bilo inyo sadang barado
berhampiran urang nan nyo sagani.
Baa kaindak, disabalah rang samando awak mambaco nan tasuruak tu.... ampek
induak ang... dsb
Darima punconyo urang manjadi latah ko? sabok indak ado urang latah dari laia
doh, paja2 pun ndaklo ado nan kanai doh, biasonyo nan kanai urang satangah umua.
Minta dibari pandapek.
Tarimo kasih,
Gani
Kajang.
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
