Sanak Rina sarato sanak sapalanta..... Carito nan Rina buek, memang sangaik jaleh ditarimo. Kisah kisah perjuangan mode iko sangat menarik bagi ambo. Ambo nan kebetulan barasa dari Palembayan sudah indak asing lai katiko mandanga namo pak Imam dan kawan kawan baliau samaso parjuangan PRRI . Karano kampuang amboko adolah jalur gerilya bagi baliau baliau tu.
Dari ketek acok mandanga carito seputar perjuangan PRRI dari masyarakaik kampuang ambo. Banyak carito suka dan duka nan tajadi. Tamasuak juo pembakaran pasa koto alam nan tajadi katiko maso pergolakan ko. Katiko ambo lah SMA , ambo sempat pulo berkenalan jo seorang bekas tentara di zaman PRRI. Baliau urang lawang. Manuruik baliau pangkat terakhir nyo adolah Kapten di maso PRRI tu. Namun katiko penyerahan diri kapado Pusat, baliau memutuskan untuak kalua dari kasatuan tantara. Katonyo, kalo bukan untuak PRRI , labiah elok baranti jadi tantara. Katiko itu , ambo bapikia sayang bana apak tu kalua dari tantara. Padahal pasti waktu itu inyo masih mudo, lah jadi kapten. Karir nan cukuik bagus ambo raso. Kini katiko Rina malapeh an carito ka palanta satatntang patamuan duo urang tadakek Pak Imam,nan salah satu nyo adolah urang tuo Rina sandiri dan nan surang lai lah indak asiang lai di kito dipalanta. Yaitu mak Ngah. Rasonyo ingin pulo ambo pabanyak batanyo kapado urang urang nan lah pernah mancaritoan kisah kisah perjuangan maso PRRI tu. Sayang saketek, mungkin sajo baliau baliau tu lah banyak nan maningga. Saketek ralat namo kampuang tampek kalua Pak Imam nan Rina mukasuik. Tatulih disitu Mantaman, namun ambo raso itu adolah Tantaman. Banyak maaf, Wassalam, Tamudo ,btm 36 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
