Ambo masuak ciek Diak DE-Nef. Sanakmbo komunitas r...@ntau-net nan saiman dan sacito-cito. Assalamualaikum Wr Wb;
Khusus nan paliang ujuang --Mewajibkan (kembali) kegiatan "Pendidikan subuh disetiap Mesjid"--- alah panah juo ambo palewakan panjang leba di palanta r...@ntau-net ko tahun lalu sahabih gampo 30092009. Tapi....., indak ciek pun urang awak di @rantau-net ko nan mananggapi. Padohal, ambo pribadi --kutiko tu si m.m baru luluih SD di Piaman-- marasokan sakali HARI KO manfaaik DIDIKAN SUBUAH NAN DIBALAKUKAN PEMDA MINANGKABAU (maaf.., mukasuik ambo SumBar) pasca Gestapu tu. Satiok subuah, ambo jo Unimbo dijagoan Amak untuak disuruah sumbayang subuah ka musajik raya Kampuang Perak (istilah Dinda Dewi Mutiara : Kamper). Sahabih subuah bajamaah, kami rinuak-rinuak --rato-rato usia SD, SMP--- tu dibari pangajaran agamo (dilacuik pakai rotan di talapak tangan dek guru-guru ngaji kami, kalau ado murik nan salah). Meski pengajaran agamo buek kami sabana "sistem diktator" dek guru-guru mangaji kami di musajik Kamper tu (dan... anehnyo, Papa ambo nan Pulisi mampadiakan sajo anaknyo dilacuik dek gurumbo jo rotan kalau salah kutiko baraja. Ambo panah duo kali mangadu ka Papa, tapi indak diacuahan baliau), namun ambo liek indak surangpun ado urang gaek di sakitar Kamper, Pasa, Kuburanbalando, Pasia, Lohong,Kampuangkaliang, nan manyuruah mangatokan, misalnyo co iko : "BARANTI SELAH WAANG KADILACUIK-LACUIK GURU DI SURAU TU". Bandiangkan jo kondisi urang Minangkabau hari ko di SumBar. Masih adokoh surau umum (biasonya ado di satiok musajik di kampuang awak, indak di Darek indak di Pasisia). Saandainyo masih ado Guru Mangaji nan mamakai palacuik rotan ka talapak tangan muriknyo kutiko indak hapa-hapa juo ciek surek/ ayaik nan alah saminggu dibarikan, apokoh urang gaek di Piaman (atau kota lain) MAMPADIAKAN SAJO ANAKNYO DILACUIK JO ROTAN? Ambo yakin sayakinnyo, pasti ortu zaman kini (nan paliang bangih kalau ado nan mananyokan, "maaf.... ugamo Apak/ Amak; Oom/Tante APO YO?") manyuruah sajo anaknyo baranti mangaji di surau (sarupo) Kamper tu. "Campak-anlah. Anak Den, waden nan maagiah makan, aden nan manggadangkan..., kadilacuik-lacuik pulo dek Guru Mangaji waang tu. Indak ka mangaji indak anti...!!!!" Astaghfirullah al azim. Allahu Akbar. Sengan ko sajo dulu yo Sanak, nostalgia si m.m kutiko duo tahun (1966-1968) ikuik mangaji di Kamper. Kalau banyak-banyak bana beko Dewi Mutiara jo Ajo Manihnyo (Ajo Fahmi?) bangih beko. Soalnyo, carito soal Kamper jo Kuburan Balando Piaman, tantu baliau nan labiah paham marasokan nostalgianyo dari pado Si Wardi anak Rang Darek ko. He he he..... Salam................., mm*** ________________________________ From:Dedi Nofersi <[email protected]> To:[email protected] Sent:Tue, December 28, 2010 8:10:43 AM Subject:Re: Trs: Re: [...@ntau-net] Sarak mangato, Adaik mamakai ? (6), Be focus deh! Manuruik ambo Perda no 11 tu nan judulnyo PENCEGAHAN DAN PEMBERANTASAN MAKSIAT sacaro substansi jauh panggang dari api. Pendekatannyo bukan ABS-SBK, walaupun ABS-SBK disabuik dipasal 3. Tapi dari pasal-pasalnyo buliah dikatoan indak ado basingguangan jo ABS-SBK tu, malah labiah cendrung ka hukum Bulando. Dalam pemahaman ambo, maksiat itu sangaik sulit diberantas, nan bisa adolah dicegah. Caronyo yo kembali menerapkan ajaran Allah SWT. sasuai nan dicontohkan Rasulullah SAW dan rasul-rasul nan lain. Jadi seharusnyo Perda itu porsi pencegahannyo nan harus banyak disabuik. Misalnyo (tolong dipahami iko baru misalnyo, sakali lai misalnyo) paralu diatur baa caronyo memakmurkan Mesjid dan Mushalla, dengan menerapkan aturan "agar semua kegiatan dihentikan apabila telah terdengar suara azan dan bersegera ke Mesjid dan Mushalla melaksanakan shalat fardhu berjamaah". Misal nan lain: menambah jam pelajaran agama disekolah umum, atau di Sumbar meniadakan sekolah umum, yang ada adalah sekolah dengan konten agamanya lebih banyak seperti Madrasah. Tambuah: Mewajibkan (kembali) kegiatan "Pendidikan subuh disetiap Mesjid". Itu manuruik ambo yo Ajo Marindo Palar Dedi N - 48"In Islam has a peaceful and happiness" Asal: Kotogadih, Sunua, Kurai Taji, Pariaman. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
