Assalamu'laikum WW. Kaum Muslimin dan Kaum Muslimat warga Palanta Rantau Net nan dirahmati Allah
Bersyukur kito kepado Allah SWT atas sagalo limpahan rahmat dan karunianyo kepado kito, terutamo rahmat umua nan panjang sehinggo sampai kini kito masih dapek menikmati hiduik diduniako, dengan harapan semoga kito bisa manjalani hiduik sasuai jo kehendak dan aturan Nan Mahiduikkan kito. Bershalawat kito kapado Nabi Muhammad Rasulullah SAW nan alah mambao pitunjuak dari Allah Sang Pencipta kito dan pencipta lam semestako. Kito ketahui kehidupan diduniako hanyolah senda gurau samantaro menjelang kehidupan yang haqiqi di akherat nanti, diujuang kehidupanko ado mananti kematian dan kematian itu bukanlah akhir dari kehidupan melainkan adolah awal dari kehidupan nan sasungguahnyo. Namun untuak kehidupan manusia di dunia nan manuruik Allah hanyo sabanta sajo (walaupun manuruik kito lamo) oleh Allah diberikan 4 macam untuak mandukuang kehidupanko nan satu samo lainnyo tantunyo berhubungan dan indak bisa dipisahkan atau dipiliah ciek-ciek nama nan katuju dek awak. Nan partamo : Allahlah nan mahiduikkan manusia. Malalui takdirNyo mulai dari sulbi bapak samapai ka rahim bundo dan disatukannyo nyawa jo tubuah kito sahinggo dapeklah kito lahie ka dunia dan hiduiklah sarupo iko kini. Indak hanyo sampai disitu diantaro makhluk hidup ciptaan Allah nan lain dijadikannyo pulo kito sebagai khlifah / menejerial dari seluruh isi alam nan ado dimuko bumi, makonyo kapado makhluk nan banamo manusia dilebihkan saketek dari makhluk nan lain yaitunyo akal dan fikiran "Kull insan heiwanunnatiq" kato urang mantiq, setiap manusia adalah hewan yang berfikir, dan oleh sebab itu pulolah kapado manusia diberikan tanggung jawab nan harus dipertanggung jawabkan. Nan kaduo : Allha siapkan bumi sebagai tampek hiduik manusia. Dari alam jagat raya ciptaan Allah nan begitu luas, dari berbagai planet-planet dan miliayan bintang-bintang nan ado hanyo bumi nan dipiliah oleh Allah sebagai tampek hiduik manusia dengan dezing nan luar buaso, Allah bungkuih bumiko jo lapisan atmosfir dan Allah siapkan ogsigen didalamnyo, Allah atur jarak bumi jo matohari sarato bulan dan planet lainnyo untuk mengatur panas dan grativikasi bumi dan Allah atur siang malam malalui peredaran bumi jo alam jagat raya nan lainnyo sahinggo manusia dapek hiduik dibumi, (mohon maaf kalau salah karano tantu para ahli dan ilmuan nan labiah tau tantang alam jagat rayako), namun nan pantiang kito bisa bayangkan kalaulah indak disngajo dek Sang Pencipta / Khalikul 'alam untuak mempersiapkan bumi sebagai tampek hiduk makhluk hiduik saroman kitoko tantu kitoko ndak akan bisa bertahan hiduik sarupo jo di planet lainnyo. Nan katigo : Allah siapkan berbagai rahmat dan rezki dimuko bumi untuk menopang kehidupan manusia. Sebagai Khaliq Allah tentu tau akan kebutuhan manusia mako sebelum manusia itu diciptakan Allah telah mempaersiapkan berbagai keperluannyo dimuko bumi, manusia butuh oksigen, manusia butuh meneral, manusia butuh makan, manusia butuh pakaian dll sabagainyo sadonyo lah tasadio dimuko bumi, manusia hanyo tingga memanfaatkannyo sajolai sasuai kaparaluan nan pantiang manusia bisa hiduik. Nan kaampek : Allah buekan Addin sebagai petunjuk hiduik manusia. Untuak manjalani hiduik supayo teratur, menunggui bumi supayo aman dan mengelola rahmat isi bumi supayo adil, supayo jadi manusia jangan sombong, supayo hiduik didunia indak marusak, supayo mambiak rasaki indak serakah, supayo hiduik teratur di muko bumi mako Allah buekkan aturan hiduik untuak manusia Addinullahil Islam agar manusia selamat bumi dan isinyo jua selamat. Allah nan menciptakan kito dari setetes air, dan Allah nan menciptakan bumi tampek kito berdiam kniko sarato alam jagat raya nan lainnyo tantu Allah labiah tau baa caro mengaturnyo melalui aturan Allah AddinulIslam, nan kito sabuik di indonesiako Agamo Islam. Namun sangaik disayangkan sebahagian besar manusia hanyo menikmati hiduiknyo, mendiami buminyo dan maambiak rasakinyo, namun maninggakan agamonyo, sahinggo terjadilah kesalahan karano sesuatunyo dimuko bumiko indak sasuailai jo SOP nan dibuek dek Penciptanyo, mako tunggulah kehancuran nan dahsyat. Tks, Banyak maaf ateh kasalahan, dan jangan dipikirkan kalau indak berkenan dihati. Afrijon Ponggok KBB 43, Pekanbaru -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
