Wa'alaikum salam. w.w. Maa Armen (baimbau namo sen, dek balarang ba apak), JP jo Andi (ciek urang ko eh ?), jo dunsanak kasadonyo. Di awak, petani ko iyo bana susah, antah dek perhatian pemerintah kurang, atau dek aa, nan petani awak lah jadi petani musiman. Iko sabananyo ndak elok dek karano manyababkan harago indak stabil. Tapi iyo baitu lah nan tajadi, antah dek pitih sarik, dan petani rato-rato miskin, katiko lado maha, petani mulai mananam lado,... kasihannyo awak, katiko panen harago lado turun drastis. Kerugian ko susah manumboknyo sahinggo indak mananam lado lai do, nan bisa bertahan tantu saketek, sudah tu harago naiak baliak, dek lah kurang urang mananam. Jadi lingkaran setan ko nan diadok-i dek petani, alun kito manyabuik ulah para tengkulak nan manembak di ateh kudo. Kalau ndak ado nan mamparatian, maagiah penyuluhan dan bahkan maminjamkan modal, iduik para petani ko akan tatap sansaro taruih. Padahal pemerintah punyo badan humas, penyuluhan sampai ka balai penelitian pertanian nan sabana nyo diparuntuakkan bagi para petani. Tapi yoo... co itulah baru. Berteriak-teriak demokrasi, nan jaleh baa mempertahankan kekuasaan. Nan digalehkan keberhasilan-keberhasilan, nan nasib rakyaik badarai indak juo barubah. Najib Tun Razak, dengan slogan, "Rakyat didahulukan, pencapaian diutamakan" iyo mambaok rakyat Malaysia bisa makmur (Jauah dibandiangkan jo awak). Walaupun masih banyak pihak nan indak setuju jo caro inyo. Tapi hasil karajo ko memang nampak. Kecek kakak ambo, di Malaysia, jangankan mangicuah rakyat, atau korupsi, ndak nampak se hasil karajo nyo dek rakyat, Pilihan raya (Pemilu) berikutnyo indak ka tapiliah lai do. Sahinggo satiok wakil rakyat, iyo maikiakan nasib rakyatnyo. Antah ka bilo, kito akan bantuak itu,... sekedar bayangan se, petani Malaysia, minimal sabulan dapek pitih RM 3000 dari hasil tani nyo. Wassalam St. Sinaro
--- On Sat, 1/1/11, Armen Zulkarnain <[email protected]> wrote: From: Armen Zulkarnain <[email protected]> Subject: [...@ntau-net] Baa Caronyo Mengawetkan Lado To: [email protected] Date: Saturday, January 1, 2011, 10:21 PM Assalamualaikum wr wb Angku, mamak, bundo sarato dunsanak sapalanta RN nan ambo hormati, Memang batua apo nan disabuikan pak Jepe satantang harago lado ko. Sabab petani awak alun pulo mancubo mamproses hasil panen ladonyo pabilo harago sadang jatuah. Beberapa tahun nan lampau ambo pernah basuo jo toke lado nan tasabuik di Bukiktenggi. Baliau ko memang urang kayo sajak dari inyiak balaiu. Penampilannyo biaso sajo, takadang labih cogah pulo anggota liau penampilannyo dari pado nan sabana induak samang. Wakatu itu ambo dimintak mambuaekan warung telkom resmi type A untuak penambah usaho baliau. Dari karajo iko pulo ambo baru tahu kironyo dibalakang ruko untuak usaho wartel ko ado tagak 2 ruko nan panuah isinyo jo lado giliang. Baliau manyabuikan pabilo lado murah diusahokan mambali lado sabanyak-banyaknyo untuak digiliang kamudian disimpan dalam gudang. Pabilo harago lado maha, lado giliang nan basimpan mantun dikaluakan untuak dijua. Tantu dicampua pulo saketek jo lado nan baru supayo tampak mangkilek galeh nan ko. Manuruik baliau, untuak menyimpan lado giliang indaklah sarik bana, cukuik digiliang sajo, lalu ditirihkan aianyo semalaman supayo kariang, lalu dibungkuih elok-elok jo kantong plastik taba babarapo lampih. Salain itu, ijan lupo manambahkan garam nan agak banyak dari nan biaso. Fungsi garam nan ko untuk bahan pengawet supayo indak mambusuak. Lado giliang nan ko bisa tahan babulan-bulan. Manuruik angku Ambo nan toke lado gadang di Bukiktenggi ko, lado giliang nan basimpan bisa tahan sampai 8 bulan. Panduan manjua ladonyo adolah harago jua katiko lado maha, paliang indak 1,5 kali lipek dari modal harago lado nan basimpan. Contohnyo kalau harago lado nan basimpan dibali saharago Rp. 20 rb/kg, bisa dijua pabilo harago dipasaran sadang naiak Rp. 50 rb/kg. Jadi caro iko bisa dipakai untuak mensiasati harago lado nan maha kutiko hari rayo. Mungkin bagi ibu-ibu rumah tangga, atau nan ka baralek bisa menggunoan caro iko supayo pitih balanjo bisa dihimaik-himaik. Ambo kiro, paralu juo petani-petani lado di nagari-nagari mengetahui caro iko, untuak menyimpan hasil panen lado pabilo harago sadang anjlok. Kok dapek bisa disimpan basamo jo petani-petani na lain sahinggo bisa dijua katiko harago lado alah mulai membaik dipasaran. Nan paralu dijago bana, area penyimpanan lado ko sirkulasi udaranyo lai lancar, sahinggo suhu ditampek penyimpanan indak malonjak. Semoga bermanfaat, amin ya Rabbal alamin. wasalam AZ - 32 th Padang -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
