Dunsanak sapalanta khususnya nan tinggal di Pakanbaru Assalamu'laikum warahmatullahi wabarakatuhu
Dulu tahun 70an ado lapau mi rebus terkenal di Pasa Pusat namonyo Mi Sya'ban. Apokah masih ado kini? Kalau ndak ado, dima kiro2 mi rebus nan lamaknyo kiro-kiro samo. Salain itu, dulu ado gai pasa lambuang, banyak nan bisa dipiliah di sinan. Tarakhir kabanyo pindah ka dakek Masjid Agung. Dima lah kini? Mungkin ado mamak, dunsanak nan tau. Dulu dakek Bioskop Asia salain ado nan manjua Jadam Arab ado lo Pical Jawa nan lamak. Apokah ado tadanga pical lamak kini-kini ko di Pakan? Dakek pasa ikan lamo pasa pusat dari sore sampai malam ado Lotek Si Anjang nan tarkenal. Panek wak antri dek banyaknyo nan mambali. Apo masih ado? Di tangah Pasa Pusat ado Bopet Abang (ragu namonyo) nan manjua bubua kampiun, kolak pisang, es tebak dan lain-lain. Apokah masih ado bopet nan samacam ko kini? Pertengahan tahun 70 ado Martabak Mesir nan lamak di muko Santa Maria. Apokah ado dan masih salamak dulu? Soto Inyiak sangkek di tapi Sungai Siak masih lamak. Kini satalah pindah ka Kautanan biaso serasonyo. Lah bacubo babarapo kali ndak kanai rasonyo lai! Dulu panah babarapo kali makan siang di tampek urang CPI makan di ujuang Jalan Sekolahan (?) Lah ampia ka Bom Lamo, apo masih ado? Itu tanyo-tanyo taragak dari ambo. Kalau dikana-kana mailir air liur deknyo. Sabalunnyo tarimo kasih. Salam, ZulTan, L, 50, Bogor "Without change, we will not survive. Welcome 2011" -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
