Assalamu'alaikumWW, Sanak sapalanta nan ambo hormati,
Ckckckck.......io bana kagum ambo jo informasi sanak TR nan sangaik lengkap ko. Mambaco daftar kuliner cando ko, nan indak punyo sesuatu rencanapun bisa jadi berhasrat pulo nak berkunjung ka Pekanbaru pada kesempatan pertama. Lamo kunjungan alah bisa disesuaikan jo target makanan khas nan ka dicubo... Baa kalau dunsanak nan lain bisa pulo mambuekkan daftar sejenis untuak kota-kota lain di Sumbar ? Iko promosi luar biasa untuak pariwisata Sumbar.... Sanak TR....bravo... Wasalam, Epy Buchari On 6 Jan, 08:51, [email protected] wrote: > Sanak ZulTan.... > > Mie abuih bisa dicubo di Bopet Radar di Jln Sudirman/muko pasa pusat nan > bukak 24 jam > > Ado juo mie abuih Medan nan basantan > > Di PKU kini lah banyak pulo Mie Aceh diantaronyo nan rami di Jln Arifin Ahmad > > Bopet Abang/ Kampiun masih ado di Jln Hang Tuah, suduik gereja HKBP dakek > Musajik An Nur > > Es tebak mungkin lah jarang kini paliang cuma es campur. > Nan mulai banyak penggemarnyo adolah jus pinang mudo+talua, jus > taruang/durian balando > > Bopet Anjang masih ado di Pasa Pusat/Ramayana > > Los Lambuang/ Cikapundung di pinggir Lap Hang Tuah dakek Mesjid An Nur, > pindah ka Jln Arifin Ahmad manyimpang dimuko ex kompl. MTQ. > > Tapi dengan nuansa agak lain. Karano rami dimalam dan mulai remang2 ( > sabananyo dakek Lapangan Hang Tuah alah ado juo dulu) > > Pical dakek Bioskop Asia masih ado dibulan Puaso > > Selain itu di Muko ex Bioskop Asia ado cindua Pak Jangguik,di pasa bawahpun > ado cindua nan lumayan juo rasonyo > > Martabak Mesir dimuko Santa Maria masih ado disitu, pilihan lain restoran > Selamat di persimpangan Sudirman-Juanda > > Gulai bauang jo goreng pantau- udang di ujuang Jln Sekolah masih ado. Nan > labiah senior adolah gulai bauang di Cuik disuduik bom lamo dan ado cabangnyo > di Kehutanan (sabalun soto Inyiak dari arah PKU) > > Kini ikan Nila Baka lumayan banyak pembelinyo apo lai harago cukuik > manenggang. > > Kalau ikan kaluih labiah maha snek ..he..he > Untuak makan siang ado di muko UIN jln Pelajar > > Kalau malam nan rami di simpang Jln Riau-jln > Kamp. Bukik ,sabana tangga bulu iduang urang nan lewat karano asoknyo > sangajo dikipeh katangah jalan > > Kok Ikan baka di ujuang jln Cempaka dakek SD ado juo menu tambahan gulai cumi > > Untuak goreng baluik jo gulai tunjang dll makanan rumahan ado di Gg > Handayani- Jln Sudirman(antaro jln Hang Tuah- Kartini). Lumayan rami untuak > makan siang > > Dakek SKA arah ke Terminal AKAP ado juo nan rami untuak makan siang, pilihan > lain dimuko SKA ado RM Lintau nan ok juo gulai tunjang jo bauangnyo > > Versi lain gulai bauang masakan Kampar adolah RM Pak Abas aslinyo di Danau > Bingkuang, cabang di Panam, Marpoyan dan jln SM. Amin > > Sate Padang Bundo Kanduang, banyak nan menganggap rasonyo labiah mantap dari > Syukur Pdg Panjang dan Biaro Kiktenggi > Lapau sate iko ado di sampiang Kota Buana dakek Lativa, Senapelan Plaza > sarato Giant-Panam > > Ado juo sate Minang Maimbau di Jln Sudirman nan rami dimalam hari..seperti > kebanyakan RMP panuah gambar tentara jo pak Haji he...he > > Di PKU juo ado sate padeh (cuma sakali mancubo, tabik aia mato dek inyo) ado > malam hari diemperan jalan Nangka dakek markas koran Basrizal Koto > > Salain soto Inyiak, dakek mesjid Dakwah Rumbai ado soto Minang nan lumayan > maknyus. > > Dipasa bawah ado juo soto Padang nan agak lumayan > Dipasa bawah ado juo nasi Kapau nan pas dek ambo gulai Kapaunyo > > Nasi Kapau nan lain talalu padeh > > Nan suko samba lado tanak ado di RM Samba Lado di Rumbai dan Jln Setia Budi > > Selain itu di PKU nan banyak soto ayam, ado juo di Simp. Tigo soto daging > sapi, tapi daging sapinyo di abuih sajo indak digoreng > > Kini di PKU lumayan banyak nan manjua sup tunjang/buntut dll. Tapi umumnyo > bukan urang awak nan manjua > > Dulu ado nan manjua sup model awak ( karuah/pakek kuahnyo dek full bumbu). > Tapi kini indak nampak pulo lai > > Untuak malam hari sampai pagi nan rami di Jalan Sudirman dakek BRI dendeng jo > gulai ususnyo agak lumayan. Nan lain ado di sampiang Polresta dari arah hotel > Indrayani > > ---TR > Sent from my BlackBerry® > powered by Sinyal Kuat INDOSAT -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
