Assalamua'alikum wr. wb. Dunsanak sakampuang Babicaro tantang maso PRRI, Katiko itupun ambo masih ketek, sakita umua apek tahun. Tapi ado ciek nan takana bana dek ambo, yaitu lagu pajuangan ayah, abak, bapak, mamak pambarontak ketakadilan Pusek maso itu. Antah apo judul lagu tu, nan takana dek ambo syaianyo bantuak di bawah ko:
"Bilo tabik matoari Kapa tabang lah malayang-layang Den sandang tomong den baok lari Pai manembak ka rimbo gadang Tibo di tampek tujuan Tomong malatuih indak sagan-sagan Badaram-darum antah kadisabuik Itu parentah nan kami turuik Hari alah pulo siang Paruik kami lah taraso lapa Ambiak nasi ka ladang Ateh Tampek nasi topi baja, sambalado uok kacang indak katingga Hari alah pulo patang Matoari lah taraso hilang Den Sandang tomong den baok pulang Barisuak parang kakito ulang." Ambo indak tahu syaia lagu tu persisnyo baa. Judul lagunyo jo pangarangnyo indak jaleh. Nan lagu tu jaleh tamasuak lagu mars jo hantakan stakato nan mambari sumangaik. Ciek lai nan labiah pantiang, SYAIA LAGU TU INDAK MANYABUIK TANTANG SIPO NAN JADI MUSUAH, INDAK ADO PROVOKASI MALAWAN PAMARENTAH PUSAIK (pemerintah sah) nan dianggap jadi alasan pambarontakan wakatu itu. Mancaliak syaia lagu tu nan netral, tapi manimbuakan sumangaik, ambo raso indak masalah sacaro hukum jiko kito hiduikkan baliak. Dijadikan salah satu lagu kapahlawanan Minangkabau untuak mambakikkan sumangaik urang Minang di event-event tatantu. Misalnya wakatu Kongres Urang Awak di Pakanbaru nantik. Malalui palanta ko ambo imbau niniak-mamak-bapak-bundo kanduang, Urang Minang nan sanior, nan tahu asa usua lagu tu. Pak Sjaaf panah ambo agia tahu tantang lagu tu. Manuruik Pak Sjaafruddin katiko tahun-tahun pargolakan tu banyak lagu-lagu pajuangan nan timbua, bantuak lagu nan babunyi: "Di dalam lambah nan diapik gunuang nan sunyi Sumarak alamnyo nan elok. o, Minang... .................... Tapi wacana tantang lagu-lagu pajuangan urang Minang tu indak bakambang. Tahanti baitu sajo. Cubo kito kambangkan kecek ka masalah ko. Koklai ka babuah baiak. Dunsanak-dunsanak nan ahli hukum tatanegara oatuik bana maagia masuakan Wassalamu'alikum wr. wb. ZH -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
