Assalamu'alaikum WW Pak Nofendri dan dunsanak Palanta nan tacinto Memang batua tu beberapo dekade kabalakangko terjadi penurunan nilai-nilai adat dalam kehidupan bermasyarakat di Minang Kabau tarutamo bagi generasi mudo zaman kini, iko tantu seiring dengan berkembangnyo zaman dan teknologi dan kito tidak memakai alat filter nan ampuh yaitunyo ABS SBK, masyarakat kito terlena dengan modernisasi dan kemajuan zaman jo teknologi nan kadang-kadang menyesatkan bahkan alah mambuek masyarakat kito tersesat.
Zaman ambo dulu ketek2 masih lalok di surau, sambia baraja mangaji, baraja basilek tari randai, salawaik dulang jo kasidah dan indak lupo baraja adaik jo pasambahan, oleh mamak-mamak kampuang jaleh bana diajakan agar tau jo nan ampek, dan sangaik dirasokan surau mambantuak karakter dan sipaik kepribadian kito, tamasuak diaja gigih bausaho. Ambo takana dan hafal bana nasehat mandiangko Abak ambo nan kabetulan Liau pulo guru mangaji ambo : Dijaja jaja dikisai luruih kalawang bak dibanang, diaja aja badan marasai isuak kito indak tagamang Ketegasan urang tuo awak dulu nan kito anggap keterlaluan tarnyato setelah gadang baru taraso manfaatnyo. Kini peranan dan dominasi urang tua apo lagi mamak lah jauh bakurang mempengaruhi perkembangan anak kamanakan nan beranjak remaja dan dewasa, gaya hudup konsumtif lah merasuki generasi mudo kito, pengaruh media masa sangaik gadang tanpa sensor dirumah tanggo, kebebasan prilaku anak indak terkontrol lagi dek urang tuo apo lagi mamak. Disikola-sikola kurikulum muatan lokal tantang adat sangat minim sahinggo generasi kito indak mangarati lai jo adat istiadat, sentuhan surau lah sangaik jauah dari generasi zaman kini, jan kan baraja adat dengan patatah patitihnyo dirumah sajolah babahaso Indonesia raya. Sistim pamarintahan lah babaliak kanagari namun babaliak kasurau alun terlaksana, semangatnyo gadang tapi pelaksanaan sangaik kurang, malah cubo kito caliak kuliliang nagari di Sumbar kiniko, lah banyak surau nan tingga tagajai, lah ampia rato balai adat nan lapuak runtuah, "dimalah kaji nan kadapek surau tubana batinggakan, dimalah adaik nan kapaham balairong bana palupokan" disurau urang mangaji awak manonton ateh rumah, dibalerong urang barapek diawak bola nan paralu. Kok io lai tacito babaliak ka surau jo nagari mako iko harus manjadi perhatian semua pihak, karajo samo sangaik diparalukan. Untauk kito nan dirantau "sajauah-jauah tabang bangau suruiknyo ka kubangan juo, hujan ameh dinagari urang hujan batu dikampuang awak Ranah Minang kanalah juo" Kini lah maratok pantai piaman maisak banda sapuluah, marentak marapi jo singgalang, gunuang talang lah sato pulo, tandikek jo sago manahan tangih, mancaliak umaik nan alah lupo, lupo jo janji nan bakarang, lupo jo sumpah satie niniak moyang. Tks Afrijon Ponggok 43,L,Pekanbaru Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
