Sabananyo iyo, kalau manuruik poandangan awak, urang awak ko bisa labiah dari pado urang lain. Tapi barangkali rncak awak rem saketek pandangan egoistik nan balabiahan ko. Rancak awak maengong ka suok ka kida. Dengan sikap baitu kito dapek maintrospeksi dan maretrospeksi sia bana Uang Awak ko dan maukua-ukua kamampuan awak jo urang lain. Barangkali rancak awak mancaliak ka muko basiansua dan indak malengahkan pandangan urang di bulakang nan lah lamo takambang. Duduak marauik ranjau tagak maninjau jarak.
Tantang Urang Cino, tambahan saketek: 1. Cino lah marupokan salah satu bangso nan paliang gadang lah lamo dalam perkembangan sejarah budayanyo. 2. Nabi Muhammad s.a.w. malah lah mampitaruahkan, tuntuiklah Ilimu walaupun sampai ka Nagari Cino. 3. Tambo awak mangecekan Rajo Awak batigo badunsanak jo Rajo Cino. Rancak awak baiyo batido sasamo anak cucu. 4. Langik tinggi adolah pancaliakannyo gantuangan impiannyo, samantaro kakinyo tatap bapijak elok-elok ka Bumi. Karajaan Langik nan indak malupokan Bumi. 5. Selatan, macaliak Bintang Selatan (South Cross) adolah Impian Rang Cino nan lah lamo dan taruih sampai kini. Indonesia di Selatan manjadi Sarugo Cino, bukanlah suatu kebetulan sajak kapatang ko sajo, tapi alah lamo diimpikan dan direncanakan dalam sejarahnyo. 6. Hubuangan internasionalnyo ketat dan taruih dijago. Bahasonyo tatap dipaliharo dalam babisnis. Kekuatan Cino dalam Dunia Internasional karano inyo mamakai Bahaso Cino nan dapek mereka mangarati sasamo mareka, sakali gus mampapasiah Bahaso Inggirihnyo dalam babisnis, sadangkan Urang Babahaso Inggirih takalah dalam hal itu. 7. Dalam bisnis kontemporari, misanyo caliaklah isi kapatabang sabalik Pacific Rim sajo. Businesmennyo tabang-tabang malingka pulang baliak: Beijing - Shanghai, Hoangkong - Singapore - Jakarta - Melbourne - Auckland - LA- NY - Tokyo - Beijing. Baitu juo di baliak dunia ka Baratnyo. 9. Dengan gesitnyo mangikuti dunia moaderen badasarkan pangalaman lamo, Cino maungkin ka manjadi Numero Uno di Dunia ko. Caliaklah apo sajo sakitar awak lah ado tulisan keteknyo dibuek di Cino, dari punjaik, tusuak gigi, sampai alat-alat moderen. 10. Dengan Bancana Alam nan Dahsyat nan manimpo Japang, Shanghai Hongkong Guangdong mungkin ka manjadi semarak Beijing. Salam, \--MakNgah Sjamsir Sjarif --- In [email protected], Armen Zulkarnain <emeneschoobie@...> wrote: > > Assalammualaikum wr wb > > Pak Reflus Ramli sarato angku, mamak, bundo jo adi dunsanak sapalanta RN nan > ambo muliakan, > > Sabonanyo nan urang awak ko bisa lobiah daripado urang cino, nan partamo > tantu > bisa dimulai dari memupuk raso saliang picayo antaro kito. Mungkin nan paralu > ditanamkan sajak mudo adolah : > 1. suko berkoorporasi (bakarajosamo) > 2. suko mandangakan pandapek dunsanak nan lain > 3. suko bakarajo kareh > 4. suko manolong, membantu jo caro apo sajo > 5. ijan suko babangga diri, maraso santiang atau maraso cadiak > 6. hormat ka nan tuo, sayang ka nan mudo > 7. hiduik hemat jo bakarilaan > 8. ... > 9. ... (ambo raso masih banyak nan lain, silahkan ditukuak jo dibilai) > Dari pusako lamo pituah niniak moyang kito daulu, sabananyo olah diwarihkan > pituah-pituah nan bisa dikorojokan sajak ketek. Tapi baa kok indak > bakorojokan? > mungkin samo jaweknyo satantang nan alah diwarihkan Rasulullah SAW yaitu > Al > Quran jo Sunnah. Nan mambuek kito indak maju-maju adolah suko batikai satu > samo > lain, sahinggo lidi-lidi ko indak takabek jadi sapu. Iko pulo nan kodok > diusahokan jo kolonial bulando sajak saisuak nan disobuik politik devide et > impera ko. > > Kuncinyo ambo kiro sederhana sajo, namun iyo sarik pulo untuak > melaksanakannyo, > sabab takaik jo ego masiang-masiang untuak saliang mandangakan & mautamokan > kabasamoan. Mungkin itu sajo dari ambo, kok kurang tapek mohon ditunjuak > ajakan, > sabab ambo iyo mudo matah baru lai, aka masih kurang nan ilmu pun alun lo > sampai, masih paralu bona banyak baraja. > > > wasalam > > AZ / lk / 32 th > Padang > > urang minang ko, kok intelektual iyo sambuah nan santiang, tapi emosionalnyo > iyo > agak kurang tajago > sadangkan parsoalan spritual ko, tantu urusan kito masiang-masiang kahadirat > Allah SWT. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
