Angku Andiko,kok dapek sumber latar bulakang inspirasis lagu tu, rancak dibarikan referensno.
Takana, tabayabng-bayang di ambo Ucap, [panggilan kami ka Jusaf Rahman, alm) katu Kompi AAC Mahasiwa Pertanian Payokumbuah turun dari Bukik di sore hari tanggal 30 Juli 1958. Hari tu, lah labiah satangah abad nan lalu, ambo ado di Padang Japang, Pek Ten, Limo Puluah Koto. Hari tu kapatabang mandaruang-daruang di daerah Pek Mudiak, mahantam mambom bukik dakek Suliki. Samantaro tu pasukan darek masuak ka daerah tu, dan baserak-serak sakitar Danguang-Danguan. Jaleh tadonga bunyi bom serangan udara nan manakuikkan menggamuruah di seluruh daerah Pek Mudiak. Jaleh pulo tadanga bunyi AAC (anti air Craft) nan ditembakkan kaateh dek Kompi Mahasiswa tu. Jaleh pulo tampak Asok manggabubu dari curahan bom tu. Tadanga bunyi sinjato parang basuaik-sauikan. Tapi bunyi serangan bom manggamuruah dari langik tu dari jauah tadanganyo indak sabandiang karenhnyo jo bunyi AAC dari bukik tu. Broooom, Brooom, Broom ... buny bom nan dilapehkan dari langik tu. Tetet, tetet, tetet, ... bunyi AAC kadangaran dari arah bukik tu. Sorenyo, salasai pamboman Suliki tu, Tantara Pusek lah manduduki Danguang-Danguang. Ambo batigo jo kawan-kawan (duo dari Fakultas Pertanian juo, Sjofjan Asnawi, kudian Mantan Rektor UBH,alm, dan Ridwan Asky, alm.) nan di Padang Japang ko pai manyilau kawan-kawan kami nan di bukik Suliki tu. Mareka baru turun. Ambo caliak Cap mamparagoan paruiknyo lah basuriah-suriah lah babintiak-bintiak itam antah dipantak apo... Baitu juo kawan-kawan nan lain kami rangkuah salami, dan sudah tu kami bapisah. Ambo indak basuo lai jo Icap, sampai wakatu alek pernikahan jo kawan kami Sjofiani Bustamam, tahun 1965 di Jalan Sapiran Bukikttinggi, sabalun ambo maninggakan Kampuang Halaman. Lagu nan tangiang-ngiang wakatu ka barangkek itu pun meresap takana sampai kini, baru dipentaskan waktu itu rasonyo dari Tari Barabah Mandi, (mungkin lagu karangan Jusaf Rahman juo dengan ciptaan tari Sjofyani?) rasonyo: Tingga lah Kampuaang ..., tinggaa lah Halamaan, Tinggaa Tapiaan jo Taampek Mandiii ... Salam, -- MakNgah Sjamsir Sjarif Usah diratok-i Di Tapi Riak nan Badabua --- In [email protected], andi ko <andi.ko.ko@...> wrote: > > Sanak Palanta > > Ternyata lagu bukanlah sekedar lagu. Hari ko ambo dapek sebuah kisah tentang > latar belakang lagu nan berjudul Usah Diratok'i karangan Yusaf Rahman. > Sebuah kisah kemanusiaan, cinta dan kasih sayang yang sangat kuat ditengah > pergolakan daerah. Sebuah pelajaran hidup yang sangat berharga telah ambo > dapekkan hari iko. Do'a mendalam untuk urang-urang yang terlibat dikisah > yang melatari lagu legendaris iko. Semoga Allah melimpahkan rahmad dan > hidayah kepada seorang lelaki yang memiliki rasa cinta dan telah merawat > cintanya berbilang waktu, tak tergerus zaman yang melatari lagu ini, semoga > Allah memberikan kelapangan dan kebahagiaan untuknya dan keluarganya. > > Salam > > andiko > > ________________________________ > > Usah Diratok'i > > Anak urang si Kubang Putiah > Pai ka balai, hari sanjo > Mamakai baju guntiang cino, guntiang cino > > Ulah rayu si daun siriah > Bacarai pinang jo tampuaknyo > Apo katenggang si carano, si carano > > Reff: > > Urang Kapau pai ka ladang > Sarupo kodek jo bajunyo > Iyo buruak lakunyo alang > Ayam tapauik disembanyo > > Urang Sariak babaju ganiah > Pai manggaleh ka Padang Lua > Iyo sarik ba ayam putiah > Kok indak sikok alang manyemba > > Jikok mandi denai di hulu > Aia nan usah adiak sauak, > Disauak usah dikaruahi, dikaruahi > > Jikok mati denai dahulu > Mati nan usah adiak janguak, > Dijanguak usah diratoki, diratoki > > *(Ciptaan Yusaf Rahman, Dipopulerkan oleh Gumarang dan Tiar Ramon)* -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
