Mak Ngah nan ambo hormati, Dek Rina alah biaso dicaritoan dek Inyiak jo Nenek goeh..sangkek sari. Raso-raso ado juo lih lanjutan kisah nan ka Mak Ngah caritoan. Ado kisah nan sabananyo nan ingin dilajuikkan. Mak Ngah kalo indak namuah bacarito dinan rami, rina dengan sanang hati mandangakan lewat japri.
Ko Rina kutipkan : Tingga lah Kampuaang ..., tinggaa lah Halamaan, Tinggaa Tapiaan jo Taampek Mandiii ... Disiko Rina masih manangkok sambuangannyo... Hu hu..... ndak saba mandanga sambuangan carito Nyiak Aki ko doo... Mak Ngah, siapo tau akan ado versi cerpen atau puisi membahasakannyo nantik. Wassalam Rina -----Original Message----- From: [email protected] [mailto:[email protected]] On Behalf Of sjamsir_sjarif Sent: Saturday, April 09, 2011 8:56 PM To: [email protected] Subject: Re: [R@ntau-Net] Lagu Usah Dirato'i Yusaf Rahman Angku Andiko,kok dapek sumber latar bulakang inspirasis lagu tu, rancak dibarikan referensno. Takana, tabayabng-bayang di ambo Ucap, [panggilan kami ka Jusaf Rahman, alm) katu Kompi AAC Mahasiwa Pertanian Payokumbuah turun dari Bukik di sore hari tanggal 30 Juli 1958. Hari tu, lah labiah satangah abad nan lalu, ambo ado di Padang Japang, Pek Ten, Limo Puluah Koto. Hari tu kapatabang mandaruang-daruang di daerah Pek Mudiak, mahantam mambom bukik dakek Suliki. Samantaro tu pasukan darek masuak ka daerah tu, dan baserak-serak sakitar Danguang-Danguan. Jaleh tadonga bunyi bom serangan udara nan manakuikkan menggamuruah di seluruh daerah Pek Mudiak. Jaleh pulo tadanga bunyi AAC (anti air Craft) nan ditembakkan kaateh dek Kompi Mahasiswa tu. Jaleh pulo tampak Asok manggabubu dari curahan bom tu. Tadanga bunyi sinjato parang basuaik-sauikan. Tapi bunyi serangan bom manggamuruah dari langik tu dari jauah tadanganyo indak sabandiang karenhnyo jo bunyi AAC dari bukik tu. Broooom, Brooom, Broom ... buny bom nan dilapehkan dari langik tu. Tetet, tetet, tetet, ... bunyi AAC kadangaran dari arah bukik tu. Sorenyo, salasai pamboman Suliki tu, Tantara Pusek lah manduduki Danguang-Danguang. Ambo batigo jo kawan-kawan (duo dari Fakultas Pertanian juo, Sjofjan Asnawi, kudian Mantan Rektor UBH,alm, dan Ridwan Asky, alm.) nan di Padang Japang ko pai manyilau kawan-kawan kami nan di bukik Suliki tu. Mareka baru turun. Ambo caliak Cap mamparagoan paruiknyo lah basuriah-suriah lah babintiak-bintiak itam antah dipantak apo... Baitu juo kawan-kawan nan lain kami rangkuah salami, dan sudah tu kami bapisah. Ambo indak basuo lai jo Icap, sampai wakatu alek pernikahan jo kawan kami Sjofiani Bustamam, tahun 1965 di Jalan Sapiran Bukikttinggi, sabalun ambo maninggakan Kampuang Halaman. Lagu nan tangiang-ngiang wakatu ka barangkek itu pun meresap takana sampai kini, baru dipentaskan waktu itu rasonyo dari Tari Barabah Mandi, (mungkin lagu karangan Jusaf Rahman juo dengan ciptaan tari Sjofyani?) rasonyo: Tingga lah Kampuaang ..., tinggaa lah Halamaan, Tinggaa Tapiaan jo Taampek Mandiii ... -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
