Assalammualaikum wr wb, pak Saaf nan alah ambo anggap urang gaek sendiri, mohon maaf ambo indak bisa menjawek pertanyaan apak satantang hal iko. Baa kok baitu? Kok maituang bareh tantu pakai gantang, kok maituang data nan pak Saaf sabuikan tantu pakai alat ukur nan tapek pulo. Salaruik salamo nan ko ambo indak pernah mengumpuakan informasi hal-hal yang demikian. Nan ambo selalu usahakan salamo nan ko adalah membantu sebisa mungkin kito urang minang babaliak banagari.
Karano itulah, pabilo Siriah Baliak ka Gagangnyo, Pinang Pulang ka Tampuaknyo, insya Allah akan bisa diurus seluruh permasalahan anak kemanakan di masing-masing kaum, suku & nagari. Sabab hanyo itu nan tahu dek ambo caronyo, seperti nan alah diwarih jo niniak moyang kito. Berbagai macam caro nan alah dicubo sebagai evaluasi-evaluasi limbago nan usali, hanyo semakin memperumit masalah nan ado, nan akhianyo mambuek kito batambah paniang. Mohon maaf pabilo indak berkenan, seperti nan acok pak Saaf sampaikan ka bakeh ambo " Armen, ambo kon urang balai, lahia di Padangpanjang nan kurang memahami hiduik banagari-nagari". Ambo kiro pak Saaf jauah labiah tahu jaweknyo, sabab pengalaman apak tantu indak samo jo gantang nan ambo punyo. wasalam AZ / lk /33th Padang kok berang ka mancik nan saikua, ijan dibaka pulo rangkiangnyo sabab mambueknyo sabana payah untuak ukuran zaman kini, iko pituah baru mah. ________________________________ Dari: Dr Saafroedin Bahar <[email protected]> Kepada: "[email protected]." <[email protected].>; "Naim, Mochtar" <[email protected]>; "Zulkarnain, Armen" <[email protected]> Cc: "SUMBAR, LKAAM" <[email protected]>; "Abidin Za Jabbar, Masoed" <[email protected]> Terkirim: Rab, 20 April, 2011 15:24:13 Judul: [R@ntau-Net] Alah bara urang Minang nan murtad dan kadipangaan mereka ? Assalamualaikum ww para sanak sapalanta, Dari wacana di RN kudian ko muncul masalah nan penting dlm rangka ABS SBK, yaitu murtadnyo sabagian urang Minang. Adiak Buya Hamka murtad dan jadi pendeta. Th 1968 di Padang aktif bung Rusli Nurfea, urang Lintau, pendeta Yayasan Maleachi di Banduang, Di Jakarta kini kabanyo ado 'gereja Minang' nan jamaahnyo urang awak. Baa mako bisa murtad ? Apo sababnyo ? Dek pitih atau dek kayakinan atau dipaso atau dikicuah atau dek dikawini ? Apo indak diparatikan dek ayah atau niniak mamaknyo ? Di nagari ma nan alah mulai banyak nan murtad tu ? Apo ado dari dunsanak warga RN nan murtad, dan bapangaan mereka tu? Ciek lai: laikoh LKAAM dan MUI Sumbar mangkaji masalah ko sacaro komprehensif, terencana, dan berkelanjutan, dan mangambangkan 'grand strategy' utk manunggulanginyo ? Ambo sabana-bana ingin tahu apo jawabannyo. Utk mamulai, ambo tunggu pandapek pak Mochtar Naim jo bung Armen. Sudah tu dari Dt Rajo Pangulu Ketua Umum LKAAM Sumbar, digongi dek Buya Mas'oed. Talabiah dahulu ambo ucapkan tarimo kasih sagadang-gadangnyo. Talabiah takurang ambo minta maaf. Wassalam, Saafroedin Bahar. Taqdir di tangan Allah swt, nasib di tangan kita. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
