Oh, Durian! Tapi ingek-ingek jan sampai talulua incek durian tu ... :) Mukasuik MakNgah pulang bulan Januari patang tu memang maramalkan musim durian ka tibo. Tapi sayang indak sampai ka sinan.
Na, kok jadi makan durian nanti, kok lai sempat basuo jo Etek Sukar, tolong sampaikan salam MakNgah. Etek Sukar, urang tuo kito dari ampek zaman lah nan maimbauan MakNgah Urang Bunian Rimbo Sumpu ka anak-anak nan bakarubuangan mancaliak Makngah datang di ambang sore awal Feb 2004 tu. Salamo ko urang batanyo-tanyo sia nan mananam durian nan kini marimbo di Batang Sami tu. Banhyak urang manganggap mungkin durian tu ditanam dek Urang Bunian. Itulah waktu sore tu, wakatu Makngah mancari manamui dan takilek dek Etek Sukar, baliau manyorakkan ka anak-anak, "Iko lah Urang Bunian nan mananam Durian di Batang Sami tu". MakNgah takajuik, tabasuik galak, dan baru takana. Iyo salamo tigo musim durian satangah abad nan lalu, tiok biji durian nan rancak-rancak MakNgah suruakkan ka dalam tanah atau lemparkan jauah-jauah dengan harapan dapek tumbah nanti. Indak takona lai dek MakNgah sasudah itu. Baru takaona dek diimbaukan dek Etek Sukar tu lah. Sabab, wakatu musim durian dahulu, tiok pagi kami dapek anaro 15 jo 20 durian hanyuik nan kami pasang lantak di muko Kincia kami di rimbo tu. Kami cuma 8 urang di Kincia, di rimbo terisolasi indak buliah ditampuah urang tu. Sia nan datang labiah dahulu, itu nan cama duduak surang. Ado kawan namonyo Zaini -- kemudiankawian jo Gadih Puti Sumpu -- sabazna cama jo durian tu, subuah-subauha inyo lah duduak sinan makan durian surang. Dek kacobehnyo nan baitu, itulah mangko kami kecekkan jo garah, kalau Zaini tu, durian tu dimakannyo jo incek-inceknyo! Mudah-mudhaan baliau masih hiduik kini, kabany di Pakanbaru jo si Puti. Salam dan ingekkan MakNgah (Sjamsir Sjarif nan lah bahubuangan HP) ka Etek Sukar jo Rangkayo Guru Maria. Sakitulah dahulu. Salam, --Makngah Sjamsir Sjarif Rang Bunian Rimbo Sumpu, May 1, 2011 --- On Mon, 5/2/11, Armen Zulkarnain <[email protected]> wrote: From: Armen Zulkarnain <[email protected]> Subject: [R@ntau-Net] [YPRN] Program Bantuan untuk Siswa di Daerah Terpencil >>> via japri. To: "NaAfrinaldil" <[email protected]> Cc: "Inyiak Sunguik" <[email protected]> Date: Monday, May 2, 2011, 5:44 PM Tanggal 12 April nan lampau, kato pak wali nagori Sumpua, baru mulai musim durian. Ambo tanyo bara haragonyo, kato balaiau 3rb - 5rb.Bisuak malam ambo cubo pupuah agak tigo buah, hehehe wasalam AZ-Padang Dari: NaAfrinaldil <[email protected]>Kepada: [email protected] Terkirim: Sen, 2 Mei, 2011 10:00:06 Judul: Bls: Bls: Bls: Bls: [R@ntau-Net] [YPRN] Program Bantuan untuk Siswa di Daerah Terpencil Iyo bana Makngah, panabangan hutan salamo ko sabana mambuek rimbo2 di sumpu rusak. Mudah2an rimbo2 ko kambali saparti samulo. Dulu wakatu masih ketek2, masih acok ambo mandanga siamang babunyi di rimbo2 tu. tapi wakatu ambo pulang tahun patang, indak tadanga lai do. Indak tau kama pai, mugkin samakin jauh pai ka rimbo2 gadang lisun. Baru2 ko ambo danga Rimbo Lisun pun lah ditabang urang pulo dari arah kuantan singingi. sabana miris awak mancaliak pambalakan liar di negri ko. Oh yo MaknGah kini sadang musim durian di Sumpu, tapi lah hampia abih. Mudah2an agak sakali bisa pulo kito basobok di Sumpu sambia makan durian jo lomang.he..he.. Salam, Afrinaldi Sumpur Dari: sjamsir_sjarif <[email protected]> Kepada: [email protected] Terkirim: Sen, 2 Mei, 2011 23:45:31 Judul: Re: Bls: Bls: Bls: [R@ntau-Net] [YPRN] Program Bantuan untuk Siswa di Daerah Terpencil Mungkin mukasuik angku manamapuahjalan ka Durian Tinggi tu salah namo, mungkin Durian Gadang ndak? Ondeeh, dengn uraian ko dan konfirmasi Inal (Angku Afrinal, asli Sumpur Kudus, Makah Darek) iyolah tandeh kayu-kayu di Rimbo nan MakNgah kenal baik hutan lindungnyo. Karo-karo kesayangan MakNgah di Batang Sami kama ka pai bagayuik lai? Dahulu hampia duoratuih ikua tiok hari datang ka Dangau MakNgah main-main manyasok aia. Taibo hati, kok pai mancaliak Sumpu nanti mungkin agak sasak angok maagaki beda satangah abad ko. Sudah tu, Jembatan Silukah manyubarang Batang Kuantan dakek DurianGadang tu dibuek mungkin dengan restu para pembalap kayu hutan ko sebagai guna utama bukan untuak mamudahkan kudobaban (nan kini mungkin indak ado lai) manyubarang. Sudah tu, sadang bajalan dari Pekanbaru - Loge - ke Sijunjuang dan Bukittinggi awal 2004 Makngah acok basobok Oto-oto gadang bakonvoi manuju arah Pekanbaru panuah muek barek kayu-kayu balak. Wakatu tu alah agak curiga saketek kalau-kalau kayu ko lah dibawo jauah dari Kecampatan Sumpu Kudus bagai. Gambar oto-oto tu lah MakNgah kirimkan ka Lapau wakatu itu. Ruponyo kayu-kayu tu dihanyuikkan ka hilia Batang Kampar di Lipek Kain taruih ka Pelalawan lapeh ka kapa diLauik basa Selat Melaka. Wakatu Makngah sabalunnyo di jalan lintas tengah dari Tambilahan - Rengat - Pekanbaru, di Pangkalan Kerinci Makngah mancigok Sungai Kampar. Pinggir Sungai di Pangkalan Kerinci tu tu panuah jo kayu-kayu bulek panjang rancak-rancak (bukan bulek basandiang doh :) nan ditampuang dari hulu kebanyakan dari Lipek Kain tu barangkali. Fascinating mamikia jaringan-jaringan balakkayu ko malalui jalan-jalan dagang maso saisuak. Tabayang kayu dari Agam Puagadih ka Kototinggi taruih lapeh ka Guntuang Mahek Bukikbarisan, dihanyuikkan ka Batang Kampar di Pangkalan Kotobaru. Dari Batukambiang Angku Armen tantu malalui Kotoalam, Tantaman baru taruih ka Matua. Tabayang jalan-jalan kaki MakNgah di sekitar tu baiak antaro Alahan Anggang, Kotoalam, Muaro Tontang Gudang jo Malampah, maupun antaro Bonjol, Kumpulan, Palupuah, Puagadih Kototinggi and beyond... Waah bakhayal MakNgah baliak ka maso lalu, mairuik udaro barasiah rimbo dengan suara burung-burung nan merdu ... Salam, --MakNgah Sjamsir Sjarif Santa Cruz, CA May 1, 2011 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
