Mak Ngah, Mak Duta, Mak Datuak Endang, Jo Pak Syaf jo Sanak Palanta Nah iko nan menarik, pertanyaan pentingnyo, apokah memang peristiwa PRRI menjadi satu latar belakang penting perantauan besar-besaran Minangkabau. Mak Ngah alah mancontohkan ciek pada kasus di bawah iko. Dalam curito kaset "Ratok Mak Enggi" balerong group dibaco-baco juo latar belakang kenapa urang Minang merantau, baik karena peristiwa politik maupun karena peristiwa sosial. Pengalaman Mak Ngah di tanjuang Pinang akan menjadi kisah yang sangaik menarik kutiko ditelusuri labih jauah, sabananyo kama mantan-manta PRRI itu melanjutkan hidupnyo. Ambo mandanga zaman itu daerah Riau jo Kepulauan Riau adolah daerah Dolar zaman itu. Pasca bergolak, banyak katonyo urang Minang pai kasinan. Bahkan nan labiah menarik, Caltex-perusahaan minyak Amerika nan di Pakanbaru, banyak manampuang duo suku yang terlibat aktif dalam pergolakan yaitu Minangkabau dan Tapanuli. Ambo mandanga dan mencatat dengan takzim kisah-kisah humanis perjuangan iko, termasuk dari tokoh-tokoh rantaunet. Baitu juo Mak Ngah, suratan takdir alah melemparkan mak ngah pada ribuan kilometer dari tanah kelahiran. Sepotong kisah mak ngah nan ditulih di Koran Mimbar Minang bertahun-tahun lalu sedikit membuka tabir perjuangan seorang laki-laki Minang nan alah digariskan untuak berjalan menemui takdirnyo. Baitu juo Mamak Ajo Duta, mambayang ka ambo mandi-mandi pagi di batang Gasan yang penuh ikan larangan, salo manyalo jo rumpun talang, dimano ambo alah taminum juo ayia Batang Gasan ko. Siapo sangko akan menemui takdirnyo di jantung modernitas. Tapi indak salah pituah marapi jo singgalang, indak ka kuniang dek kunik, indak ka merah dek sago, disinan jati diri Minangkabau indak tergerus jo budaya lua, ibaraik ikan dilauik, indak ka asin dagiangnyo dek lauitan. Baitu juo Pak Syaf, baa bana bekerja dalam sistem nan tantunyo saketek banyak sangat curiga jo Minangkabau pasca pergolakan, tentu membutuhkan seninyo sendiri. Tambah ciek lai mamak Zulkarnain Kahar, Anwar jambak, Ryan Firdaus, Jepe, TR dan banyak aktivis RN lainnyo. Baitu juo sorang mamak ambo, seorang keluaran sikola agamo gurun batu sangka, sia manyangko baliau malala di asia Tenggara dan ditahun 70-an alah di deportasi dari Amerika....he..he..
Nah kalau kisah-kisah pergulatan hiduik iko digabuangkan, kito akan batamu jo inti ilimu di universitas kehidupan nan akan manjadi warih nan di jawek, pusako nan ditolong. Ambo batanyo-tanyo, sialah si-Minangkabau bangsa pengembara iko, apokah inyo bagian dari kabilah nan hilang ? Salam Andiko 2011/5/10 sjamsir_sjarif <hamboc...@yahoo.com> > Memang judulnyo "Kubang Putiah" namun seiring jo pengmebaraan Angku Andiko, > isinyo lah malimpah dari Kubang Putiah, nan buliah kito rosok-rosok manujadi > komplikasi sejarah perantauan dan bergulir dari nasib masyarakat di Kampuang > Halaman. Kalau di Ternate ditemukan Urang Awak nan "mengejutkan", MakNgah > picayo mungkin hal ko akan kito jumopai nanti di berbagai point geografi; > kito akan basobo9k jo Urang Awak nan tadinyo indak kito kasanoi. Sabagai > field student, Anbgku Andiko lah manyariangkan talingo, manyalangkan mato > dan mangikuti mainterpretasikan intuisi. Taruihlah malangkah denganteknik > field study nan alamiah ko. Hal itu akan berkembang dengan penemuan-penemuan > yang mungkin tambah mencengangkan. > > Diambiak satu titiak tumpu, saurang nan baumua 40 tahun kini di Ternate tu, > diambiak paralel jo horizoneal dengan angkatan di Kampuang Halaman. Baliau > adolah seangkatan dengan angkatan baru paska pergolakan. Baby boom paska > pergolakan nan memuncak sekitar 1967-68an kini adolah angkatan baru, baiak > di Kampuang Halaman maupun Di Rantau. Kalau mereka tu kelahiran Rantau, > kamungkinan urang tuonyo adolah sebagian emigran besar-besaran paska > pergolakan nan bersebar mengipas dari Kampuang Halaman manuruikkan nasib, > Tinggalah Kampuang Tinggalah Halaman, Tingga Tapian Tampek Mandi ... > > Kalau pandai mancukia oral history, mungkin akan banyak sangkuik pauiknyo > jo latar belakang sejarah dan penderitaan di Kampuang Halaman. > > Tahun 2003 MakNgah pun batamu jo Rang Kampuang nan indak di sangko-sangko. > Wakatu tu dalam pajalanan pulang dari Birma, MakNgah bajalan-jalan di > Tanjuang Pinang. Sorenyo mancari tampek makan dan penginapan nan agak jauah > dari pusek karamian palabuhan. Lah rancak hari agak sore, sampai di suatu > Restoran banamo kalau indak salah "Restoran Mak Datuak". Sabagai biaso > MakNgah indak bukak muluik cuma makan sambia manyariangkan talingo. Tanyato > urang nan duduak di bulakang mangecek caro kampuang awak bana. Akhirnyo > MakNgah berkenalan dan maota panjang. Kironyo baliau Urang Baso. Basobok > kalorok carito kami maso dahulu. Inyo tuo saketek dasri MakAngah. > Diparagoannyo paonyo nan basarawa punco, bekas luko kanai tembak wakatu > bagolak. Tanyato inyo memang salah satu emigran nan puluhan ribu maninggakan > Kampuang halaman sasudah bagolak. Kamungkinan anak-anaknyo pun saanngkatan > jo pemilik resotoran di Ternate tu. Jan takajuik nanti jiko mangalami hal > nan hamoia samo di Kaimana, Timika, bahkan Jaayapaur anta dima-dima sampai > ka Australia. Rancak dinyariang-nyariangkan talingo :) > > Salam, > --MakNgah > Sjamsir Sjarif > May 9, 2011 > > - > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
