Mak Ngah jo Sanak palanta Iko menyangkut judul "Kubang Putiah". Ukatu maminteh di Ternate beberapa tahun lalu, kutiko propinsi iko masih baru, ambo sempat pai makan siang ka tangah pasa di Ternate. Ternyata ambo masuak kadai nasi urang Minang disinan dan kadai nasi iko tampek bakumpua urang awak. Curito ka curito, tabacolah mengenai keberadaan urang Kubang Putiah di Ternate. Ternyata urang Kubang Putiah iko salah satu perantau Minang nan alah lamo sangaik disinan. Sorang nan batamu jo ambo, mungkin alah 40 tahun umuanyo, baliau mangecekkan kalau inyo lahia di Ternate dan baru 2 kali sampai ka Kubang Putiah saumua iduiknyo. Ambo geleng-geleng kapalo mamikiakan, baa caronyo dulu urang gaeknyo sampai marantau ka Ternate ko, mungkin awal-awal tahun 50an urang gaeknyo alah sampai di Ternate. Ambo pikia masih pakai kapa kayu dari Makasar. Yo sabana salud ambo jo palangkahan urang Minang beserta sumangaik avonturirnyo. Ciek lai nan membuat ambo salut, antaro pelabuhan Tobelo ka Galela, ado rumah makan Padang gadang punyo urang Solok, alah lamo juo baliau disinan.
Nan lain nan mentakjupkan ambo, ado seorang anak mudo urang Pariaman, alah abih galehnyo di Bajawa Flores, baliau masuak ka Sumba (Waingapu) mamulai iduik baru. Partamo datang ka nagari nan alun pernah inyo tampuah itu, berkenalan inyo diateh kapa jo urang Sumba asli. Jo urang itulah inyo bajalan mancaliak-caliak kota kecil Waingapu. Sebulan kemudian alah tagak lapau nasinyo disinan dan pindah seluruh keluarganyo. Ambo sempat singgah kasinan, dilapau nasi itu. Dilapau nasi itu, sangajo nyo sadiokan sebuah kamar untuak manginap dagang lalu, terutamo urang Minang nan ka ma adu paruntungan. Disinan pulo ambo batamu seorang anak nagari "Magek" nan kawin jo anak mantan Bupati Sumba Timur. Awalnyo ambo indak manyangko baliau iko urang awak, tapi setelah bacurito lamak, barulah ketahuan inyo urang Magek nan alah 25 tahun di pulau itu. Kutiko ambo sabuikkan urang Magek "Panjua Anak", tabasuik galaknyo, takana kampuang halaman. Kalaulah kisah-kisah perjuangan anak Minang dalam mengarungi kehidupannyo jauah dari kaki Singgalang jo Marapi dan baa daya adaptasinyo di tanah rantau dituliskan dalam buku,tantulah akan dahsyad. Banyak kisah-kisah humanis mereka, perjuangan dan keberhasilan mereka di tanah rantau, bahkan didaerah gersang sakalipun. Sayang yang selalu ditulih itu hanyolah nan gadang-gadang se. Salam andiko ----- Original Message ----- From: "sjamsir_sjarif" <[email protected]> To: [email protected] Sent: Monday, May 9, 2011 1:36:09 PM GMT +07:00 Bangkok, Hanoi, Jakarta Subject: Re: [R@ntau-Net] Duka di Kubang Putiah Iko ado rentetan gambar Senja di Kaimana di Google Earth: http://www.panoramio.com/photo/8652662 --MakNgah Sjamsir Sjarif -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
