Ajo Duta, Pak Darwin, jo dunsanak awak dimanapun kini,
Iyo sabana sadiah mambandingkan nagari urang jo nagari awak ko.
Di Sydney, Perth, Adelaide, tiok sore banyak urang nan pai ka taman-taman, ka
tapi danau untuak duduak-duduak, mambali roti-roti tawa kariang nan lah
dipotong petak-petak, maagiah makan itiak atau ikan. Tampek parkir di tata
dengan rapi. Polisi wisata ba sarawa pendek topi cowboy jo pentungan (tanpa
pistol) di pinggang pulang-baliak manyapo wisatawan dengan muko ramah, awak
bisa lo bafoto jo inyo. Buruang banyak batabangan. Di pohon-pohon tertentu
ado lo Koala. Iyo co di sarugo rasonyo. Indak basuo sapotong sampah pun di
sungai atau di lauik. Nagari urang bantuak disiapkan bana untuak manyambuik
tamu.
Di Beijing, disadiokan meja-meja batu langkok jo kursinyo di sepanjang jalan
nan dakek taman untuk bakumpuanyo komunitas urang-urang gaek satelah Waitankung
di pagi hari. Di Beijing pulo masuak musajik harus bauluak dulu. ("Ma nan
labiah islami?" tanyo Ajo Duta tadi).
Di nagari awak, sabana sadiah. Jan kan ka duduak-duduak di tapi sungai, (ambo
alun panah ka danau manopun di sumbar), mandakek sajo lah kalimpasingan dek
hariang bakeh urang takanciang, sungai busuak mintak ampun, kumuah pulo, sampah
dima-dima. Kok urang asiang mancaliak kondisi ko, mungkin jatuah ka dalam aia
matonyo. Buruang? Abih ditembak'i.
Masuak musajik? sia se lantaklah.
"Dan bila dikatakan kepada mereka: 'Janganlah kamu membuat kerusakan di muka
bumi.'. Mereka menjawab: 'Sesungguhnya kami orang-orang yang mengadakan
perbaikan.'" [QS 2: 11]
Nampaknyo awak lah samo jo suku Ya'juj dan Ma'juj yaitu bangsa yang membuat
kerusakan di muko bumi.
"..., sesungguhnya Ya'juj dan Ma'juj itu orang-orang yang membuat kerusakan di
muka bumi,..." [QS 18: 94)
Pak Darwin batanyo:
Aaa nan salah dinagari awak sabananyo.
Awak nan salah Pak Darwin, karano alah sato mamiliah pamimpin nan co itu. Hati
nurani sabagian dunsanak wak bisa barubah dalam sakijok mato dek pitih Rp.
50.000. Adolo nan "agak" syar'i datang ka musajik-musajik pas ambo ka Pakan
mintak dido'akan agar "dilancarkan" dalam Pilkada nan ka tibo.
Labiah jauh kecek Pak Darwin:
Regulator asyik jo mancari pitih untuak tetap manjadi regulator,
Iko caro nan salah. Sainggo banyak nan masuak kandang si Tumbin, dek nyo.
Padahal bagi urang nan baiman, caronyo untuak mampartahankan kedudukan adolah
dengan "menolong agama Allah".
"..., jika kamu menolong (agama) Allah, niscaya Dia akan menolongmu dan
meneguhkan kedudukanmu." [QS 47: 7]
Antah baa lah pamimpin awak kini ko.
Jan sampai umaik muak (kaba di Suara Pembaruan kapatang baru mantan jenderal
nan muak) lalu bado'a:
"Ya Tuhan kami, sesungguhnya kami telah mentaati pemimpin-pemimpin dan
pembesar-pembesar kami, lalu mereka menyesatkan kami dari jalan (yang benar).
Ya Tuhan kami, timpakanlah kepada mereka azab dua kali lipat dan kutuklah
mereka dengan kutukan yang besar." [QS 33: 67-68]
"Ya Allah, berilah kami kesempatan untuk mengucapkan terima kasih kepada para
pemimpin yang telah memakmurkan negeri ini, atas izin Engkau, ya Allah."
Salam,
ZulTan, L, 50, Bogor
~ A clever person turns great problems into little ones and little ones into
none at all ~
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
