Ajo Duta jo dunsanak sadonyo baiak nan di kepengurusan YPRN maupun
anggota Rantaunet nan ambo hormati.
Sabagaimano lah samo awak kataui sadonyo bahaso mulonyo rencana awak
mambarikan bantuan ka dunsanak awak nan kurang mampu adolah dalam
bantuak paket untuk anak sekolah yang nagarinya sudah ditetapkan yaitu
nagari Mandiangin Katiagan. Dari informasi sebelumnya kita ketahui
bahasonyo nagariko adalah nagari miskin, terutama jorong Katiagan nan
hanyo bisa ditampuah jo perahu dari Mandiangin salamo 2 jam ( iko
manuruik keterangan satu satunyo kapalo sikola nan bisa ambo hubungi
yaitu pak Hedison dari SD 21 Mandiangin , nomor. HP Wali Nagari nan
diagiahkan Armen pun indak bisa dihubungi ( btw Armen kini sadang sakik
, ambo cuma mangecek jo isterinyo, kita doakan semoga Armen cepat
sembuh, sehingga dapat beraktifitas kembalai
). Dari pembicaraan ambo jo kapalo sikola tu bahaso apobilo awak
mambagikan paket mako baliau akan mambagikan saluruih isi pakettu
kasaluruih murik baliau, jadi indak ado nan indak mandapek. Lamo ambo
tamanuang mamikiakan persoalanko. Tabayang dek ambo anak anak nan indak
puas sabab nan iko mandapek pensil, iko baju, iko tas, iko kajaia apuih.
Baralah kakacau balaunyo, kok ado pulo nan manangih mangadu ka amak
abaknyo dek inyo cuma mandapek pensil, paniang pulo ranggaeknyo, pai
pulonyo karumah sikola, pusiang 7 kuliliang pulo kapalo pak guru jo ibu
gurunyo. Iyo sadiah bana nasib manarimo pambarian urangko. Nan ambo
bicarokan adolah anak anak, samo jo anak anak awak, titiak aia mato ambo
mambayangkan suasana nan katajadi. Mukasuik awak nan mambari adolah
untuak memberikan secercah kegembiraan kapado mareka nan indak
baruntuang diduniako, tapi nan tajadi sabaliaknyo. Memang kapuasan
indakkan dapek awak agaiahkan tapi jo baju sahalai surang ditambah jo
alat tulih kagembiraan bisa didapek. Itulah sababnyo ambo sarankan
maagiah baju tu sajo. Harago baju anak laki laki rato rato (sabab
bavariasi dari kls satu sampai kls 5) adolah Rp 49 000,-, anak padusi
rato rato Rp 58 000,-.harga topi Rp 55 000 per kodi untuk kls 2 dan 3
dan Rp 65 000 untuk kls 4 sampai 6. Dasi Rp 30 000 per kodi. Jumlah
murid semua 303 orang laki laki dan 272 orang perempuan. Manuruik ambo
indak paralu manyumbang sa paket doh, RP 50 000 sajo alah dapek
mamberikan ka bahagiaan ka urang lain. Tapikia dek ambo kok indak
tabalian dek awak anak anak ko baju sahalai surang yo malu hati rasonyo
jo tamu Kick Andy kapatangko. Amak Fatima nan baumua 75 thn jo kawan
kawannyo, atau anak mudo pangumpua receh tu, one dollar for music di
Bali , apolai ju anak/cucu awak Muhammad Iman Usman nan baumua 19 thn,
nan lah bakiprah manolong urang lain di Padang sajak umua 10 thn.
Memang hebat anakko yo, amaknyo ibu rumah tangga biaso, abaknyo pedagang
minyak tanah tapi ustaz. Mudah mudah an inyo jadi presiden Indonesia
nanti kito doakan. Eh kama lo ambo batea tea , padohal banyak diantaro
awak pasti manonton acara tu.
Hari Kamih bisuakko ambo dintak mambaia dan bisa dikirim lansuang ka
Padang. Jadi akan ambo bali 575 pasang baju saragam tu, bara ka
diagiahkan dek bendahara pitih tasarah sajo, Allah swt maha besar,
selalu ada jalan.
Sakianlah laporan dari ambo dulu, mohon maaf kalau ado nan indak
berkenan dek dunsanak sadonyo.
Isna (65 thn)
On 16/05/2011 21:43, ajo duta wrote:
Sanak,
Dihubungan jo rencana Uni Isna, untuk mambalikan baju sadonyo
tanpa paket. Baalah caronyo mambagikan paket ko.
Paketko sebagai rencana awal awak akan mambagi cuma 120 murid
nan indak mampu. Tapi dek Uni Isna mandapek info sadonyo murid tak
mampu, sehingga ado ide sadonyo diagiah sapasang baju.
Kalau kito kembali ka paket sajo baa nyeh. Jadi anak kelas 1 sajo
nan awak sumbang untuk 4 sikola tu.
Bisa awak dapek last statement bank Robald/Miko?
2011/5/16 Z Chaniago<[email protected]>:
Assalamu'alaikum Ww
Bu Isna dan adidunsanak nan ambo hormati,
Bersama ini ambo informasikan bahwa paket alat tulis yang telah ambo
balikan sbb :
120 paket alat tulis yang masing-masing terdiri dari :
a. 6 pencil Fiber Castle = total 5 gross
b. 1 set Penggaris-Segitiga-Busur Butterfly = total 10 lusin
c. 1 pcs Ballpoint hitam - Standard AE7= total 10 lusin
d. 1 pcs Ballpont biru - Standard AE7= total 10 lusin
e. 1 pcs Penghapus pencil - Joyko = total 3 box @ 40
f. 1 pcs Pengraut pensil - Joyko = total 4 box @30.
Biaya total = Rp. 2.324.000
Untuk selanjutnya ambo manunggu koordinasi dari Ibu Isna,
Wassalam
Z Chaniago
--
Z Chaniago - Palai Rinuak
Alam Minangkabau semakin memukau oleh kemilau Danau Maninjau .
Sayangi Danau Maninjau -
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
