Sanak Hadi di Pakanbaru,
nan paralu dikana, kito urang minang babiliak-biliak jo batampek-tampek. Indak ado hak ataupun wewenang dari kito untuak mangatur urusan nan indak pado tampeknyo. Mukasuik ambo, indak mungkin kito bisa mencampuri urusan paruik, kaum bahkan nagari nan lain. Iko nan alah acok kito lupokan basamo, sabab nan urusan ko ba macam-macam jo batampek-tampek pulo. Kok anak kemanakan suatu kaum ingin maanggkek niniak mamak pangulu kaumnyo nan tingga di rantau, indak bisa pulo kito mangurusi hal mantun. Ambo kiro sanak Hadi indak akan tarimo pabilo ambo ka rumah sanak di Pakan baru sambia mengeluarkan pandapek mengenai urusan keluarga dunsanak. Komunikasi nan rutin, ambo kiro akan memperbaiki kualitas hiduik. Saroman di palanta nan ko, ambo hanyo pernah batamu jo pak Abraham Ilyas salamo 4 kali, pak Jepe hanyo sakali sajo, pak Darul Makmur nan rang bako ambo hanyo 2 kali sajo, pak Afrijon 4 kali pulo, mak Dutamardin 2 kali, bundo Nuraini sakali sajo, pak Firdaus HB 2 kali pulo, pak Mochtar Naim beberapo kali pulo, baitu juo jo pak Saaf nan indak sampai 10 kali sajo. Jo inyiak Buyuang Dt Rajo Jambi hanyo sakali sajo, bahkan jo pak Rainal Rais indak pernah, padohal ambo alah pernah lalok jo makan di rumah gadang baliau di Sulik Aie. Nan unik, dari urang-urang tuo di palanta nan ko, ambo maraso kebersamaan mantun. Malahan jo mak Doto Hilman & anak balaiu pak Anthony Hilman hanyo batamu sapinteh sajo. Pabilo kami basuo, walau indak badunsanak & sa nagari, taraso dakek sabab dihubungkan oleh kemajuan teknologi IT nan ko. Urang minang nan ko sanak Hadi, indak pernah kolot menghadapi zaman, sabab adat babuhua mati, nan selalu elastis menghadapi tantangan zaman. Karano itu diperlukan musyawarah jo mufakat nan bajanjang naiak batanggo turun, sarao duduak samo randah & tagak samo tinggi pun batampek-tampek pulo. Nan pasti, khazanah budaya kito saliang harago mangharagoi, sabab ugamo maajakan bantuak itu. Karano itu pulo, hanyo kepentingan/keperluan nan sangat mendesak pulo nan memerlukan pertemuan tatap muka, sabab kito rang minangkabau nan ko tasabuik salah satu suku perantau di nusantara nan ko. Ambo kiro, sanak Hadi bisa memahami pandapek ambo, kok taraso kurang, silahkan ditukuak jo dibilai labiah lanjuik, mohon maaf pabilo kurang berkenan. wasalam AZ/lk/33th Sungayang - Tanah Datar ________________________________ Dari: "[email protected]" <[email protected]> Kepada: [email protected] Terkirim: Sel, 31 Mei, 2011 02:20:42 Judul: Re: Bls: [R@ntau-Net] Datuak Di Rantau, Baa Kaba? Wass pak AZ Sarato ninik mamak sapalanta RN Memang ado rancaknyo kemajuan teknologi kini...kito bisa barundiang basamo2,mgkn tamasuak niniak mamak nan jauah dirantau bisa barundiang jo urg kampuang tanpa hrs plg kmpg...sarupo kejadian dijawa..urg manyaksikan anaknyo nikah scra langsuang atau live istilah kini melalui jaringan angku "internet"... Tapi apokah bisa caro barundiang modeko bisa ditarimo adaik dlm istilah "tagak samo tinggi duduak samo randah" dlm parundiangan... Apolagi harus bapasambahan...dima carano atau jamba kadihidangan sarupo istilah barundian sasudah makan... Bahkan mgkn bisa2 indak ado kamanakan manuruik mamak pai batanyo sblm pai dan pulang tmpt babarito... Jd manuruik ambo mgkn lbh baiak pangulu tu dikampuang sarupo zaman dahulu dg fasilitas panunjang hiduik baliau utk mamajukan adaik jo nagari...supayo jan jadi "baringin bonsai“... Dek umua baru satahun jaguang darah satampuak pinang... Bari maaf ambo sblmnyo kok ado capek tangan talayangkan dan sabagainyo Salam_hadi 31/L/pakanbaru Sadang minum the talua sudah mambaco berita online Powered by Telkomsel BlackBerry® ________________________________ From: Armen Zulkarnain <[email protected]> Sender: [email protected] Date: Tue, 31 May 2011 02:59:39 +0800 (SGT) To: <[email protected]> ReplyTo: [email protected] Subject: Bls: [R@ntau-Net] Datuak Di Rantau, Baa Kaba? Assalammualaikum wr wb Berbeda kepala tentunya berbeda pemikiran, Kalau di ambo, ado saatnyo dimaso nan akan datang niniak mamak kito akan labiah banyak barundiang di kamar masing-masing daripado di balairung adat nagari. Baa mangko baitu? Sabab teknologi IT semakin canggih & murah pulo. Mungkin ado nan pernah mandanga bahasonyo mantan ketua MK nan lamo pak Jimly Assidiqie juo maaja mahasiswanyo dari kantua baliau melalui teleconfrence. Kebetulan ambo gadang di wilayah pelosok Sumatera Utara jo Nanggroe Aceh Darusallam sabab urang gaek bakarajo di perkebunan sawit swasta asing (PMA) sajak 1980 hinggo 2008. Nan kami daulu saja ketek indak pernah sarik berkomunikasi sabab ka 15 lokasi perkebunan (11 di Sumut & 4 di Aceh) dilangkok-i jo radio komunikasi pemancar type holben. Syarat mutlak untuak baminang-minang adolah intensitas komunikasi yang rutin. Inilah salah satu alasan mengapa saya turun ke nagari-nagari membantu pendampingan website nagari. Adalah hal yang aneh di jaman globalisasi saat ini seorang minangkabau mempertanyakan kesulitan berkomunikasi antara mamak dengan kemanakan, penghulu dengan anggota kaum & nagari dengan perantau... wasalam AZ/lk/33th Padang sadang manunggu mato takantuak di Surau suku Mandahiliang nagari Tanjuang basamo pak Abraham Ilyas ________________________________ Dari: "[email protected]" <[email protected]> Kepada: [email protected]; [email protected] Terkirim: Sen, 30 Mei, 2011 19:50:36 Judul: [R@ntau-Net] Datuak Di Rantau, Baa Kaba? Yth. Bapak, Ibu, dan Dunsanak di Palanta RN. Untuak maaliah-aliah isu dari soal katarak, kukuak ayam balenggek dan nan seirus bana soal turunnyo ranking pendidikan serta dihilangkannyo dana bantuan korban gempa Sumbar oleh pemerintah pusat, ambo ingin batanyo, kiro2 apo lo dampak makin banyaknyo Datuak/Penghulu awak nan tingga di rantau terhadap pembinaan dan pengawasan ka sanak kamanakan nan tingga di kampuang? Datuak2 awak nan di rantau ko, apokoh datuak di kampuang nan tapaso marantau? Atau urang rantau nan diangkek jadi datuak? Karano datuaknyo lah di rantau, tantu kampuang lah bak kato anak kamanakan se lai. Baa kiro2 tanggapan dan pandangan urang palanta. Ado ndak pangaruah datuak di rantau ko jo makin goyahnyo ABS-SBK tu? Kok ado nan tasingguang ka naiak, talantuang ka turun, ambo minta maaf. Wassalam, Syaf AL 48/Tingga di Bogor Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
