Sanak Palanta Sekedar ota-ota se....tadi untuak keperluan mampaketek sarawa, kiro-kiro jam 10 pagi ambo alah nongkrong di tukang permak. Lapau jaiknyo alah babukak, tetapi urangnyo indak nampak. Pas ambo tanyo-tanyo, ditunjuakkan urang inyo sadang minum kopi di kadai kopi dimungko. Ambo samperin dan manyampaikan mukasuik ambo untuak mampaketek sarawa ambo. Keceknyo, tunggu sabanta da, ambo minum kopi dulu. Baliak ambo ka kadai jaiknyo, sambia manunggu-nunggu ambo baco-baco sobekan koran nan ado disinan. Alah satangah jam mambaco koran bakeh, alah agak gelisah saketek, ambo jinguak jauah tukang jaik ko, ternyata liau masih mangopi sambia ma ota-ota, bakapuasuang asok rokok nan nyo ambuihan. Ambo sabakan diri untuak manunggu sejenak lagi. Alah sampai jarum jam mandakek ka angko 11, ambo putuskan untuak pai, mancari tukang permak nan lain. Pas ambo tagak, manyelutuk seseorang urang awak pulo, "mungkin inyo indak paralu pitih doh da ! ". Sambia galak-galak masam ambo tinggakan kadai itu mancari nan lain.
Sampai di satu kadai, manyambuik seorang apak setengah baya, dengan sigap liau mangarajokan permintaan ambo. Dek mancaliak itu, tapanciang pulo ambo untuak mancaritokan parasaian ambo di cuekin pagi ko. Baa pulo ka maju tu yo pak, kadai babukak jam 10, minum kopi sambai maesok-esok sampai jam 11, maoyak masin 1 jam, alah tibo pulo maso makan siang....ondehhhh...baa pulo ka maju tu yo..... Nan apak ko galak-galak nabi se. kudian liau curito ka ambo, partamo kali liau maninggakan Piaman, pasca PRRI tahun 60an. Pailah baliau ka Tanjuang Pinang ma adu untuang. Naiak kapa sayua dari pasa pusat Pakanbaru. Dek untuang jo parasaian, pindah-pindah kotalah baliau sampai kemudian terakhir balik kumbali ka Batam. Tahu sanak apo modalnyo.......modalnyo hanyo "guntiang" dan kemampuan manjaik. Ondehhhhhhhh yo palajaran hiduik bana untuak mahadang parantauan. Salam andiko -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
