ONDEEEEEEE - ONDEEEEEH Tasabuik ondeee – ondeeeh Tadanga ampiah saireh Tapi kok di ireh ireh Sangat babeda jaleh
Kok onde-onde ka ubek padeh Tapi kok ondeeeh – ondeeeh Ikolah ratok anak mandeh Manarimo sesuatu nan ndak pueeh Banyak carito jo ciloteh Nan tinggi ruok pado galeh Kelas bawah kelas ateh Hampia sabaleh duo baleh Sajak ditahun duo ribu sabaleh Nyampang dicaliak tadeh tadeh Dikubak kulik dikalupeh Dipandang isi jo tareh Taraso dunia makin paneh Kahidupan makin kareh Ekonomi makin ndak segeh Banyak urang ba ereh ereh Dicaliak pimpinan di ateh Lah bak cando kambiang lapeh Isi parak licin tandeh Asa badaun abihnyo kumbeh Ndak tantu kunyik jo sipadeh Antah sarai antah langkueh Daun kopi jo daun teh Sampai sampai jo daun cangkeh Urang lah panek malateh Parak jaguang parak naneh Parak ubi parak taleh Parak kacang parak kambeh Tanaman urang sadang boneh Lamak sajo awak manabeh Main tabang main pangkeh Samo bana jo baribeh Banyak nan jadi silangkaneh Tukang asuang tukang kipeh Mabuak manyindia jo mangieh Aka kurang muncuang cipeh Kasalahan urang nyo kakeh kakeh Kasalahan sandiri ndak nyo abeh Nan ado cibia jo cimeeh Bantuak baruak di sangeh Mabuak bateori di karateh Praktek nyo ba ereh ereh Lah hanyuik barunyo pinteh Lah putuih baru ba uleh Tantara polisi makin ganeh Bak cando kandiak tagoreh Bantuak awak sajo nan dareh Sok jago sok tangkeh Satpol PP jo upeh Sadonyo urang ka basimbeh Main usie main kueh Main lambuik main ampeh Urang nyo sangko ageh Nyo anggap kecoak jo lipeh Main tindiak main tindeh Yo sabana reseh Lah jaleh urang manggaleh Mancari saliter bareh Mangumpukan uang receh Hiduiknyo sajo lah takapereh Lamak sajo nyo marampeh Indak ba indang jo batareh Indak ba hinggo jo babateh Main guluang main kameh Urang lah panek mamapeh Mamanciang di tabek laweh Ba hujan jo bapaneh Nyo tingga mancakau dlm limeh Kok taragak jo ikan ameh Ingin mambuek asam padeh Nak iyo pulo jo sayua lodeh Cubo dulu lah bakureh Ondeeeeeeeeeeeee mandeeeeh Dasar baruuuuak bagarambeh Nan ndak peranah maraso pueeeeeeeeh Sabalun hidungnyo bakapeh… By.Yanto Jambak. Pada tanggal 30/11/10, yantojambak <[email protected]> menulis: > ASS. Dunsanak palanta dima sajo. Babarapo hari nan lalu ambo mambaco salah > satu tulisan dunsanak kito nan mangaritik tentang pemakaian bahaso dan namo > didalam ota kito kasaharian, disitu disampaikan juo babarapo diantaronyo > tentang pamakaian kato kato diantaronyo : GALADHIA, KHATUMBHUANG, KANCHIANG > dll,yang intinyo tantu bak kecek rang tuo awak juo, ibarat buruang, jan > sampai pulo mamberaki katinggiran sendiri.tapi dibaliak itu ado pulo nan > harus kito syukuri karano begitu banyaknyo ragam bahaso nan manganduang > arati nan samo nan lah manjadi koleksi bahaso awak tantunyo. Barikuikko ambo > cubo pulo manambah nambahi babarapo diantaronyo, dengan harapan dunsanak > tingga manambah dan mangomentari tantunyo. > > > > SAMO BAPIKIA > > ( palanta IV ) > > > > Jikok diagak jo dipikia > > Satiok insan di dunia > > Mungkin lah untuang jo takadia > > Watak jo sifat ganjia ganjia > > > > Ado CADIAK ado nan PANDIA > > Ado BIJAK ado nan GALIA > > Walau jaraknyo bagitu ampia > > Bak cando ampiang jo karambia > > > > Nan CADIAK pandai main ayia > > Tau dima nan lincia > > Walau ka bara gadang banjia > > Nan badan capek dipinggia > > > > Mambuek umpan di ujuang kayia > > Kadang kadang jo buah sampia > > Buah anau buah tandikia > > Takicuah juo ikan mujayia > > > > Akanyo labiah dari kancia > > Tau jo bunyi uwia uwia > > Tau bana nan bunyi badia > > Pandai ma ilak jo manyingkia > > > > Trik santiang taktik nyo mahia > > Indak ameh bungka nyo kilia > > Abih dindiang ganti jo tadia > > Layia lapuak ganti jo tabia > > > > Kok nan BIJAK ikaranyo mulia > > Mangaji batin jo lahia > > Tau di sah dengan batia > > Sabalun awa mangana akhia > > > > Mambagi sasuai mahukum adia > > Tau di sumpah dengan satia > > Jaleh jo urek ka takilia > > Tau dima nan kalimusia > > > > Ibarat puyuah indak bajangkia > > Tau jo tampek ka batinggia > > Jaleh pilatiang ka malapia > > Tau bana samak nan ganjia > > > > Walau ka bara kuca kacia > > Lari ka mudiak lari ka hilia > > Tatapnyo tabang tabang ampia > > Ingek jo talua ka ta icia > > > > Sa ukua sadah jo gambia > > Disinan siriah manyirah bibia > > Babeda salendang jo talisia > > Nan ma kamanjarek lihia > > > > Kok PANDIA acok tasialia > > Tagaliciak tagalincia > > Badan gadang jalan gabia > > Bantuak anak alun balia > > > > Samo sajo tadah jo cipia > > Indak babeda teko jo cangkia > > Kadang lah jaleh itu karayia > > Masihnyo rameh nyo amia amia > > > > Kok condoang indaknyo tumpia > > Lah jaleh tagak nyo jungkia > > Main tungok main tuwia > > Dima indak ka tasungia > > > > Banyak karajo nan mubazia > > Kakok banyak ndak ado hasia > > Dek kurang jalan kincia kincia > > Umpamo bendi ndak ba kusia > > > > Karajo sibuk monda mandia > > Bak cando kureta lansia > > Ka mudiak kosoang ka baruah nihia > > Indak bapanumpang jo pasisia > > > > Samo sajo sasak jo samia > > Indak babeda bisua jo kutia > > Indak balain gombak jo kuncia > > Samo sajo karambia jo bungkia > > > > Kok disabuikkan nan GALIA > > Laku bak cando kuciang ayia > > Muluik busuak muncuang anyia > > Parangai bak gatah cayia > > > > Bajanji biaso mungkia > > Dilua pakek didalam ma ilia > > Dilua licin didalam ba ulia > > Tingkah sasek laku jaia > > > > Ba hutang jarang mambayia > > Pitih banyak tapi kikia > > Ma agiah pantang mamintak tagia > > Parangai bak cando kuwia > > > > Nan jauah nyo pa ampia > > Lah dakek nyo gutia gutia > > Lah dapek nyo pipia pipia > > Urang talengah masuak kampia > > > > Lidah tajam muncuang nyinyia > > Gilo cimeeh jo mancibia > > Mabuak mangieh jo manjijia > > Suko manyingguang jo manggisie > > > > Harato banyak mangaku fakia > > Mangaji santiang lupo jo zikia > > Mungkin kah iko nan urang kapia ? > > Nan jaleh tantu bukan GALADIA > > > > Tulisan nangko kok manyindia > > Masuakkan sajo dalam buntia > > Banamkan dalam pasia > > Usah manjadi buah pikia.... > > > > Usah pulo di cukia cukia > > Yanto Jambak hanyo tukang ukia > > Jan sampai pulo ambo di usia > > Iko di ambo nan manggigia > > > > , > > 21052009 <mailto:[email protected]> [email protected] > > Gurindampusako.blogspot.com > > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
