Dicaliak tanggal mambuek gurindam khas gaya Mak YJ ko ..yo angek2 bana tahidang..galak-galak sengeang sambia maangguak-angguak ambo mambaconyo salosai
iyo lah..Mak YJ..taruih lah berkarya disesuaikan jo isu dan topik di RN ko nan cukuik angek di bahas dek gurindam ko diakhir kato kalimat "ai"..nampak e di bali tu memang sarawa urang lah banyak nan tagurajai Wass-Jepe ________________________________ Dari: yanto jambak <yantojam...@gmail.com> Kepada: RantauNet <RantauNet@googlegroups.com> Terkirim: Kam, 9 Juni, 2011 12:46:24 Judul: [R@ntau-Net] PUISI SAKIK GIGI Dunsanak sapalanta Yth..mambaco tulisan nan bajudul Puisi Anak Bali…iyo agak tagarak loh hati,nak sato sakaki,ikuik partisipasi,sakadar palamak bunyi,bak lagu ka ganti tari,kok lai ta nikmati, sakadar paredam emosi,karano sasungguahnyo nan tajadi,caritolah lamo ampia basi,hanyo kini kito angek angeki.ka kawan sambia minum kopi.. PUISI SAKIK GIGI Wahai kalian anak pantai Mandanga carito nan ba urai Lamah rasonyo sandi jo tungkai Sabatang tubuah jadi lunglai Apo lai nan amai amai Sarato jo biyai biyai Ayie matonyo jatuah badarai Bak maniak jatuah ka lantai Suto balipek di karapai Basimpan arek jo kunci rantai Jauah di ngangek jo anai anai Nak barasiah nyo di pakai Kini itu nan bakusai Bajamua ba pasangai Bacaliak an ba angai angai Di nan rami baparenai Katiko tibo ambek jo sewai Langkah kaki urang tungkai Baru ang heboh basironsai Tasingguang labiah bak kanai Kalian bana nan indak salasai Karajo banyak batikai Mancibia manjujai jujai Bahkan mang gemai gemai Bak anau mangaja sigai Cando karambia mancari tupai Baju sarawa nan ba ungkai Bak cando urang gilo rantai Manga angin nan ba samai Kalau takuik manuai badai Usah lah taruah di intai Kalau badan takuik kanai Buliah sajo baparangai Kok ka manari ka barandai Kabajamua ka basangai Sarawa kok indak ka bapakai Tapi dibaliak kalambu jo tirai Didalam koridor jo bingkai Bukan di tangah balai Atau di muko urang ramai Buliah laku babagai bagai Tapi cocok jo sasuai Alua jo patuik nan dipakai Saragi indak baginjai Ibarat makan jariang jo patai Angok wak surang nan baun bangkai Tapi urang sato lenyai Dek mahangok di lua kadai Kok nak ka jadi simpai Laweh rimbo di mentawai Atau di rimbo pagai Atau di rimbo anai Kok nak jadi ula bidai Bajamua lah di anak sungai Banyak lambah jo ngarai Silahkan nak barangkai Di kami ado kubu jo sakai Tapi tau jo parangai Ndak bak cando gilo kanai Batilanjang malangkah gontai Untuak niniak mamak jo tungganai Ulama jo kiyai kiayai Sarato inyiak labay Ibu Bapo sarato amay Nagari kito lah ta gadai Lah urang lain manguasai Bak cando tingga di gurun Sinai Lah saliang bantai mambantai Dulu nyiur malambai Kini bak di Hawaii Hak azazi nan ba pakai Bialah nak nyo rasaii Usah di upek di kalapai Lah nyato kito nan lalai Kurang acuah kurang abai Kurang didik kurang bilai Anak bamanjo bajujai jujai Mabuak babadak jo bakasai Sikolah maleh mangaji lalai Lah gadang jadi jablay Kurang tampi kurang ragai Lah samo jaguang jo anjalai Sipuluik jo bareh carai Simantuang basangko rambai Ibarat maramu gulai Mano kunyik mano nan sarai Samo sajo bawang jo kucai Disiko liyua bapetai petai Kok dicaliak di pasa kurai Dulu manggaleh lamang jo tapai Manjua ajik jo kalamai Karupuak jangek karupuak sanjai Kini urang manggaleh siomay Pizza hut jo puyunghay Kentucky jo capcay Punyo si Apek jo si Acay Babuah ratok amay amay Ibarat cikarau jo kumpai Kamalah badan ka manggapai Pucuak tangguang urek tagajai Di ateh galak badarai Mangamehi bea jo cukai Kwitansi indak bamaterai Dek ulah bamain cincai Pasa lamo nan nyo ungkai Nyo buek tingkek balantai Dek awak indak tagagai Kamanakan juo batambah sansai Apo katenggang ambai ambai Tiok di kakok ta bangkalai Malangnyo nasib tingga di pantai Lubang tagali di hoyak badai 09062011 Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
