Bung JEPE Jo Bung AL nan saranah satapian......... Alhamdulillah Nan kayo sungguah, Sehat bana nampak nyo tubuah Makan sapiriang duo tambuah Tandonyo salero sadang amuah
Mudah2an lalok bakaruah Tagang sado nan layuah Tagok sado nan rapuah Salero lapeh kabalakang lasuah Tapi di ambo ado nan rusuah Dalam ayie taraso bapaluah Bak paneh dihadang guruah Mamak ma angkek talalu jauah Disiko hati taraso lintuah Bak kecek urang damam puyuah Lahia sanang batin tagaduah Raso katabang nyawo jo aruah Kadang bak dapek durian runtuah Ibarat urang sadang bakayuah Mancarik tampek ka balabuah Mamak unjuak kan tali jo sauah Banyak goresan nan lah lusuah Sajak di tahun delapan puluah Judulnyo banyak dan sambuah Babagai kasah dan kaluah Tapi rang caliak dari jauah Bak manampak kain karuah Lai dibaco acuah tak acuah Bantuak ndak ado bapangaruah Antah tulisan kurang manyintuah Ibarat urang panggua tabuah Maleh urang jago subuah Dek kurang kareh kurang guguah Luruih jalan ka payokumbuah Baranti tantang kelok ampuah Bak cando ayam kurang susuah Lah gamang mancaliak puyuah Di bao bana basungguah sungguah Sadang gamang mamak kok batangguah Bukannyo takuik ka takicuah Tapi takuik badan ka jatuah.... Niat manulih umpamo buluah Kok lai bisa ka jadi suluah Kok indak jadi pambuluah Bukan untuak ka panutuah Tapi dek urang kajadi palupuah Ka tampek karuang basimpuah Palatak an nan karuah2 Kadang tampek mambasuah basuah Disiko tajadi batuka ganduah Gadang jo ketek batuka imbuah Baganti galak jo languah Ka sia lai bakato aduuuuuuuuuuah... Tapi kok mamak sabana namuah Simak kan bana sungguah2. Sabuah ratok "kincia lusuah" Sakadar paubek rusuah..... (ciek diantaro 210 karya ambo) RATOK KINCIA LUSUAH Mandanga lagu rang payokumbuah Karangan anak rang batipuah Badan bak raso salah asuah Ulah banyak parangai ciluah Den inok manuangkan sungguah sungguah Dalam bana raso tamajuah Hati ibo jantuangden luluah Bak cando diri kanai tuduah Den cubo duduak basimpuah Den cuci kaki muko di basuah Den bao sujuik di sajadah lusuah Indak taraso ayie mato jatuah Manggigie sabatang tubuah Tanago hilang tungkai den layuah Kudarat seso batin den luluah Sumangat hilang utak den lintuah Takana maso nan den tampuah Takalo badan marantau jauah Sekitar tahun tujuah tujuah Sampai kini duoribu sapuluah Di urang kapa lah balabuah Lah turun muatan lah babongka sauah Di awak masih bakayuah Di salo badai hujan guruah Layie cabiak pandayuang rapuah Masin tuo kapa lah lusuah Cando kureta mandaki ampuah Nan kareh hanyo garuang jo languah Tanago abih salero amuah Bak cando ayam patah susuah Lah hilang taji nan ba ipuah Lah takuik mancaliak puyuah Sayok patah kaki lah lumpuah Kukuak ndak lai tadanga jauah Ka tabang sangkak lah runtuah Ka hinggok paga lah rubuah Rawan murah gigilah ngunguah Pitih abih taragak tumbuah Indak lai tatampin taruah Dinan kalam hilang suluah Kini bak cando kincia lusuah Lai tagak di banda sapuluah Disalo parik pincuran tujuah Dikelok lurah ujuang labuah Kok gadang bana ayie nan jatuah Sauak sauak indak lai marangkuah Jari jari banyak nan rapuah Mangkonyo indak kunjuang kayuah Antah dek gomok nan lah karuah As tu bana nan lah kumuah Roda baputa kurang lasuah Baliang baliang acuah tak acuah Lai bana sumbu bapiyuah Tangan tangan amuah disuruah Bunyi maningkah cando tabuah Bak cando urang mambalah buluah Tapiii dek alu bana nan lah layuah Panek manumbuak basimbah paluah Tanago abih sumangat panuah Jamua indak kunjuang tasintuah Lah latiah lasuang basimpuah Maharok bareh nak caruah Kok lai bana padi nan luluah Bareh sa incek atahnyo sambuah Tampian bana nan indak patuah Ayak jo niru lah basalingkuah Bacampua dadak jo bareh caruah Disiko badan raso takicuah Kini bialah den manjauah Ndak guno hati den bao rusuah Umua lah labiah limo puluah Iman sajo den pataguah Dulu salero lah basapuah Pantang makan ndak batambuah Tiok dapek tiok ba pupuah Tiok tampak tiok ba guguah Lupo amanat lupo pitaruah Indak tantu kaik jo sauah As alai batuka ganduah Bara sajo amuah ma imbuah Nan kanduang danga pitaruah Angin rado hujan kok taduah Usah disasah kain lusuah Colok puda ragi lah ruruah Bialah nak jadi kain kumuah Ndak usah lai di sintuah sintuah Batuang nan dulu lah jadi palupuah Ndak mungkin lai ka pambuluah Bukan karano somboang jo angkuah Denai ndak lai ka ma aduah Tak kuaso lai kasiah dirangkuah Niat elok urang batangguah Kada cegak tukak nan tumbuah.. Gata hilang kulik malapuah Tiok di uwok tiok kampuah Dima hati ndak ka lintuah Dari mugarik sampai subuah Tiok nan rimbun kanai tutuah Bialah nak disumpahi aruah. Rumah sudah tukang ba bunuah. Bulan limo tanggal tujuah, 07052010 Y.Jambak. > Mamak Yanto Jambak, Kanda Jepe jo Sidang Palanta nan dimuliakan, > > Satuju bana ambo jo usul Kanda Jepe tu, > > Tabikan lah buku pantun, gurindam, Mamak tu > > Wak pasan nanti agak duo, bak kato Da Jepe, > > " Tolonglah "tambuah ciek sakali duo" tu" > > Wassalam, > > *"alhaqirwalfaqir"* AnwarDjambak43-Pyk-Kualalumpur-Hp +6017 66 313 77-Sent by > Maxis from my BlackBerry® smartphone > > -----Original Message----- > From: [email protected] > > Sender: [email protected] > Date: Thu, 9 Jun 2011 07:18:06 > To: <[email protected]> > Reply-To: [email protected] > Subject: Re: [R@ntau-Net] PUISI SAKIK GIGI > > Mak Yanto Jambak > > He he tantu ngge (iyo) > Ambo sangai mansupor mandoronge > Sabana marede-rede > gurindam mamak palapeh uwe uwe > Ambo nan tasanda duduak mamepe > Jauh dari induak bare > Kok lai mamak indak ceke > Minta tambuah ambo baa nye > > Ondeeee > Mak Yanto..baa istilah urang makan dilapau ampera bia suok ndak tagantuang > bana basorak ka tukang sanduak > > "Tambuah ciek sakali duo" > > Makasuiknyo nan minta tambuah bara juo tetap dikecekan "tambuak ciek" tapi > bisa jadi piriang tambuahnyo datang sakali duo ka meja > > Co itu lo ambo, yo gak gantuang suok ambo Mak, tapaso duo sakali hidang > > Nan pertamo alah, mah ciek lai mak tambuahnyo, masuaka sebeang saketek yo :-) > > Cubolah Mak..kalai lai bisa bakandak sasuaikan jo topik korupsi nan angek di > palanta nan keceknyo "lagi apes lah, lagi sial lah, kanai karajoaan lah" > > Oh yo apo sado gurindam Mak Yanto ka dirabikan buku > > Kok alun tabikanlah bukunyo Mak Yanto > Gurindam mamak disampiang "batele-tele" banyak pasan moral takanduang > didalamnyo > > Nan mambaco taraso ringan, segar indak sakik kapalo dengan pilihan kato2 > mamak nan pas dan khas > > Ambo siap saketek banyak mambantu kalau sekedar pambali karate jo tinta > printer mancetak kumpulan gurindam mamak ko, bisa jadi di supor pulo di > komunitas RN ko nan alah banyak mampromosikan buku2 hasil karya membersnyo > > Okelah Mak Yanto, sadang tagantuang bana suojk ambo > > Tolonglah "tambuah ciek sakali duo" tu > > Wass-Jepe > 46Thn,L, Caniago, lagi di Sendawar KalTim > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: yanto jambak <[email protected]> > Sender: [email protected] > Date: Thu, 9 Jun 2011 12:45:54 > To: <[email protected]> > Reply-To: [email protected] > Subject: Re: [R@ntau-Net] PUISI SAKIK GIGI > > Heehee... > tarimo kasih bung JEPE,ateh support dorongane,iko hanyo ibarat kode,ibarat > bunyi sirine, walau carito marede rede,agak ba tele tele,bantuak alang2 > kede,sakadar malapeh uwe2,kaganti batuka mode,utk mamak2 kaum elite,nan lah > biaso makan sate,lah muak jo pecel lele,sakali2 kito agiah tempe,uwok > taruang tumih toge,saketek dagiang banyak galeme,memble tapi kece,gaya > p.esbeye. heheeeee..y.jambak. > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta > R@ntauNethttp://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat > di:http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan > di:http://groups.google.com/group/RantauNet/ > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta > R@ntauNethttp://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat > di:http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan > di:http://groups.google.com/group/RantauNet/ > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
