Sanak Palanta Malakik puaso biasonyo di kampuang ambo agak meriah, ado acara nan disabuik dengan "Makan-Makan". Biasonyo dirumah, urang gaek agak bausaho stek mambuek makanan yang istimewa yang kami nikmati sahari sabalun puaso, sampai ka sahur partamo. Biasonyo urang gak ambo mambuek ikan bakar, sedikit randang, sayua dan sambalado nan oke. Kalau pas hari Raba'a, jatuahnyo hari pasa, biasonyo dibali pulo dadiah, lamang tapai, langkok jo pisang kaliang dan ndak lupo pangek talua bilih Ombilin, kesukaan ambo. Kakek ambo biasonyo, basambua agendanyo pai mandi ka Lurah, tampek pamandian tradisional di kampuang ambo. Kadang liau bao beberapa alat balimau.
Nah bicaro soal baliamau, dikampuang ambo indak terlalu populer, nan populer yo makan-makan sambia berkunjung ka keluarga dan tetangga untuak bermaaf-maafan. Tapi mungkin 10 tahun terakhir, baliamu itu alah manjadi tren nan acok diulas di koran-koran dan mambuek sibuk para polisi mengatur lalin. Ramilah nan mudo-mudo ba honda-honda ka singkarak, ado pulo nan naiak oto bak terbuka sampai ka oto prah, nyaris seperti hari rayo. Di koran-koran, kadang ado himbauan jan menjadikan kegiatan balimau menjai kegiatan "maksiat terakhir" menjelang puaso ...he..he.., karena ado juo banyak urang nan curi-curi kesempatan diakhir menjelang puaso itu. Tapi tantulah itu prilaku oknum nan indak bisa mewakili seluruh nan mudo-mudo. Sebagian besar memang mahambua ka dalam Singkarak mandi-mandi, makan-makan dan pulang. Mungkin juo iko ekspresi mereka menyambut bulan puaso. baa tradisi maso sanak-sanak ukatu mudo-mudo, atau baa pulo tradisi sahari manjang puaso di tiok zaman nan sanak-sanak tahu dan alami, silahkan dicuaraikan panambah kazanah pengetahuan salam andiko sutan mancayo -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
