Assalamu'alaikum Wr Wb.. Iko ambo bagi pangalaman ukatu ketek ambo,
Di Bukiktinggi nagari Rang Kurai, biasonyo H-1 puaso tu iyo ado acara balimau. Tapi acara balimau ko iyo bana sabana balimau. Untuak palimaui ko juo banyak dijua dihari pakan pas ka puaso tu. Ambo alun pernah mambalinyo cuman nampak isi limauan tu mode rempah, limau jo bungo rampai. Bajua baonggok2 di Pasa Bawah jo Pasa lereang. Adolo prosesi jalang manjalangi sasamo bafamili badunsak. Nan rutin datang rantang baisi makanan adolah dunsanak Mama jo kamanakan2 papa. Isinyo mulai dr paliang bawah adolah nasi, randang, goreng ayam balah ampek balado sirah, paliang ateh raga2, kue bolu, lamang jo lapek sipuluik itam. Sudah tu adolo sasikek pisang gadang. Kalo Mama manjalang juo, rantang baisi pangek ikan rayo batalua, randang, raga-raga japang jo pisang sasikek. Nan maantakan ka rumah nenek biasonyo ambo jo abang naiak motor ka kampuang kami nan bajarak sekitar 7 km dari rumah. Musti babaju kuruang, indak buliah baju sambarangan, ambo ingek bana syarat Mama tu. Sanjo pas ka puaso tu sadonyo musti alah bakumpua di rumah. Sore-sore alah mandi sadonyo balimau di kamar mandi. Sudah tu duduak di tangah rumah manjalang mugarik. Mulai dari nan paliang ketek mintak mauh ka nan gadang. Pabilo sabalun no kami baru sudah barangak,sabana barek tangan ka dionyokkan ka dunsanak awak tu. Talabiah lo laih ka Urang Gaek. Taraso suasana magisnyo kalo dek ambo pas mauh2an di rumah tu. Kalau kini jo talepon bahkan kdg SMS se ondehh. Sasudah tu rami2 pai sumbayang musajik. Sasudah sumbayang pulang ka rumah, mangaji sahalaman duo halaman trus makan basamo. Kadang baimbau tetangga atau dunsanak nan barumah dakek untuak makan basamo dek samba balabiah karano hantaran-hantaran tadi tu. Sasudah makan langsuang lo bamaaf2an jo nan tibo sambia basiap2 ka musajik untuak Isya. Mode tu di rumah ambo sari. Wassalam Rina -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
