Assalamualaikuam, wr. wb Tarimo kasih sanak Yanto. Yo sabana rancak gurindamnyo. Izin Share yo...
Dari BALI MAU jadi BALI AU Babuek baiak sakiro-kiro, babuek buruak sakali ijan, ateh kudo latak palano, di kuduak latak pasangan babuek sesuatu nan baiak jo caro nan baiak bisa ditarimo urang jo baiak pulo. Ulama sakik kiay lah sakau, Niniak mamak banyak nan pakau, Nan tuo lah sato kakau, Suaro nan kareh kinilah parau, Kok tajam bana mato pisau, Hulu dek indak ba ambalau, Lah kalah silek jo kuntau, Dek ulah ganta jo anggau, Lah kurang sidiak kurang tinjau, Kurang caliak kurang silau, Lah tandeh rotan jo manau, Lah baganti sawit jo kakao, Banyak si Apek jo si Apau, Si Akang jo si Alauw, Ndak baluluak dapek cikarau, Dek kurang teliti kurang pantau, Antah cino antah rang macau, Dari Singkawang antah di sanggau, Antah lahie di hutan bakau, Ba Datuak indak babantai kabau, Dek lamak dendang tukang kantau, Lagu kalason sinar riau, Tangango urang di lapau, Tacampak godok mancaliak bak pao, Taserak pical ulah kwi tiau, Tumpah cindua manampak cincau, Batuka kalabu jadi hijau, Mancaliak taba onggok ampao, Tagadai salapah dek timbakau, Batuka siriah jo kalayau, Galak tasengeang buruang bangau, Mancaliak kaluih di alah pantau, Maratok lawang ka maninjau, Lah hilang paga jo ranjau, Apo katenggang anak kabau, Tabu rang ganti jo tibarau, Manangih Tandikek jo Talamau, Rimbo lah tandeh urang sasau, Kok lai bana tumbuah anau, Saga lah kalah jo duri limau, Iko dek ulah laku parangai BALIAU........................ Tapi kabaan juo lai..... tasarah ka baliau-baliau tu se lah. 29072011. Y.Jambak Wassalam, ~ 3vy Nizhamul~ (Kawasan Puspiptek, Kota Tangerang Selatan) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
