Assalamualaikum warahmatullahi wabarakatuhu Angku Patiah, Sabana tanyo nan rancak dan dalam pangjianno. Mistino dijalehkan dek Suluah Bendang kito di Lapau ko. Tapi karano indak ado nan mangatangahi (dimaa lah Buya Mas'oed, Angku Ridha, JoBuyuang, dll nan ahli di bidang ko). Sadangkan Ustaz St. Sinaro lah taruih sajo jo kaji baliau ka nan ka-4 jo nan ka-5 dikatangahkan sakuduang-sakuduang tanpa ado threadnyo ka nan sabalunnyo sahinggo sulik ditalusua.
MakNgah khawatir kok tanyo Angku Patiah ko ka takaduduak-i sajo saroman uranggaek2 awak maanyam lapiak di Canduang, nan ma nan sudah bakaduduak-i sajo, bialah MakNgah mancobo-cubo manyigino sketek. Dalam keredupan Lapau ko mananti babuko di Rantau Jauah di Subarang Lauik, MakNgah bawo togok minyak manih, minyak masak Talago harum kasayangan MakNgah spesial dari Talago, Pek Mudiak. Saroman kito katahui basamo Allah adolah namo (proper name) Tuhan kito Kaum Muslimin, Indak ado namo Allah (proper name) tu dapek ditarjumahkan ka Bahaso-bahaso lain. Asa katono dalam Bahaso Arab ilaahun nan aratino tuhan, sacaro umum. Akar kato ilaahun adolah alif lam ha. Kalau di muko ilaahun itu dipasang definite article al (alif lam) , mangko ejaanno manjadi (diijo ciekciek jo spasi): a l i l a a h u. Tapi, dalam mamasangkan definie article al tu i manjadi hilang, sadangkan l (lam) mandapek tando syaddah sahinggo lam no manjadi duo l l, sahinggo manejelma manjadi a l llaa hu nan tampak sajeleh-jalehe di awak dianggap tigo lam-no, lll. Tapi, Lam nan partamu sabana lam, nan kaduo jo katigo lam pakai syaddah. Nah, dalam Bahaso Arab huruf-huruf ko dibagi duo golongan, 1. Huruf Syamsiyah (Sun Letters, Hufuf Matoari dan 2. Huuf Qamariyah (Moon Letters, Huruf Bulan). Dalam golongan Syamsiyah, kalau alah diagiah defininie article al, hufuf l itu indak dibaco indak diucapkan, tapi langsuang maloncek sajo ka huruf awal kato nan lah diagiah syaddah tu. Contoh: al sysyamsu, lam ditinggakan mambacono, dilompek-i manjadi asysyamsu. (Balain jo golongan Huruf Qamariyah, al qamaru misti diucapkan jaleh-jaleh l (lam)no manjadi alqamaru). Nah babaliak ka kaji cako, a l ll aa hu, (nan tamak tigo lam tu) mangko l (lam) nan partamu indak ducapkan sahinggo lam nan tigo tu dianggap duo sajo dan ditulih duo sajo manjadi allaahu. Sakitulah aka nan dapek dek MakNgah mangatangahinyo sabagai calak-calak ganti asah. Mudah-mudhan ado ustaz-ustaz da ustazah-ustazah, Suluah Bendang di Lapau ko kito ko nan ka manjalehkan labiah langkok, kok ado salah khilafnyo mambatuakanno sahinggo kito dapek baraja basamo-samo di bawah Lindungan dan Bimbingan Allah Subhanahuata'ala. Amin. Salam, -- MakNgah Sjamsir Sjarif Di Tapi Riak nan Badabuah Sadang manunggu iftar 3 minik lai. Santa Cruz, California August 8, 2011 --- In [email protected], "St Parapatiah" <parapatiah@...> wrote: > > Mak Ngah: > > " Innalaaha kahilangan lamnyo ciek karano namo Allah ado tando syaddah di > ateh lam" > > > > Patiah batanyo: > > Dalam bahasa Arab Allah ado 3 lam no, baa mangko dalam bahasa Indonesia jadi > 2 lam no, ado nan bisa manarangkanno. > > > > Salam > > Patiah > > > > > > From: [email protected] [mailto:[email protected]] On > Behalf Of sjamsir_sjarif > Sent: Sunday, August 07, 2011 2:11 PM > To: [email protected] > Subject: Re: [R@ntau-Net] Allah Tuhan kami (3) > > > > Assalamualaikum warahmatullahi wabarakatuhu, > > Tarimo kasih kajinyo Ustaz St. Sinaro > > Mungkin ado nan lain-lain, tapi sapinteh lalu dalam satu ayat di bawah tu > ambo caliak dalam transcribingnyo ado typo, Innalaaha. > > > Innalaaha laa yaghfiru ay yusyraka bihi wayaghfiru ma duuna dzaalika limay > yasyaa', > > wamay yusyrik billah faqadiftara itsman 'azhiima (An Nissa, 48). > > Innalaaha kahilangan lamnyo ciek karano namo Allah ado tando syaddah di > ateh lam, jadi misti ditranscirbed duo lam manjadi Innallaaha. > > Mungkin babeda caro transcribing, bihi tu dalam Arabic Textnyo ado kasrah > dan bacuneh pulo ka bawah saketek manjadi duo ukuran, biasonyo tampak di > ambo ditrancribed manjadi bihii. > Mungkin juo babeda caro transcribing, billah ado kasrah pulo di bawah h nyo > tantu seharusnyo ditrascribed manjadi billahi. > > Maaf sakadar batanyo dan minta panjalehan dimaa bedanyo. > > Salam, > --MakNgah > Sjamsir Sjarif > August 6, 2011 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
