Ondee takana di ambo si Ican, tabayang gambar kami balimo katu Katam Qur'an 1985 di Iukua Labuah, Koto Tuo, jo Ican, Tuan Jabir, Mustamir, Un. Ican nan tinggi samampai tu kini bakuduang kakino... karano asam urek [?] ba lah kini tu kaadaanno eh? Rupono labiah baduo jo batigo dunsanak awak di Lapau nan marasokan panyakik asam urek ko. Karano tasabuik pulo salain sabab-sabab pangaruah diet tu ado pulo masalah genetikno, rancak juo diparatikan anak-anak awak labiah dini kok ado gejala-gejala tu pado mareka.
Sabanta ko alun salasai mambaco postiang Angku Lembang, ambo taranti, karano ado lo talipon dari doktor di Philadelphia, Pensylvania nan pasienno mamparagoan pagalangan tanganno sakik-sakik bangkak, alah saminggu kecekno. Sudah sagalo tanyo, ambo tarjumahkan, dotor tu minta manunggu sabanta pai ka kamar dotor surang lain lai untuak konsulatansi. Sudah tu mareka baliak baduo mangatangahkan masalahno ka pasien. Kecekno, antaro lain-lain, tampakno paralu disuntik. Sasudah 24 - 48 jam kito caliak hasilno. Mudah-mudahan elok, kecek mareka. Tapi,... kalau indak, mungkin kito tapaso manjalani operasi untuak mancaliak baa kaadaan dalam joints di pagalaganan tu. Mandanga ka diporasi tu pasian tanang tadiam, ambo manunggu untuak mantarjumah di talipon. Ambo kecekkan ka dotor, mungkin tanang tu, karano bagi pasien, labiah-labiah bagi urang indonesia sarupo juo jo ambo, kato operasi (dibadah) do, agak gadang aratino. Dalam percakapan penterjemahan tu, dotor indak mambari tahu kalau-kalau itu asam urat pulo. Cuma ambo badatak hati kalau-kalau masalah itu dibicarokan antaro mareka (dotor-dotor tu baduo) baganjua tadi. Salam, --MakNgah Sjamsir Sjarif Sept 29, 2011 --- In [email protected], Muhammad Dafiq Saib <stlembang_alam@...> wrote: > > Assalaamu'alaikum wa rahmatullaahi wa barakaatuhu > > Angku TR, nyiak Sunguik sarato sanak sa palanta' > > Ado ciek lai pantanganno, yoitu santan karambia. Iko pun capek bana reaksino. > > > Kalau angku TR suko jo gulai limpo, di ambo nan agak taibo bana hati, ambo > sangaik bana suko jo maco bulek. Maco arai kadang-kadang disabuik urang. > Baiak nan digoreang kariang dikinco jo karupuak kapelo (samba populer urang > Kurai) atau dibuek maco tanak (gulai cangkuak tadanga di ambo disabuik > samantaro awak). Kirono iko kelas barek. Capek sampai pasan asam urek tu > kalau tamakan. > > > Ado lo sakali wakatu anak ambo manggoreang ikan selar jano namono. Ikan lauik > tapi nan basah. Disangko kok lai ka aman dek ikan basah. Makan pukuah > sapuluah pagi. Ka pai sumbayang luhua alah taraso kaki mandanyuik-danyuik > (kudian-kudian ko kaki lai nan acok kanai), tapi lai sampai juo ka musajik. > Katiko ka sumbayang asa, indak talok jago lai dari tampek tidua. Dalam hal > sarupoko ado ubek pailang raso sakik ditunjuak-an dotor. Diminum ubek panahan > raso sakik tu, dalam tempo 12 jam amuah kaki dibao bajalan baliak. > > > Babekam alah lo ambo cubo.Batusuak jarum jo sinshe alah panah pulo. Asam urek > ambo tu bakisar antaro 10 jo 12. Tarakhir bana sakitar 4 bulan nan lapeh 9. > Antahlah kalau kini. > > > Ado konsi nyiak Sunguik bana di kampuang, da Ican Gantiang, bakarek kaki > inggo batih kaduono. Jano itu akibaik asam urek tu dulu pangka balano. > > Wassalamu'alaikum, > > > Muhammad Dafiq Saib Sutan Lembang Alam > Suku : Koto, Nagari asal : Koto Tuo - Balai Gurah, Bukit Tinggi > Lahir : Zulqaidah 1370H, > Jatibening - Bekasi > > > ________________________________ > From: "taufiqrasjid@..." <taufiqrasjid@...> > To: [email protected] > Sent: Thursday, September 29, 2011 8:19 PM > Subject: Re: [R@ntau-Net] Ubek Asam Urek > > MakNgah.. > Ambopun salah satu penderita panyakik iko > Walau alah labiah sapuluah tahun tiok dipareso hasianyo sekitar 11-12 > > Baru awal tahun iko mato kaki ambo bangkak, lumayan sakik dibao bajalan > > Sesudah babarapo kali ka internist nan kurang manjur taraso... > > Ambo pai ba bekam. Ado duo titiak disekitar nan bangkak itu dikaluakan > darahnyo > > Lumayan juo..hilang sagalo raso sakik itu > > Ambo bajalan normal baliak. > > Jadi sasudah makan kalio limpo, kok bangkak kaki tu > > Bao sajo ba bekam...memang biaya bekam labiah maha dari sapiriang kalio > > Sesekali kok taragak bana. > Apa boleh buat he..he > > ---TR -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
