Astaghfirullah Al Azim. Allahu Akbar.
Tarimokasi dan maaf dari ambo bake Kamunakanmbo Dewis Natra. Salam ambo buek 'Da Salius nan antah dima baliau kini. Mohon maaf, karano ambo talalu barani mangatokan urang nan masih hiduik manjadi alah maningga. Sakali lai, maafkan Dinda m.m, Tan Sati. Ambo manulih tadi, taruih tarang hanyo bardasarkan memori ingatan samato-mato. Nan jaleh, kalau ado urang awak nan mampasabuiakan mingguan Singgalang di tahun-2 awal kalahiaannyo, tibo-tibo sajo 'darah jurnalis' ambo jadi manggalagak baliak. Soalnyo, di tahun 1969-1971 tu, ambolah satu-satu panulih paliang mudo (ukatu tu baru baumua 15 tahun) dari Bukiktinggi nan paliang gilo manulih di Singgalang. Kutiko ambo masih di STN Lambau dan STMN Padangagmuak, ambo sabana diagiah hati dek Nazif Basir St. Pamenan, Salius St. Sati dan Nasrul Siddik St. Mangkuto manulih artikel khas minangkabau dan cerpen-2 nan ambo tulih babantuak gurindam malalui rubrik "Kaba Rang Kini". Tapi...., kapindahan Papa kami ka Jakarta mambuek dunia tulih manulih di Singgalang ambo tinggaan. Kahidupan di Jakarta nan kareh dan mambutuahkan urang-2 nan tageh mambelokan ambo manjadi "the jurnalist of seamen". Kamudian alah bakumpua pulo jo kawan-2 lain dari GR Bulungan (JktSel), GR Otista (Jkt Tim), GR Kiyai Tapa (Jkt Barat) dan sakali-kali bakumpua jo senior-2 di TIM Cikini, lamo kalamoan ambo indak maikuiki lai kalanjutan kawan-2 / kakak-2 di Singgalang Padang. Nan ambo tahu, kapindahan ambo ka Jakarta (Okt 1970) indak lamo kamudian diikuti dek 'da Nazif Basir nan ukatu tu sabana sadang gilo-2-nyo "making love" jo panyanyi (Diva Minangkabau) Elly Kasim. Ukatu tu baliau tingga di Jl. Kembang Pacar No.29 (di balakang bioskop Rivoli) Kramat Raya Jakarta. Jo Da nazif Basir "Si Palimo Alang Bangkeh" kadang-kadang kami lai juo basuo. Tarutamo, kalau ado urang awak di Jakarta nan baralek gadang, kalau "EO" Elly Arts dipanggia mauruih MC sampai ka hiburan ala Minangkabau, biasonyo ambo sempatkan manyalami Sutan Pamenan ko. Dan, disiko pulolah kadang-2 tajadi reuni kami jo 'wartawan senior minang" lainnyo nan dikenal banamo Juss Parmato Intan (0812 848 7995). Sakian sajo siso nostalgia dari ambo. Salam buek sanak keluarga Tan Marajo di Tangerang. Muchwardi Muchtar Sutan Rangkayo Kaciek Lk-2; >50; Bks.. ________________________________ From: Dewis Natra <[email protected]> To: [email protected] Sent: Wednesday, October 26, 2011 1:52 PM Subject: Re: [R@ntau-Net] Re: Memorizing an Indonesian Legendary Painter: Delsy Syamsumar Mak MM, Nan Salius St Sati, alun maningga lai mak, masih jalan mamak jo ambo, salius St Sati jo Delsy badunsanak ibu. baliau kini tingga di ulak karang padang, mangelola percetakan. Kalau nan mamak ambo ko Delsy Syamsumar iyo bana mak MM, hiduik agak urakan, marokok sabana kancang kadang dek asyik malukis kuas bagai nan masuak ka muluik. carito nan ambo dapek. Babini kancang juo, nan kami pihak keluarga nan tahu bini nyo lai 5 urang dan anak 9 urang. Zaman suksesnyo thn 60 an keluarga di boyong ka jakarta sadonyo manatap di rumah baliau nan sakaligus jadi sanggar Menteng, ibuk ambo SMP di Jakarta. dek Gestapu keluarga baliak ka kampuang sadonyo baliak. Idealisme samo parangai nan suko ka induak2 iko nan mambuek kehidupan di akhir hayatnyo cukuik manyadiahkan, nan kami kamanakan2 baliau baru sadang mulai manapak baru, sahinggo keinginan baliau untuak mambangun sanggar di kampuang indak bisa tawujud. terakhir baliau maningga di sanggar cimanggis, istilah kawannyo mancari tampaik sunyi untuak malukis ka pinggiran jakarta. Rumah menteng tergusur dan ganti rugi dibangun rumah untuk istri pertama dan anak2 di Klender sedangkan beliau mengontrak rumah di cimanggis. Is St. Marajo, 42an, Sikumbang, Sungai Pua, Tangerang www.cimbuak.net #KAMPUANG JAUAH DIMATO DAKEK DIJARI# Blog : http://urangminang.wordpress.com http://palantaminang.wordpress.com 2011/10/26 muchwardi muchtar <[email protected]> MakNgah basarato Sanak lainnyo. > > > >Katigonyo alah lamo mandahuli awak. >Tantang Salius Sutan Sati (nan manabikan mingguan Singgalang 1968, batigo jo >Nasrul 'BIRUGO' Siddik Sutan Mangkuto dan Nazif 'BALINGKA' Basir Sutan >Pamenan) hanyo sabanta di Batawi. Baliau labiah tafokus ka koran baliau >(edisi Minangkabau) nan ukatu tu laku bana di komunitas urang awak di Sumbar >dan di Parantauan. Bayangkan, dari koran mingguan mulai tabik satiok Sabtu >manjadi duo kali (Rabu dan Sabtu).. Dan.... kutiko ambo alah larek di rantau >(1970an ka ateh) ambo danga koran urang Agam tu alah manjadi koran harian. >Bahkan, kini satu-satunyo surek kaba di ateh dunia nan indak dapek >dikontaminasi (dipujuak, ditipu, diasuang siasah, dll , dst) dek pamodal kuaik >(Yahudi) untuak digiriang majadi koran daerah tapi mambaok suaro JIL atau >manuah-nuahan HAM. > > >Salam........, >mm***, > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
