Assalamualaikum ww pak Mochtar, bung MM, bung Al, bung Ephi, dan para sanak sa palanta,
Ambo ubah judul thread ko saketek, supayo cocok jo isinyo. Masalah nan diajukan dek bung Al dan ditanggapi dek pak Mochtar, bung MM, dan bung Ephi mungkin takaik jo apo potensi dan kendala dari RanauNet -- nan baanggotakan kl 1.700 urang ko -- sebagai ' pasa gagasan' kito urang Minang pado umumnyo, dan kito urang Rantau pada khususnyo. Sapanjang nan nampak dek ambo, potensi RantauNet ko adolah maagiah peluang ka kito sadonyo untuak batuka pikiran -- 'manjua dan mambali ' -- tantang sagalo masalah, dari nan ringan-ringan sarupo baa caro mambuek samba lado tanak sampai nan barek-barek sarupo ABS SBK atau NII. Tantu sajo salain kito manyampaikan pandapek kito surang, kito paralu juo mandanga mandapek urang lain. Kalau alun cocok. dilanjutkan wacananyo, kalau alah cocok dan batua, kito tarimo. Salamo ko ambo maangkek masalah ABS SBK, iyo sabana rami, baiak nan manarimo, manulak, atau mangoreksi. Sadonyo ambo tampuang elok-elok, indak ado nan ambo tulak. Kalau kito ingin masalahnyo tuntas, tantu indak di RantauNet ko tampeknyo. Paralu diadokan diskusi, seminar, kalau paralu kongres bana. Basamo jo pak Mochtar, ambo mambawo masalah ABS SBK ko ka Gebu Minang, mulonyo manyarankan diadokannyo Kongres Kebudayaan Minangkabau (KKM), tapi karano cukuik banyak nan indak -- atau alun -- setuju, mako diubah manjadi Seminar Kebudayaan Minangkabau Gebu Minang ( SKM GM), nan alhamdulillah alah bisa mambahas ABS SBK ko sampai salasai, sampai bisa dirumuskan buku Pedoman Pengamalan ABS SBK, nan kini nampaknyo lai mandapek sambutan nan agak rancak dari sagalo fihak. Alhamdulillah. Kendala RantauNet jaleh karano indak ado moderator untuak mangatur lalulintas sagalo macam wacana itu. Sebagai gantinyo, Urang Dapua alah mambuek 'adat salingka palanta' sebagai rambu-rambu, nan harus diparatikan dek sagalo nan ikuik dalam wacana RantauNet. Umumnyo ' adat salingka palanta' tu lai dipatuhi dek peserta. Tantu sajo sasakali ado nan indak patuah, sahinggo wacana jadi lego pagai. Kalau itu nan tajadi, mako jiko ado tujuah urang nan mausulkan, mako anggota nan basangkutan dikaluakan [ ' dicabuik akinyo' ]. Itu nan nampak dek ambo. Talabiah takurang mohon maaf, dan tolong dipeloki. Wassalam, Saafroedin Bahar Soetan Madjolelo (Laki-laki, Tanjung, masuk 75 th, Jakarta) Taqdir di tangan Allah, syukurnya nasib di tangan kita. >________________________________ > > >________________________________ > >From: muchwardi muchtar <[email protected]> >Sender: [email protected] >Date: Fri, 4 Nov 2011 00:26:02 -0700 (PDT) >To: [email protected]<[email protected]> >ReplyTo: [email protected] >Subject: Re: [R@ntau-Net] Taragak Mambaco Komentar Apak MN > > > > > > >Dinda Ephi & Dinda Al basarato Dunsanak komunitas r@ntau-net N.a.h. > > > >Ha ha haa.... >Ambo panah pulo mangomentari kurenah baliau soal disertasi Minangkabau nan >tampaknyo ka baliau paeloki baliak satalah maliek banyak parubahan nan tajadi >di Minangkabau di era tahun 2000-an. Sacaro taratur (panuah sistemik) baliau mangaluakan pamikiran sandiri malalui r@ntau-net ko. > > >Maliek umua baliau alah ampiang 80 tahun (lahia 1932 di Sungaipanuah, >Kurinci), dan alah bagala akademis Doktor (sosiolog), ambo malah mausulkan ka >baliau untuak mancaliak calon-calon Doktor (bukan Doto sarjana kesehatan) nan >ado di UNP, Unand atau UBH nan bisa dibimbiang dek MN manjadi Doktor Sosiolog >nan mambahas soal marantau dalam pola hiduik & kahidupan urang Minangkabau era >milenium. >(Kalau ide ambo nan bausulkan ka Pak MN ko dapek tawujuik, tantu alah tajadi >pola di kalangan akademisi, ilmuwan Minangkabau manyarahkan tungkek estafet bake adiak-adiaknyo nan sailimu). > > > >Meski manyangkuik ilimu indak dikenal kato rasan, tapi manyangkuik trend nan >tajadi, banyak nan bakambang di zaman ko nan indak cocok lai jo disertasi PhD >nan baliau sampaikan di Singapura (1973) kutiko Pak Mochtar Naim manjadi dosen >di UGM tu. > > >Tapi...., ka baa nyano awak. Komentar ambo tu indak panah baliau tanggapi atau >disambuik jo "surek listrik" pulo misalnyo. >Yeah............. > > >Salam............, >mm*** > > > >________________________________ >From: Ephi Lintau <[email protected]> >To: [email protected] >Sent: Friday, November 4, 2011 9:54 AM >Subject: Re: [R@ntau-Net] Taragak Mambaco Komentar Apak MN > > >itu tandonyo konsisten jo ilmu beliau pak Syaff..... >heheheh just kidding..... > >salam >Ephi Lintau > > > > > >2011/11/4 <[email protected]> > >Yth. Dunsanak di Palanta! >> >>Dek ambo suko maresek....ha...ha..., ambo ingin tahu lo baa mangko Apak MN >>(Mochtar Naim) jarang mengomentari thread dari dunsanak nan lain. Beliau cuma >>heboh jo ide dan gagasan beliau se. >> >>Padohal, kami butuh lo perhatian beliau untuk masalah dan hal-hal lain nan >>dilontarkan dek adi dunsanak di lapau ko. Mbok yo, sasakali sapolo lah kami >>ko Pak, sarupo Pak Saaf, Ajo Duta dan Mak Syamsir Sjarif nan di baliak bumi >>tu dan pituo-pituo nan lain. Ibo hati kami Pak. >> >>Talabiah takurang mohon maaf, labiah khusus ka Apak ambo, Prof. MN. >> >>Salam, >> >>Syaf AL >>Bogor >> -- > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
