Assalamu'alaikum wr.wb.
Kanda Syaaf jo dunsanak sapalanta.
Ambo sapandapek bana jo analisa POTENSI dan KENDALA RN kanda Syaaf ko.
Seyogyanyo Potensi kasado anggota RN ado moderator nan arif dan bijak tampil
sahinggo Potensi nan banyak tu manjadi sebuah potensi nan bamanfaat buek warga
Minangkabau baiak diranah maupun dirantau.
Memang satiok upayo mancari solusi nan rancak dan mulya selalu muncul Kendala.
Penyebab kendala, nan ambo tau dari training ESQ nyo Pak Ari Ginajar Agustian
ado 7 macam, Tapi baliau manamokan Kendala tu jo namo lain yaitu Belenggu Hitam
nan mamaga manusia manuju ka titik God Spot yaitu kebenaran Ilahiyah. Ka 7
Kendala /Belenggu Hitam itu adolah : 1. Prasangka Negatif. 2.Pengaruh Prinsip
Hidup. 3.Pengaruh Pengalaman. 4.Pengaruh Kepentingan, 5.Pengaruh Sudut Pandang,
6. Pengaruh Pembanding, 7. Pengaruh Literatur yang dimiliki. Kalau kito
berhasil manyingkirkan ke 7 Belenggu Hitam itu mako hati jo pikiran kito jadi
jernih dan peluang untuak mancari solusi terbaik akan didapek.
Kalau ABS-SBK alah manjadi Pedoman awak kasadonyo tantu sagalo Potensi dapek
disinergikan jo Kendala dapek pulo dihilangkan. Bilo baitu mako Rantau Net akan
samakin berbobot dan bamanfaat bagi saluruah warga Minangkabau. Bilo indak
baitu pandapek bahaso urang Minang itu susah bakarajosamo dan sanang samo-samo
bakarajo akan bakapanjangan taruih.
Maaf kalau komentar ambo ko indak tapek atau salah, tolong dibilai..
Wassala,
Asmardi Arbi Lk, 70, Kampai , Tangsel
From: Dr.Saafroedin BAHAR
Sent: Friday, November 04, 2011 7:26 PM
To: rantaunet rantaunet ; Mochtar Naim ; Syafruddin Al ; Yuhefizar Lintau
Subject: [R@ntau-Net] POTENSI DAN KENDALA RANTAUNET.
Assalamualaikum ww pak Mochtar, bung MM, bung Al, bung Ephi, dan para sanak sa
palanta,
Ambo ubah judul thread ko saketek, supayo cocok jo isinyo.
Masalah nan diajukan dek bung Al dan ditanggapi dek pak Mochtar, bung MM, dan
bung Ephi mungkin takaik jo apo potensi dan kendala dari RanauNet -- nan
baanggotakan kl 1.700 urang ko -- sebagai ' pasa gagasan' kito urang Minang
pado umumnyo, dan kito urang Rantau pada khususnyo.
Sapanjang nan nampak dek ambo, potensi RantauNet ko adolah maagiah peluang ka
kito sadonyo untuak batuka pikiran -- 'manjua dan mambali ' -- tantang sagalo
masalah, dari nan ringan-ringan sarupo baa caro mambuek samba lado tanak sampai
nan barek-barek sarupo ABS SBK atau NII.
Tantu sajo salain kito manyampaikan pandapek kito surang, kito paralu juo
mandanga mandapek urang lain. Kalau alun cocok. dilanjutkan wacananyo, kalau
alah cocok dan batua, kito tarimo. Salamo ko ambo maangkek masalah ABS SBK, iyo
sabana rami, baiak nan manarimo, manulak, atau mangoreksi. Sadonyo ambo
tampuang elok-elok, indak ado nan ambo tulak. Kalau kito ingin masalahnyo
tuntas, tantu indak di RantauNet ko tampeknyo. Paralu diadokan diskusi,
seminar, kalau paralu kongres bana. Basamo jo pak Mochtar, ambo mambawo masalah
ABS SBK ko ka Gebu Minang, mulonyo manyarankan diadokannyo Kongres Kebudayaan
Minangkabau (KKM), tapi karano cukuik banyak nan indak -- atau alun -- setuju,
mako diubah manjadi Seminar Kebudayaan Minangkabau Gebu Minang ( SKM GM), nan
alhamdulillah alah bisa mambahas ABS SBK ko sampai salasai, sampai bisa
dirumuskan buku Pedoman Pengamalan ABS SBK, nan kini nampaknyo lai mandapek
sambutan nan agak rancak dari sagalo fihak. Alhamdulillah.
Kendala RantauNet jaleh karano indak ado moderator untuak mangatur lalulintas
sagalo macam wacana itu. Sebagai gantinyo, Urang Dapua alah mambuek 'adat
salingka palanta' sebagai rambu-rambu, nan harus diparatikan dek sagalo nan
ikuik dalam wacana RantauNet. Umumnyo ' adat salingka palanta' tu lai dipatuhi
dek peserta. Tantu sajo sasakali ado nan indak patuah, sahinggo wacana jadi
lego pagai. Kalau itu nan tajadi, mako jiko ado tujuah urang nan mausulkan,
mako anggota nan basangkutan dikaluakan [ ' dicabuik akinyo' ].
Itu nan nampak dek ambo. Talabiah takurang mohon maaf, dan tolong dipeloki.
Wassalam,
Saafroedin Bahar Soetan Madjolelo
(Laki-laki, Tanjung, masuk 75 th, Jakarta)
Taqdir di tangan Allah, syukurnya nasib di tangan kita.
--
.
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
